سلام من رب العباد لشقراء ,,, فهد المفرج

[فهد المفرج]

بسم الله الحمن الرحيم


قصيدة تم القاءها في الأمسية التي احييتها في مهرجان شقراء السياحي عام 1429 هـ





http://www.5ymah.net/inf/voicesm/2836.ra


ســلام من رب العبــــاد لشقرا


رب الغنـــاويـــــه ورب الفقرا


للي قــــرا واللي بــعـد ما يقرا


اعــــداد بــــراق الحيا بمزونه


الديــــره اللي بين نفد وروضه


عــــز الله انها بالحلا محظوظه


دلوعة ٍ تمشي على آخر موضه


من حبــــــها كل البشر مجنونه


ديــــــره ولكن ما هـي اية ديره


اهــل الفــعــول مقدرين الجيره


جيـــنا لكــم يا طيبــــين السيره


ربـــــع ٍ لنا والذل ما يــرضونه


عــدوهــم منهم يـــذوق الصالي


وصديــقـــهم قدره رفيع وعالي


ما هـــم بيـــالالا يــــــالالا لالي


تاريخــــــهم كل العرب يقرونه


اهل الكـرم والطيب واهل الدله


واهل الشجــــاعه للمعـــــادي عله


يستاهلـــــــــون المـــــدح كله كله


المدح فيهم سنــــــــــة مسنـــــونه


رجالهم ما هيــــب تطـفـــي ضوه


إي والله اللي والنــعــــم في الخوه


فيه الوفا والمـــــرجله ومــــروه


ما تقصر علــوم الوفـــــا من دونه


اليا نخيــته في لــــزوم وحــــاجه


تضحك سنونه قبل ضحك حجاجه


الديــــــــن والنهج السوي منهاجه


لاضاقت الدنيـــــــــــا بهم يلقونه


قلته وانا داري ربـــــــوع مجزل


في حبــــــــها راع الهوى يتغزل


لا ربعــت والعشب جا مثل الزل


تميـــــــــر كل اهل الوفا ينصونه


فهد المفرج

[سراييفو]

اليا نخيــته في لــــزوم وحــــاجه



تضحك سنونه قبل ضحك حجاجه


صح لسانك
جزاله حتى النخااااع
يعطيك العافيه

[أمير الحوطة]

قلته وانا داري ربـــــــوع مجزل



في حبــــــــها راع الهوى يتغزل



لا ربعــت والعشب جا مثل الزل



تميـــــــــر كل اهل الوفا ينصونه


صح لسانك يا أبو مشهور

[لا بعد ماشفت كيدي]

فهد المفرج

الابداع ليس غريبً على اهله
وهاأنت من جديد تحلق بنا في سماء الإبداع
صح لسانك وعلا شانك


أختكـ××

لابعد ماشفت كيدي

[لا بعد ماشفت كيدي]

جبت لكم القصيده بصوت الشاعر فهد
اعجبتني وبغيتكم تسمعونها
تفضلوا

http://www.5ymah.net/inf/voicesm/2836.ra

[أبوفيصل]

مشكورين على القصيدة

[((عريبة الجد))]

هنا شعر حقيقي


وبصمة ابداع واضحة

صح لسانك مدد بلا عدد

لاهنت

[سفير آل عبهول]

صح لسانك وعلى شانك يالذيب


بيض الله وجهك وكثر من امثالك

[عزي لحالي]

عزّ الله انك شاعر يروي الذائقه ..

و الدليل هـ القصيده الراقيه و الكايفه ..

صح لسانك .. صح لسانك ..

تقبل مروري و اعجابي المستمر ..

احترامي

[الجارح]

صح لسانك كلام جميل ويستاهلون اهل شقرا,,,,,,,,,,,,,,,

[تركي الفيصل]

المدح فيهم سنة مسنونه
صح السانك يابو مشهور والله يبيض وجهك بيضة وجيهنا في كل محفل

[عبيد الشيخ]

فهد المفرج يابن العم ......... مايميزك حبك لاهلك ودائماً تطريهم في كل المناسبات وهذا هو لب الموضوع والا يافهد ؟

[opr0310]

صح لسانك واشهد انك خير من يمثل القبيلة

[عالي الصيت]

قلته وانا داري ربـــــــوع مجزل



في حبــــــــها راع الهوى يتغزل



لا ربعــت والعشب جا مثل الزل



تميـــــــــر كل اهل الوفا ينصونه
صح لسانك ياولد العم وعزالله انك رمزاً للفخر في كل مكان
الله يبيض وجهك

[الخيال]

مشكور يابو مشهور على هالقصيده

[العبهول التميمي]

صح لسانك ياشاعرنا الكبير أبو مشهوووور ، وننتظر جديدك

[عبيد الفيصل]

صح لسانك ياأبو مشهور وعز الله إن أهل شقراء يستاهلون من غير قصور بالجميع

[صدى الشوق]

صح لسانك وعلا شانك قصيدة جزلة وجميلة والأجمل هو القائك