الان ديوان الشاعر الكبير خلف المشعان العنزي

[عزي لحالي]

•·.·°¯`·.·• ( الشجـاعـه..تغلب الكثـرة.. ) •·.·°¯`·.·•


ان غبت جبت..وعادتي..لاغبت ماارجع بالهزيل
..........ان جبت اجيب اللي محد..بالشعر قبلي..جابها
على سبيل اهل المثل..ماني مثل اهل السبيل
..........اللي معاني حضورها..تشبه...معاني غيابها
تعشقتي الفكرة..بكر..واقهربها الوزن الثقيل
..........اللي بنات افكارهم..مبطي..رميت..حجابها
لا المستحيل يردني..ولا ابن عم..المستحيل
..........ياما كسرت القاعدة..واخلفت وجه..اعرابها
مهما بلغ كثر العدد..يبقى بنظر عيني..قليل
..........مايغلبون..التغلبي..قوم/ن ..عطت مضرابها
ايه..الشجاعه..تغلب الكثرة..وانا اعطيك الدليل
..........الذيب..يدرع بالغنم..ولايحسب..حسابها
لو كان من اسمه جميل..من العرب..يطلع جميل
..........كان اكثر اسماء العرب..تحمل صفات اصحابها
ماينعم..بظل النخيل اللي تحت جذع النخيل
............الشمس تصقع هامته..حتى..يحين..غيابها
ولا طولت عمر أدمي قولة(عسى عمرك طويل)
..........طول العمار..وقصرها..رب العباد..ادرابها
رح ردها عني..وانا بكبر..عواقبها..كفيل
..........ان كانها كذبة..فانا..بين العرب..كذابها
ان الشجاعه تغلب الكثرة..وهذا اكبر دليل
..........الذيب..يدرع بالغنم..ولايحسب..حسابها

[عزي لحالي]

•·.·°¯`·.·• ( اهـداء من خلف المشعـان الى مطلق النومسي ) •·.·°¯`·.·•


يامطلق المشعان .. عز الله اقديت
....................... وماوالله اخلف عن جوابك .. جوابـي
انت تخبرني .. لا تغيبت .. سديت
........................ وانا اخبرك انك .. تســد ّ بغيابــــي
وانا اول اللي يعتزي .. لا تعزويت
......................... وانت اول اللي لا هقيت .. تهقابــي
محدٍ له معشى معي .. لين .. طليت
....................... قاسمتني يالذيب الامعط .. زهابـــــي
فان جيت والا قدّر اللـّه .. ماجيت
......................... المرحبا بك .. عدها ... مـرحـبابي
ادريبك ادري ، ضاق صدرك وسجيت
...................... وقمت تحسب ضمن الخسـاير حسابي
لا لا يبن عمي .. ترى .. ماتخـليت
...................... اصبر .. عليّه .. لين اكمل .. خطابي
ابيك تفهمني .. لياقلت .. مليـ ت
........................ ياعزوتي .. كل يوم .. يكـبر مـصابي
ماتجهلك بعض السوالف .. لو اخفيت
......................... وحياة ابويه .. من حكابك .. حكـابي
يوم اشتهرت وصارلي بالعرب صيت
.......................... شفت الحسـد يطـلع .. درابي درابي
من عشرة الشعار .. ياخي .. توذيت
............................. عذبهم .. الله .. يتعبون .. لعذابي
هم اكثر اللي يشتموني .. الياقفيت
............................. وهم اكثر اللي يمدحـون .. بجنابي
ياما حكو فيني .. وياما تغاضيت
............................. وياما تعروا .. واسترتهم .. ثيابــي
وياما .. الـ يا ماعاد .. تسوى وهجيت
.......................... كل ماطلع بيبي .. عليّه .. يـ بابـــي
ان كنت مخطي لا تقول .. اني اخطـيت
........................... منشان .. مااخلف عن جوابك جوابي

[عزي لحالي]

•·.·°¯`·.·• ( عابر طريق ) •·.·°¯`·.·•


من جيت للدنيا وانا ( حظي ) .. مثل عابر طريق
يشّر ، على خط الزمن .. عل الليالي ، تنقله

صابر على مر التعب .. كرمال عينك .. يالرحيق
يطيح صبري ( واشقله ).. وايطيح وارجع واشقله

يضيق صدري ( بالعَجَل ) واقول صدري مايضيق
استثقل اني انهزم .. وآخذ من الهــم ... اثقله

ومع كل هذا .. بسمتي .. مافارقت عين الصديق
واللي يعرقل بسمتي .. أضحك .. عشان اعرقله

ماعرف اكون الا كذا .. صادق ولا احب البريق
مثلي مثل أية بشر .. بالصيف .. يرفع .. منقله

مااحب امثّل مثلهم .. ( شفيئ ) ياراجل ( شفيق )
ولا حب اسوي بالشعر .. حشوة حكي .. ( مستعقله )

اللي اعرف اني اجي .. واشعلل الساحه .. حريق
واني حكيم .. بفطرتي .. واكتب من الشعر .. اعقله

( سطحي ) الى حد السما .. واضح ولا لي بالعميق
اللي تحت قاع البحر .. والموج .. فوقه .. يرقله

ماهمني كثر الفرق .. حولي .. وانا وحدي .. فريق
أحب .. خط المسطره .. واكره .. مسار المنقله

[عزي لحالي]

•·.·°¯`·.·• ( ناس/ن ذليله ) •·.·°¯`·.·•



إن كنت تنشد يالمسيكي .. عن الحال
........................ مالي على .. كتمانها عنك .. حيله

الصبر عن بوح الاحاسيس .. قتال
........................ والبوح في بعض المواقف ، فشيله

لو كل مايطري على البال ينقال
.......................... ماكان شفت ان الثقيله .... ثقيله

ابطيت اكافح ضيقة البال بالبال
...................... . وادفع بلا .. هاجوسها كل .. ليله

لين اقبلت مثل .. السحابه بهمال
........................ تشفي غليل اللي .. تزايد غليـله

طاحت ، ولاْوفق من حناياك منزال
..................... وابطلبك .. يابدر ( تكمى ) المخيله

ان قيل ترعد .. قلهم : صوت زلزال
.................. وان قيل تبرق .. شف لها ادناة حيله

مابي .. تناقلها هل القيل والقال
..................... .. وتصير من بعد القصيره .. طويله

يابدر .. ماني عال .. لو صحتي عال
.................... .. شفني من الصدمات نفسي عليله

اشيل حملٍ .. لو يشيلنه .. جبال
..................... .. الله ، وامانه .. غير تصبح نثيله

ارمي .. من هموم الزمن .. واسحب أدبال
................. وانزل عن ( الجوكر ) وغيري يشيله

من كثر ماشفت بحياتي من انذال ....!!
...................... .. بديت اشك ان النذاله ... فضيله

ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله

اقرب من اللي قالهم ضمن ماقال .. :
..................... راكان بن حثلين .. راعي الجزيله

( هذا .. ولد عمٍ ، وهذا .. ولد خال
.......................... وهذا .. رفيقٍ مالقينا .. بديله )

سبحان منهو يابد غيّر الحال ..!!
.................... .. وحط الجفا بين الخليل .. وخليله

هذا الزمن يبغاله .. لسان دلاّل .. !
................. .. من يستحي هالوقت .. واعزتي له

وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!

ومن كان ساسه للردى مضرب امثال
................. .. اليوم .. يحسب من كبار القبيله ..!!

المال .. يابن حنيف ملعون .. ابو المال
................. // .. ذل العزيز .. وعز .. ناسٍ ذليله ...!

[عزي لحالي]

إعتكـ ـ ـ ـ ـ ـاف المقـ ـ ـ ـ ـبرة !!



أوّل عشقتك آنسه ... واليوم ، آسف .. يامدام

********************************> نخلة غرامك أضمرت .... صعبه تعوّد مثمره
:
صعب أتجاهل واقعي ،، وامشي معك دربٍ ظـــــلام

********************************> ماكل غيمه بالسما .... تبرق وترعد ممطره
:
صعبه بعد ( حكم الزمن تستأنفي ذاك الغرام

******************************** من وين أبصنعلك ( غلا )واشواق قلبي مدبره
:
مافي سجود الا ( السهو ) ياغافله بعد السلام

************************>>> ومافي شبيه لرجعتك الا (( اعتكــاف المقبره ))
:
لاتزعجيني وازعجك .. جرحي على وجه التئااام

************************>>> وكسري جبر ،، لوهو خطا .. ماودي ارجع واكسره
:
انسي معي ( ياآنسه ) ـ عفواً ـ انا قصدي مدام

************************>> شخصٍ عيونه انعمت ... ماله ومال المــــــنظره

[عزي لحالي]

ياااااااااااااااخفّ .. جرحك ..!!


الشعر .. بوح .. وهاجسي .. يكره البوح
........................................ وشلون .. يلقى .. كاره البوح .. راحــه ؟؟

الطعنه .. اللي .. حاولت .. تاخذ الروح
.......................................... ماخلت .. بصدر .. الشمالي .. مساحه .!!

ياضيقةٍ .. صارت معي وين .. ماروووح
........................................ بعض الصراحه .. منك ... توجع .. صراحه

لكن حبيبك ماتعود .. على .. النوح
.......................................... ياخفّ جرحك .. بين .. باقي .. جرااااحه

بعض الجروح نحبها ... لوهي جروح
................................................. يسعد مسا جرحك ... ويسعد صباحه

مسموح لو توجع .. خطاياك مسموح
................................................. حكم الخطايا .. منك .. فيني .. مباحه

حتى .. ولو قلبي .. بيدّيك .. مذبووووح
.......................................... يضحك .. وكنه .. جالس .. باسترااااااحه

[عزي لحالي]

{ نعم مغرور }



. تقول: الله يالدنيا ‍!! غدى شاعر ، وله جمهـور
........................... واقول : انتي قبل تطلع جماهيري تعرفيني

أنا ماني مثل نايف ، ولاضيدان بن منصـــــور

............................ صحيح اني على قدي ، ولكنك تخبــريني

نسيتي يوم جبتيلي قصيده كلبوها كســـــــور؟
......................... نسيتي قبل اخليها ( قصيده ) وشعطيتيني

صدق من قال : هالدنيا تدور وتكشف المستــــور
........................ ترى ماقلتها لحـّد ولكــــــنك جبرتيـــني

انا ماسعى ورى الشهره . ولكني ! خطفت النـــور
........................ كثير اللي عشق شعري مثل مانتي عشقـــتيني

نعم مغرور ياهبله ! ( على مثلك ) نعـــم مغرور
......................... واذا لك حاجة عندي خذيها لاتغثـــيـني

ومادامك تعرفين اني غديت الشاعر المشــــهـــور
........................ أجل لاتشرهين اني أعرفك . لو صدفتيــني

[عزي لحالي]

•·.·°¯`·.·• ( ميلة عقالي ) •·.·°¯`·.·•



قبل القصيد ومطلعه وارتجالي
---------------------- السلم سلم .. وغصب عنا .. اتباعه

حيالله اللي دون غيري عنااالي
-----------------------أبشرلك .. برجـــلٍ .. يشمر ذراااعه

فل ..الدفاتر .. فلها .. فلهـــــااالي
-----------------------هتان شـــــعري ماخشيت انقطاااعه

ماضاق حرفي في مساحة خيااالي
-----------------------وماقد تصنعت .. المعاني .. صناعه

اقرب عليّه .. من سمارة .. ظلالي
-----------------------وابعد من نجوم السما .. بارتفاااعه

عالي وجيت ملايعٍ حرف عالي
-----------------------ماني مخيب .. هقوته .. وانطبااعه

مابالردى ياصاحبي .. هملالي
-----------------------واخوك .. عنده للتردي .. مناااعه

رابع بيوتك .. وين ممشي اقباالي
-----------------------فزيتـــله ..من قلب .. فزة شجااعه

ويش انت شايف غير ميلة عقالي
-----------------------وانت اتعرف راعيه وشهي .. طباعه

ويـــــــلان ,, مبطي حاميين التوالي
----------------------عدونا نجليه ... والقاع .. قـــــاعه

مثل الذهب .. بين الجواهر يلالي
-----------------------ومثل النخل .. بين الشجر والزراعه

ياصاحبي حلاة مابي اخبااالي
----------------------- وصدري شمالي مايضيق اتساعه

مامر بالك مر مبطي .. فبااالي
-----------------------لاتندفع .. خلف الزمن واندفاااااعه

متنا عطش والــ...…. يشرب زلالي
-----------------------جعنا .. ولكن ماشكينا ..المجاعه

يوم الردي يجمع على المال مالي

-----------------------الوايلي .. من ضيق يرخص متاعه

ياصاحبي خلك تروم المعااااالي
-----------------------السبع سبع .. ومايعاشر اضبااعه

ماظل من هالعمر يسوى الزوالي
----------------------وأبشرك .. علم .. التوابع اشـــاعه

[عزي لحالي]

¯−ـ‗ऊ_»ऋँويسهر الخلقऋँ«_ऊ‗ـ−¯



ماودي أسأل .. ليش تبكي .. قصايدك
..... ماهو جديد .. ان كان هذا .. جديدك

ياما بكى شعرك .. وهذي .. عوايدك
...... الحزن .. دايم .. ما يفارق .. قصيدك

كلن خذلك .. وناقصن فيه .. زايدك
........ انت المراجل .. عن بعضهم .. تزيدك

ياللي المعاني .. جوهرة في قلايدك
........... قم .. قلد القيفان .. جوهر .. فريدك

الناس تسهر .. تختصم في شرايدك
واينام جفنك .. ما سأل عن .. شريدك

عيد الحزن .. ما بيه دايم .. يعايدك
...... من كل قلبي قلت : لا ع اد عيدك

[عزي لحالي]

¯−ـ‗ऊ_»ऋँيااوادم مايقارن مع طلالऋँ«_ऊ‗ـ−¯



كل مقال .. له مقام ../ .. وكل مقامٍ .. له مقال
والمقال اللي قريته .. شيئ ماهو .. منطقي

كنت باسوأ حال.. لكن ..!! صرت أكثر سوء حال
من قريت العلم الاقشر .. مات حبري .. بورقي

من نثر دمع الطنايا .. من حرق .. دم الخوال
عبرة الحزن المؤكد .. لو سمحتي .. انطقي

موت ذكرى .. ياآوادم .. مايقارن مع .. طلال
وش يجيب .. الدمبكيه .. جنب .. رجالٍ تقي

وش يجيب اردى العذارى لا طلق وجيه الرجال
.. بعدها مليون يطلع .. مير بعده .. وش بقي

موتها واستغفر الله عن بعض كلمه .. حلال
الحرام يموت فارس .. موت .. ماهو .. منطقي

[عزي لحالي]

¯−ـ‗ऊ_»ऋँيازول ابويهऋँ«_ऊ‗ـ−¯



;يازول ابو يه .. شفتها من هالايام
وعز الله اني قلت ماهي .. خليه

وحق الله اني قلتها من اول شمام
تبت يدا عارف .... وتبت يديه

لومالظروف اركت علينا بالاحكام
ماكان ثارت بندق اللوم فيه

محشوم عن فعل الردى يابن الاكرام
أردى فعولك يوم تذبح .. شليه

مابك ردى حيشاك ... ياطير غنام
.. صيدك سمين ولا تصيد ... الرديه

رمت المراجل من صغر سنك ريام
حاشا قدم رجلك .. تدوس الخطيه

بك نخوة عتيبه وفزعة بني يام
وبك من طنا شمر وطيب السميه

وايل من ورى دور الاسلام
ماخاب منهو عزوته ، وايليه

ربعي لياصار اللقا .. درع وحزام
للضيف ريف وللمعادين .. سيه

يالدهمشي .. ماهي تماثيل وافلام
طيبك فخر مابين الاجناب ليه

عزالله اني .. قلتها من اول شمام
اردى فعولك يوم تذبح .. شليه

[عزي لحالي]

¯−ـ‗ऊ_»ऋँماهي بشاره للعرب ऋँ«_‗ـ−¯



ماهي بشاره .. لو زعل .. عارف سرور
. شوفة عزيز ٍ .. ذل .. بيدين .. كافر

معذور ابو طارق .. ولا هو .. بمعذور
حنا العرب ... مبطي نعيش .. بتنافر

مهما بلغ صدام .. من مبلغ الجوووور
ياناس .. لاتنسون .. للذنب .. غافر

صدام مسلم .. إيه مسلم .. ومكسور !!!
وجه الفضيحه .. ياهل العرف سافِر

والله .. مايدرى على منهو .. الدوور
اللي وقع .. في حفرته .. كان حافر

أكبر مصيبه .. للعرب طيحة الثوور
على الأقل ..ينطح .. ويقدر .. يعافر

وماهي بشاره .. لو زعل .. عارف سرور
شوفة عزيز ٍ .. ذل .. بيدين .. كافر

[عزي لحالي]

¯−‗ऊ_»ऋँ خلك شمالي.. والعن الشيطانऋँ«_ऊ ‗−¯



يقول المرتكي : خلك شمالي .. والعن الشيطان =تركد وامسك اعصابك وهد ونوّخ جنوونك

ويقول المرتهي بعض السوالف ياولد نقصاان =تراك تغالط العالم ... ولاظنيت يتلونك

ومدام الناس ماتدري وش اللي مضايق المشعان =ابنخى اللي ليامني نخيته .. قال : لعيونك

ابنخى الحرف يترجل ويربط جعبة القيفان =يهز القاع لامنه ضربها وصااح ماخونك

انا ياحرف ماخبرك تروغ بساحة الميدان =ابيك تزعزع قلوب الرجال وتظهر افنونك

ابيك الناهر/ القاهر / ابيك تطهر الادران =ابيك الباهر / الظاهر/ لخلق الله يشوفونك

ابيك الكافي / الوافي / ابيك الضافي / المليان =ابي لاعدو اهل الشعر .. بأولهم يعدووونك

ابيك تضحك ( الباكي ) وابيك تبكي ( الفرحان ) =ابي من لايهابونك .. يعرفون .. ويهابونك

ابيك اتعلم الغافل / أو السافل / أو ايا كان =وابيك تحشّم وجيه الرجال ومن يحبوونك

تفنن والعب بكيفك مادام ان عزوتك ويلان =الى من صارت ( الهيّه ) يفزون و يعزونك

اهل حكم وسيادتهم من اول لاخر الازمااان =يحق الك الفخر فيهم وهم للموت من دونك

يهيه .. افهم ترى مابي عليك اضحك العربان =وربي لو دخلت بكل ربعك مايفكونك

عمت عينك عن الدرب ودخلت بساحتي حفياان =تحمل عاد ماجاك / ويجيك / وحسّب ديونك

ترى الي يشري بماله لحاله علته خسران =وانا والله وراي اللي يبيعونك / ويشرونك

ترى بالما ( تماسيح ) و تحت هاك الشجر ( ديبان ) =نصحتك تفهم المعنى صحيح ولايغشونك

هنا .. من لا نتهى مما نهوه اهل الهوى ينهان =هنا.. منهم يحشمونك تراهم مايحشمونك

ترى ماعادني خبرك شمالي .. واسفه الغلطان =نسيت اطباع جداني وربعي .. بس لعيونك

قسم باللي خلق سبع الاراضي وانزل القرآن … =لخلي كل من يجهل عقب هذي يعرفونك

[عزي لحالي]

¯−‗ऊ_»ऋँ صدر الشمالي ऋँ«_ऊ‗−¯



يقولون العرب صدر الشمالي .. مايضيق بساع = وانا اقول الصدور اليوم .. ماعادت شماليه

بدت في داخلي ضيقه عجزت القالها مطلاع = تغيب . وترجع .. وترجع تغيب ... ومالها نيه

عمتني كلمة ٍ جتني . وضقت .. وضاق صدر القاع = الا يالله لاتجزى غشيم ٍ .. قالها فيّه

لهو صفاع .. ياربي .. ولاهو للعرب نفاع =بلاني وابتلى حاله ... وبعض الناس مبليه

نهيته قبل هالمره .. يخلي سيرتي .. ماطاع = الا يالعنبو جد القصيد .. ولعنبو بيه

ضعيف النفس ( نسونجي ) يشوف بعينه الاطباع = يحسبني مثل ربعه .... يسوق بضاعته ليه

انا اشري .. لابغيت اشري .. ولاني مساوم البياع = الى من قاللي ميه .. عطيته فوقها ميه

انا اكتب .. لجل من يقرا .. ولاارجي من يقول ابداع =وابد لاتحسبن مثلك يشكلي أهميه

ترى ياهيه .. لامني نويتك .. بس اطق اصباع = يجيني الف شيطان ... ووراهم الف جنيه

أجرك من طرف حرفك .. وارد الصاع مية صاع = جنون القاف ... ارقصها ... على راسك .. هجائيه

يويلك لو توليتك .. وربي .. مالك الشفاع = يجيك من القصيد .. احسب ...... 300 ،،، 300

ولكن .. خلك بحالك .. مادام ان الصدور وساع = ترى للحين ماضاقت ولسعها .. شماليه

[عزي لحالي]

¯−‗ऊ_»ऋ ياحليله دن حجيله ऋँ«_ऊ‗−¯



يحليله .. دن حجيله … / … دن حجيله .. يحليله = يحليله .. دن حجيله … / … مدري وشلون التالي

قبل البدو تقصدها … / … وطرت علي الليله = ماعرف وش تاليها … / … لكنها ..... في باااالي

( عارف ) هو اللي عارف ... / ... والا مطر ( بعديله ) =( يبو قظاظه بيضا ) ..../ ....ماعيبت شمالي

هالحزن ماهو دايم .../ ... لو جاب لي كل حيله = ربك يبي يفرجها …/... لكن ....!! .. بونّس حاااالي

وازعج لهم بالحنده … / .. صكولها يجهيله =مال الزمن ( ياحصه ) .. / .. مامال غير عقااالي

كيدِ لهم .. بغني ... / ... ياناقض الجديله = والله لعمّر سلّم ../ ..وارقى ع الضلع العالي

وارجع على موالي ... دِنْ دِنْ .. دَنّ حجيله = باكر تشيب عيوني.. / . وأقولها .. لعيالي

[عزي لحالي]

¯−‗ऊ_»ऋँ هذا جزايه ऋँ«_ऊ‗−¯



ياخالد الشتفان .. قلي وش الراي = ماغيرك لياحترت .. دورت رايه

رايك سراجي .. في دهاليز ظلماي= قبل الشعر يبحث خفاك .. وخفايه

كنت اول اللي يقتنص لي خطاياي =بس آخر اللي .. يفرحون بخطايه

ياكثر مااشكي لك .. وتسمع لشكواي= وياكثر مااشقيتك ، بسبة شقايه

قلبك على قلبي .. وممشاك ممشاي= كم لي بقلبك ماتزحزح .. غلايه

بالرغم .. من كثر الرفاقه بدنياي = إلا أنك اصدق ، من يلبي .. ندايه

يامحزمي بالوقت الاقشر ويمناي = يااعز من يدفع.. رضاه لرضايه

ماجيت أغني لك لجل تسمع غناي = ولاجيت أبرهِن بالقصايد .. وفايه

جيتك لأنك عارف أقصاي ، وادناي= وابخص من عيوني بشوف اخويايه

تعبت ياخالد .. وجيتك من اقصاي = تايه .. ولاني عن نصايحك .. تايه

مرات أحس القاع .. تضحك على اخطاي = ومرات احس اخطاي .. تضحك ورايه

ماعدت اميز صف ربعي من اعداي = ياكم .. عدوٍ .. كان أعز اصدقايه

ماكان يحلم في حياته بلقيااااي = وأقصى طموحه يوم يمشي معايه

واليالتقابي .. واكتشف طيب ملقاي :=. رقى على متني .. وهذا .. جزايه

مافادني ظني وطيبة نواياي ..!!=صرت الوسيله .. بعد ماكنت غايه

ياخالد الشتفان .. قلي وش الراي =ماغيرك الياحترت .. دوّرت رايه


اتمنى ان تنال على اعجابكم

اخــوكـــم/ عزي لحالي