سفير آل عبهول
07-Sep-2007, 03:05 PM
السلام عليكم ورحمة الله وبركاته
صــباح الخــير والرضا
قصيدة قريتها وأعجبتني فحبيت تسمعونها
ألا يالله عفوك لا معي بيجر ولا جوال=ولا عندي وظيفة والتجارة فاشل فيها
ولا عندي شهاداتٍ ولا حرفة تسد الحال=ولا حظٍ كبير لا اخطت الجرة يقديها
مخابي الثوب تومي ما دخلها من زمان ريال=بها فاتورة الكهرب ولا يمديني أقضيها
على ذيك العراوي تتعب الحادي مع الجمّال=ثلاث شهور فالورشة وشهرينٍ مغطيها
أبيها لو تجمّل يوم وأجلبها على الدلاّل=يجيها واحدٍ حظه مثل حظي ويشريها
نصيت العسكرية يوم قالوا للنظام رجال=وقدمت الملف وصورةٍ متشخصٍ فيها
خذا الأوراق مني واحدٍ ما عند أبوه دلال=سلوم الناس وأهل المعرفة والطيب مخطيها
قراها في دقيقة والتفت عجلٍ علي وقال=شهادتك العظيمة يا ولد وين أنت مخفيها
هزيت الراس ما عندي تقول إني من البنغال=وقمت أحب خشمه بالله تمشيها
حذفها من يده شين الطبيعة والنبا والفال=وقال أزين تعوّد صوب نوقاتك تعشيها
تناوشته من الكرسي وعفت الحلّ والترحال=وضربته بالبيالة عقب ما بيّحت شاهيها
خذوني للسجن لا نيب ظالم ولا محتال=مجرد واحدٍ جا يكحل عيونه فيعميها 0..
ويوم إني خرجت وأقفيت لأرض الله وسيع الجال=على برٍ هواه يداوي العلة ويبريها
أدور قصعة الجربوع والضب الفتي يختال=والأرنب يا شفاة الروح محلاها وطاريها
بلا كهرب ولا بيجر ولا غازٍ ولا نقّال=قوانين الحضارة لا تبي شوفي ولا أبيها
وسلامتكم
صــباح الخــير والرضا
قصيدة قريتها وأعجبتني فحبيت تسمعونها
ألا يالله عفوك لا معي بيجر ولا جوال=ولا عندي وظيفة والتجارة فاشل فيها
ولا عندي شهاداتٍ ولا حرفة تسد الحال=ولا حظٍ كبير لا اخطت الجرة يقديها
مخابي الثوب تومي ما دخلها من زمان ريال=بها فاتورة الكهرب ولا يمديني أقضيها
على ذيك العراوي تتعب الحادي مع الجمّال=ثلاث شهور فالورشة وشهرينٍ مغطيها
أبيها لو تجمّل يوم وأجلبها على الدلاّل=يجيها واحدٍ حظه مثل حظي ويشريها
نصيت العسكرية يوم قالوا للنظام رجال=وقدمت الملف وصورةٍ متشخصٍ فيها
خذا الأوراق مني واحدٍ ما عند أبوه دلال=سلوم الناس وأهل المعرفة والطيب مخطيها
قراها في دقيقة والتفت عجلٍ علي وقال=شهادتك العظيمة يا ولد وين أنت مخفيها
هزيت الراس ما عندي تقول إني من البنغال=وقمت أحب خشمه بالله تمشيها
حذفها من يده شين الطبيعة والنبا والفال=وقال أزين تعوّد صوب نوقاتك تعشيها
تناوشته من الكرسي وعفت الحلّ والترحال=وضربته بالبيالة عقب ما بيّحت شاهيها
خذوني للسجن لا نيب ظالم ولا محتال=مجرد واحدٍ جا يكحل عيونه فيعميها 0..
ويوم إني خرجت وأقفيت لأرض الله وسيع الجال=على برٍ هواه يداوي العلة ويبريها
أدور قصعة الجربوع والضب الفتي يختال=والأرنب يا شفاة الروح محلاها وطاريها
بلا كهرب ولا بيجر ولا غازٍ ولا نقّال=قوانين الحضارة لا تبي شوفي ولا أبيها
وسلامتكم