رساله إلى رئيس البلديه والمجلس البلدي

[تركي الفيصل]

مضى فترة ليست بالقصيرة على كشط الطريق العام بمدينة تمير وحتى حينه لم يزفلت وكما تعلمون ان المدينة زوارها كثير والطريق يحمل بعض الاخطار فمن الافضل ان تسارع البلدية والمجلس البلدي كل على حسب مقدرته لإكمال الطريق بالوجه المطلوب

[العبهول التميمي]

والله المفروض يخلصونه بأسرع وقت ، الشتاء مقبل والكشاته واجدين

[أبو تميم الفيصل]

وين المجلس البلدي وين الجهود المبذوله ماعندك احد

[الخيال]

يارجال ماعندك احد

[عبيد الشيخ]

المجلس البلدي كلهم عيال عمك !!!!!!!!!!!!!

[صدى الشوق]

من جرف لدحديره ويا قلب لا تحزن

[ابو عدي]

هذا هو البلا ياديرتي كلهم من الجماعه ان رفعتها في الشارب ون طمنتها في اللحيه

[*محمد . نت*]

المشكلة كلها في رئيس البلدية .... ماهمته الديرة ولا أهلها أسألوا الموظفين اللي عنده ويعلمونكم ... عنده مكاتب عقارات في الرياض ويشتغل في شركة وتبونه يهتم للديرة أكيد بيهتم لأملاكه الخاصة أكثر ...
إرجعوا كم سنة على وقت الحربي وشوفوا وش سوى في الديرة جاب لها السيدين من السريع إلين الديرة والسيدين حق الصناعية وحق مبايض والشعب كلها هو اللي ساعي فيها جزاه الله خير ....

[hamad15]

رئيس البلدية والمجلس البلدي ضعوف وما لهم حيله ولا الشغلات هذي يبي لها مطامر عند سلمان
بس خلها على ربك شكل المقاول مرتكي على جبل وما همه احد .

[قايد تميم]

شكله صديقك سلمان ياحمد كذا حاف وبعدين كل الردور مافيه حلول
والمجلس البلدي ما فيه احد يدري عنه وش يسوي ومطالبات مع البلديه
ولا أحد يتكلم من راسه بدون مايعرف وش الى يصير بينهم ورئيس البلديه
اسئلني جالس مع عضو من المجلس البلدي والمشاكل بينهم وشارح كل التفاصيل
والكلااااااااااام كثير في هاذا الموضوع ودمتم سالميين

[المتحد]

انا جالس مع رئيس البلديه وتكلمنا عن الشارع العام وقال

ان المقاول ماسك مشاريع اكبر من الشارع العام وما يهمه ان يخصم

عليه وفيه معاملات في الوزاره على شان هذا المقاول

يعني البلديه ما قصرت والعقد بقي عليه سنه ونص وما تقدر تتكلم عليه الين

تنتهي المده المحدده

وبعدين رئيس البلديه متابع لكل ما يكتب في المنتدى منتدى تمير ويروح للمواقع

اللي نتكلم عنها ويصلحها اذا كان بمقدوره ذلك

يعني البلديه ما قصرت في شي واخر شي سووه طلعة ضاحك بدو يسون لها صيانه

ويزينونها

[المحترف]

يا رجال ما عندك احد
(((((( حاميها حررررراميها ))))
وشكرررررررررررررررررااااااااااااااا"""""""

[جرير]

المتحد اذا كان رئيس البلديه قالك الكلام اللي نقلته فعذرني ان رئيس البلديه ليس لديه اي علم بالمناقصات الحكوميه ........ تركي اعجبتني رسالتك للبلديه خاصه بالوجه المطلوب احس انك الوزير بعد ذا الرساله تراني امزح ..

البلديه علشان تنجح وتشتغل مضبوط لازم اعادة هيكلتها الاداريه من جديد وهذا ما يتمناه الكل واللبيب بالاشارة يفهم ...........

اما بخصوص المجلس البلدي الله يرحم مزنه ويرزق بنتها عفرا ولد ...

[فهد المفرج]

بصراحه ملينا من ذا المواضيع لسبب واحد فقط

لا حياة لمن تنادي

نرضى بالواقع المرير أفضل مليون مره من الحوار العقيم

[أبوفيصل]

انشاء الله يزينونه

[عبدالله]

السلام عليكم ورحمة الله وبركاته
المشروع استلمته الشركه وطلع من يد البلديه والمجلس ومايحاسبونه الا اذا انتهت مدة عقد انجاز المشروع

الاخو المحترف الحراميه الي تقول ذول عندك اثباتات وادله ولا تسمع وتنقل وشكرا