طريقة سهلة وجديدة لشوي الطير من غير شواية

[ولد آل عبهول]

مساء الورد والياسمين

السلام عليكم ورحمة الله وبركاته .......

حبيت اشارك بهالطريقه الرائعه لشوي الطيور بدون ادوات شوي وبدون اي تعب

وهي طريقه تحافظ على نكهة الطير وتجعله لين وتحتفظ على الفوائد الغذائيه بالطيور ولذيذه جدا

وكمان اقتصاديه

الطريقه بالترتيب

1- اشعل كميه من الفحم واتركه حتى يحمر
2-ابعد الفحم على جنب واحفر تحت مشب الفحم حفره 10 سم عشره سنتمتر فقط
3-احظر صيدك من الطيور ولاتنتفه ولاتغسله ولاتشيل امعائه كله مع بعض .... هذا اللي يبون الشباب
4-ضع الطيور على شكل صف في الحفره التي حفرتها ولاتضع بهارات ولاملح ولاشئ
5- ادفن الطيور بالحفره
6- افرش الفحم فوق الحفره التي دفنتها وبها الطيور
7- ضع براد الشاي ودلة القهوه فوق النار وسو شاي وزيد سكره اشوي واحكره وانبسط يا عم
8- اذا خلص براد الشاهي ودلة القهوه شيلهم وزيح الفحم وطلع صيدك

راح تتفاجئ من المنظر راح تظن ان الصيد لم يستوي لانك سوف ترى الريش على حاله لم يتغير كانه نيئ ولكن اسحب الريش سوف ينصلخ بسهوله وسوف ترى اللحم مستوي ومحمر على كيف كيفك

9-ضع ملح حسب رغبتك

واخيرا تمتع بطيب اللحم والشوي اللي عمرك ماراح اذوق احسن منه وخصوصا مع براد الشاهي المحكور وسكره زياده ....... وبالعافيه واكل وادعوا لي

وهذي الطريقه تصلح مع جميع انواع الطيور .....وشكرا للجميع

بالهناء والعافية ((( منقول )))

[المدار]

والله ان ضبطة فإنك منتب بسيط يا شيف العبهول
بس المشكله ان الوقت مو وقت طيور او صيد

وينطيك الف عافيه

[سفير آل عبهول]

نحتري الطيور تجي

وبنسويها يا ولد العبهول

بس يا ويلك إذا ما صلحت لأشب في البرادوا اللي معك

[ولد آل عبهول]

جرب اشو رجلك قبل يا السفير عشان ما تخسر طيور إذا ظبطت اعزمنا على الطيور؟
وشكراً للمرور للجميع

[العبهول التميمي]

أقول ياولد ال عبهول يبي لنا كشته على البرادوا ..

[سفير آل عبهول]

هههههه

خابرك ما تحب الطيور

وشلون جبتا هالوصفة ؟

[العباهلة]

ويا ولد ال عببببببببببببببببببهووووووووووووووول ياحبك للشوي
بس تبي الحق الكشتة معك ما تمل وشويك للدجاج أفضل لك أحسن من الطيور الي مالها لحم ولا وش قلت


البرادو / العبــــــــــــــــاهلة

[ولد آل عبهول]

أخي سفير آل عبهول ـ يسرني مرورك ـ لاكن من قال لك أني ما أحب أكل الطيور ـ أن قلت النظر لك عليه ولا فيه حرص عليه لأني أتعب دون فايده أقصد ما أشوف لكي أصيد . .. وبعدين جربت الشوي في رجلك عشان ناكل الطيور ولا لا .

أخي العباهلة ـ شكراً على الأثراء والمدح ـ وكم جميل أن يرد على موضوعي شخص أن معجب بشخصيته شخص إذا صاحبته في نزه برية يبرد القلب بشهامته وخفة نفسه الله يحفظك من كل شر أنت وأخوانك وأبناء عمومتك يا صاحب الهلي.

[ولد آل عبهول]

الله يكثر نزل الطيور في ديارنا خاصة والمسلمين عامه وبالهناء والعافيه لكل القناصين..

[أمير الحوطة]

نزلت الطيور ولا شفنا شيء
طيب ماتصلح مع السمان قبل ماننتف ريشه!!!

[الخيال]

الله يعطيك العافيه على هالوصفه

وياويلك ان ماضبطة

[ولد آل عبهول]

السمان يا اميرنا من الطيور واعتقد ان كل طير له ريش تصلح معه هذه الطريقه وبالصحة والعافية إذا سويتها اعزمني اعطيك رايي..


الخيال من الحين لا تجرب شكلك راعي طقاق وصراحة أنا مو قدك اشتر لك دجاج على الشوايه وعلى حسابي بالعافية يا رب ...

[قلب المنتدى]

يا معود حنا لقينا دخل نصيده علشان نشويه أو نطبخة

أنت عطناه وناكله ني

على العموم مشكور على الطريقة

[ولد آل عبهول]

ما شاء الله اشوف الشعبان فاضية تصدق يا قلب المنتدى الناس القناصين اكثر من الطيور المهاجرة فلذلك لا يستطيع البعض الصيد لقلته فالصغير والكبير والرجل والمرئه كلن بسلح يصيد النساء في المزارع تصيد والشباب في الاوديه كذلك فكيف تجد لكن لكل مجتهد نصيب لا تبطح في البيت وتقول عطنا الرزق لا ياتيك عند بابك إلا إذا كنت محتاج .... وشكراً لك ..