البنـــــــــــــات المهـــــــــــــابيـــــــــل

[جرير]

قصيده للشاعر سالم محمد اليامي

غديت انا والحب ربـع ورفقاقـه
وعيال عم وجدنا نجمـة اسهيـل
ونور القمر والجـو كلـه رواقـه
لما سطع نور القمر باخـر الليـل
سوالـفٍ بينـي وبينـه ذواقــه
تبري حياة اللي حياتـه غرابيـل
وبيني وبينه جـات اكبـر علاقـه
ماهي علاقة حـب بفـلام تمثيـل
لا والله الأ صادقـات الصـداقـه
يفديني بعمره وانا افديـه باالحيـل
من عقب ماشفت الغـزال الدقاقـه
اللي هدبها يرسل الموت والويـل
والخد طعمه طعـم سكـر مذاقـه
كن النحل في وسط خـده محاليـل
والخصر ويش الخصر كله رشاقـه
تلعب به اهبوب الهوى لعب منديل
وفي عينها بحـرٍ تزايـد زراقـه
لاهاج موجه ضاعت علوم هاالجيل
والرمش يقتل مـن نواهـا بعاقـه
وفي رمشها طب القلوب المعاليـل
وفيها ركود ولا تعـرف الطفاقـه
ماهي مثل بعض البنات المهابيـل
والموت كله بيـن عنقـه وساقـه
والصدر كنه من مطارات ترحيـل
الصمت فيها له خضـوع ولباقـه
وان سولفت تهتز منهـا رجاجيـل
حتى اسمها غير البنـات الدقاقـه
شيخه بنات اهل الخليج المعاسيـل
ان غاب عني صحت مابي فراقـه
وانهي بجمبي صغت احلى المواويل
احبهـا حـب الـبـدو للطـلاقـه
واحبها حب البـدو ريحـة الهيـل
واحبهـا حبـي لبكـره ونـاقـه
واحبهـا حـب البـدو للمعاميـل
بعض الشعر صادق وبعضه حماقه
وبعض الشعر يبقى خيالي وتحليل
وانا حروفـي كـل ابوهـا ذواقـه
لعيون من حبه جرفني كما السيـل
حبه بوسط القلـب وثـق وثاقـه
ابـو رمـوشٍ ناعسـاتٍ مظاليـل
ضيعت انا مابيـن خـده وساقـه
لاصار خده ساق والسـاق قنديـل
قلبي لها خيمـه وجسمـي رواقـه
ودمعي شرابه والعيـون الفناجيـل

[المدار]

قصيد رائعه

والشاعر واصف المحبوبه وصف خيالي

مشكور اخوي جرير على النقل

[عبيد الشيخ]

قصيدة رائعة
ابدور بيت ضعيف مالقيت ماشاء الله
واشكرك ياجرير .......

[عبدالملك]

يعطيك العافيه على نقل القصيده الرائعه

[فهد المفرج]

تشكر على هذه القصيدة وصح لسان القائل والناقل
تحياتي

[فهد الفيصل]

صح لسان الشاعر ..
ومشكور على هالتحفه الذهبيه ..
تقبل تواجدي ..

[نواعم]

http://www.arabsys.net/pic/thanx/20.gif (http://www.arabsys.net/pic/index.php)