المساعد الشخصي الرقمي

مشاهدة النسخة كاملة : قصيدة مضحكه من نسج الخيال ( بدون زعل الدبيات )

تركي الفيصل
01-Feb-2009, 12:27 AM
عزاه ياقلبٍ عشق لـه سمــيـنـــه ،،،،،،،،، حبٍ عـمى والحــظ لاشــك مــكتــــوب

يومٍ نظرت الخد ورموش عـيــنـه ،،،،،،،،، القلب هال ومال واصــبحــت منــهوب

قالوا عشان الزين تكرم مديـــنـه ،،،،،،،،، وأنا رخصت الروح من شان محبوب

قامت تمايلي سوات العــجـيـنــــه ،،،،،،،،، واردافهــا لامن مشت شـــقــت الثوب

والصدر ياكبرة ومــاكــبر يدينــــه ،،،،،،،،، ماتلبس الــتــيــور ولاتـلــبس الـروب

والخشم من كبره يغطي وجـــيــنه ،،،،،،،، من كبر خشــمه كـنــه انـفـاق ودروب

ولاهـيب مـملــوحة ولاهيب شينه ،،،،،،،،، مقبولةٍ لاكـن بــها شـــحوم وجـنــوب

قـــالوا تــزوج لـــك فتـاةٍ حسـينـه ،،،،،،،،، بنت لها منطـوق واخــلاق واسلــوب

اليا مشت ممشى خشوع وسكينه ،،،،،،،،، متــمــيزة بـالـزين مـن دون عذروب

وحلفت ماخذ غير بنتٍ سميـــــنــه ،،،،،،،،، والله فلا اسلى عن هواها ولا اتوب
سفير آل عبهول
01-Feb-2009, 04:18 PM
وحلفت ماخذ غير بنتٍ سميـــــنــه ،،،،،،،،، والله فلا اسلى عن هواها ولا اتوب


هههههههههههههههههههههههههههههههه


صح لسانك


صح لسانك على هالابيات


الظاهر إنك يا ولد العم تبي تصير مثل فالح الشيباني ،،، كل قصايدك ضحك

مشكووووووووووووور
المشاكس
01-Feb-2009, 04:54 PM
ما شاء الله عليك يا تركي

ومن هالناحية لا تزمل ، أكثر ما كثر الله من هالحريم أمهات الكروش
أبو تميم الفيصل
01-Feb-2009, 08:52 PM
ابشر يابو خالد بالبنت السمينة بس انتبة لاتصير ام العيال حولك
ورد الجوري
02-Feb-2009, 09:34 AM
هههههههههه
بس والله انتم يالرجال ماتشبعوووون ولا عاد عرفناكممم
ان صارت سمينة قلتوا خففي ابيس رشيقة ..غزال .. كلتي ماوراي ودوني خخخ
وان صارت رشيقة قلتوا وراس عود ..اللي يشوفس كنس في مجاااااااااااعة خخخخخ
خلك على ام عيالك واحمد ربك ليل ونهار
عبيد الشيخ
02-Feb-2009, 10:13 AM
قامت تمايلني سوات العــجـيـنــــه

الله ...... يابن العم على هالشطر
والخشم من كبره يغطي وجـــيــنه ،،،،،،،، من كبر خشــمه كـنــه انـفـاق ودروب
> صارت تكرونية تبيع صواريخ وطرطعانات .

اشكرك يابن العم على القصيدة التي اثلجت قلوب بعض السمينات ...لكن النحاف اظن انهن زعلن عليك يابوخالد يعني عطهن قصيدة كود الهوى يطيرهن ..
العباهلة
02-Feb-2009, 06:17 PM
اقول ياكثرهن في الشميسي دورلك من هالنوع واخطبها
العبهول التميمي
02-Feb-2009, 06:27 PM
صح لساااانك ،

وديرتي شكله ماقرا القصيدة ، القصيدة تسب في السمينات موب تمدح عشان يستانسن ،


إذا نشبت بأخو سمين وش تسوي يا تركي ؟؟
محـ الديار ـب
02-Feb-2009, 09:08 PM
بين الرجال يفكر بحرمتن ثانيه وشكلها سمينه ويمهد دربه قدامنا

هههههههههههههههههههههه
تركي الفيصل
02-Feb-2009, 11:34 PM
نشكركم على المرور والدبــــــــيات دايـــم خفيفة ضــل
حاملة المسك
03-Feb-2009, 09:55 AM
أهم شي الاخلاق الله من وحده زينه ومطلقه والسمنه مرض الله يكفينا شرها ومشكور على هالابيات الفكاهيه
أبو تميم الفيصل
03-Feb-2009, 04:40 PM
اذاء صار عندك ولد عم كوري وش تسوي ياتركي ؟
حاملة المسك
04-Feb-2009, 01:19 PM
بالعكس انا احب الاشباه الكورية لان كلامهم ( مابــيــه كــدا )
تركي الفيصل
04-Feb-2009, 01:22 PM
بالعكس يابوتميم الفيصل انا احب الاشباه الكورية وكلامهم ( مابيه كدا ///// ....... )
اصيل تمير
05-Feb-2009, 09:17 PM
ههههههههه
الرجال انفقع بطنه من الضحك ..
الله يوفقكم ويرزقك مااتمنى ..
والله قصيدتك مممتعه

مشكور على القصيده .:a (105):.
أبو ناصر الفيصل
06-Feb-2009, 08:03 PM
اه بس بعض الحسي ماله سنع
وخلك في ام عيالك واحمد ربك اها بس بعض الحسي ماله سنع ابد
شموخ ملكه
06-Feb-2009, 11:44 PM
اليا مشت ممشى خشوع وسكينه ،،،،،،،،، متــمــيزة بـالـزين مـن دون عذروب

مشكووووووووووووووووووووووووور
م/ أبوتميم العيسى
17-Feb-2009, 12:27 PM
ههههههههههههههههههههههههه
ص لسانك يابوخالد
الخيال
21-Feb-2009, 03:47 PM
هههههههههههههههههههه

ولو ماتخلي العياره يابو خالد

على العموم صح لسانك