المحاورة الثالثة ,, امسكوا الصفوف

[فهد المفرج]

بسم الله الرحمن الرحيم

المحاورة الثالثة على التوالي في منتديات آل عبهول وحبيت أن تكون مخصصة لشاعر واحد لإثارة الحماس وكالمعتاد الزعل ممنوع والدعوى سعة صدر ويا هلا بالجميع .

يا تركي الفيصل تعال ابيــــــــــك ,,, عندي كـــلام ٍ ودي اقـــــــــــــوله

ذا لي سنه يا صاحبي ناويـــــــك ,,, وان كنت شاعــــر فاكسب الجــوله

[تركي الفيصل]

فكره جيدة يابومشهور لتحريك المنتدى وتشجيع الاخوان واننا عيال عم وعلى كلامك الزعل ممنوع

يامرحـــبابك والله يحـــيـيـك ،،، معـقـوله انك جيت معقولـــه
جابك زمانك والقدر طاويــك ،،، واليا نويـتـك قـلت وشولـــه

[فهد المفرج]

حييتني وارحب وانا ابن آخيك ,,, تحيــتك لو كـــان مقبــــــوله
ما ودي ابحث يا ولــــد خافيك ,,, بنترك الابـــواب مقفـــــــوله

[تركي الفيصل]

ياصاحبي بانصحك انا واوصيك ،،، نصيـحة ماهيــب مجهــوله
لا لا تــزعــل يافـتى نـاهــيــــك ،،، افهم علوم الطيب ومدلوله

[فهد المفرج]

موترك يا تركي ما فيـــه بريــــك ,,, لا عاد ابــو خالـــــد ومرســـــــــوله
من اول الموضوع صاح الديـــك ,,, المخطي اللي نايــــــــــم ٍ حولــــــــه

[تركي الفيصل]

كان الزمن ياصاحبي مشقيك ،،، ركدت رميي قبل ماقولــه
لانـيـب عـبـدٍ لـك ولا والـيــك ،،، الحكم لا لسـعود والدولــه

[فهد المفرج]

أخوي تركي
الاحظ عليك انك كررت في القافية وهذا ما لايجوز في نظام المحاوره
انت تقول ( ركدت رميي قبل ما اقوله ) وانا قد قلت لك ( عندي كلام ٍ ودي اقوله )
وبهذا الخطأ تكون انت من خسر الجولة ولكن بمشيها لك بس انتبه لا تكرر القافية
بعدين هذا البيت مكسور وغريب منك تقوله وانت لك خبره طويله في الشعر
لا لا تــزعــل يافـتى نـاهــيــــك ،،، افهم علوم الطيب ومدلوله
واسأل غيري ويعطيك الجواب .
وهالحين نرجع لمحاورتنا :

بالله قل لي وش نبي نسميك ,,, الطب ما داواك محلــــوله
وان كان لا هذي ولا هـذيك ,,, حرارتك تحتاج كبســـــوله

[تركي الفيصل]

منك نستفيد يابومشهور لاعدمناك
انت قريتها لا لا تزعل وانا قصدي لا لا تزعـَل
الذيب اسمي نادني واجـيـك ،،، افرسك يافـــهـــود بسهولــه
لانــيب غادربـك ولا بالـيـك ،،، ابي تعرف العـلـم واصولـــه

[فهد المفرج]

الذيب له عندي خشم بلجيــــك ,,, بندق وراثــــة جــــــد مكيـــــوله
ارفع رفعك الله وانا بآتيــــــك ,,, يا عرض سيف القوم يا طـــــوله

[تركي الفيصل]

نخرج قليل عن المناورات ههههه
انشدك عن شي يسمى شيك ،،،، من قدرته من قوت افعــولـه
اليا عطيــتك يافهـد يعــطيـك ،،،، من أسياء ياعـارف حلولــه

[فهد المفرج]

لغزك عرفتـــــــه جعلني ما ابكيـــــك ,,, شاعــــــر قديــــر وضيّـــــع نعــــــــوله
بغت توردني على التهليــــــــــــــــك ,,, ويقال باكـر ضـــــــاع محصــــــــــــوله

[تركي الفيصل]

خلـــــــــــــــــــــوهـــــــــــــــــــــــــ ـا
الحرب خدعة تطلب التـكتيك ،،، وياسعد منهو تصهل خيولــه
واللي غشاه الهم والتشكيك ،،، ظيع نعولــه وهيـا برجولـــه

[فهد المفرج]

الشك جايــــــز والعرب توحيــــــــــك ,,, راعي المشاكل يضرب طبـــــــوله
غلطه وعدت جعلها تخطيـــــــــــــــك ,,, مات الكفيل وراح مكفــــــــــــــوله

[تركي الفيصل]

لاعدمناك يابومشهور وما أجمل المحاورات بين عيال العم
ايـــــــــــــــه ؟؟ خلـــــــــــــــوها
ان كنت شاعر جزل يفخر فيك ــــــ فنى تراء شاعر ولي صولــه
اسدل ستار الـمـلـعـبـة بــيديك ــــــ سيفي وسيفك دوم مسلولـــه

[فهد المفرج]

مهما حصل يا صاحبي نغليــــــــك ,,, يا شوق من غطاه مجــــــــدوله
مادام هـــذا مطلبك برضيـــــــــــك ,,, ستــارة اهل اللعـــــب مسدوله

الله يبيض وجهك يا تركي امتعتنا في أبياتك وسماحة خلقك الله لايهينك واسمح لنا ندور غيرك
لأننا انهينا المحاورة بناء على طلبك ومشكور

[أمير الحوطة]

صح لسان شاعرينا
لكن بعض كلامكم الغاز مثل بعض الوثايق يالله انها تنقرى !!!

[بركود بركود]

يا مسندي راعي الحيك @@ اليم ما غرقت احموله
الموج مـن قوته يذريك @@ البحر لا تـقترب حوله

[فهد المفرج]

بركود بركود وش حاديـــــــك ,,, خل المظاريــــــف مجهــــــوله
هذا زمان الحـلا والكيـــــــــك ,,, يا راعــي البشت والتــــــــــوله

[بركود بركود]

والــله والــله ما أخليك @@ تستاهل التاج وتطوله
التاج عندي وهو تمليك @@ والعــقد غالي بمدلوله

[فهد المفرج]

مشكور والله يبــارك فيـــــــك ,,, برّاق ما شفت هملـــــــــــوله
لا تبحث الناس وش مغويـــك ,,, لجنتك مــا هيـــــــب مسؤوله

[بركود بركود]

العلم ولعة وأنا ابن آخيك @@ الـيوم معــكم لـــنا جوله
يـوم الهماليل وش ينجيك @@ لا جت سحابة ومجهوله

[فهد المفرج]

هلا بك بركود بركود
دامك تبي المحاورة معي يا هلا بك بس ابيك تغير الطرق يعني نبدا محاوره جديده والله محييك
شكل في راسك حبٍ ما بعد طحن وان شاء الله اني لخليه ادق من تراب الصاير
الميدان يا حميدان
افتح موضوع جديد ومحاوره جديده وانا بانتظارك .

[أمير الحوطة]

وان شاء الله اني لخليه ادق من تراب الصاير

وين طلعت ذا الكلمة يا ابو مشهور ياهي قديمة مرة

[بركود بركود]

..............................
http://al-aobhool.com/vb/showthread.php?p=202971#post202971