خاص لشاعر بني تميم عبدالله بن علي الصقيه

[أبو ناصر الفيصل]

افتتاح قسم خاص في منتديات بني تميم قسم خاص للشاعر عبدالله بن علي الصقيه
"شاعر بني تميم"



http://www.bnitamem.com/uploadcenter/files/15711.gif (http://www.bnitamem.com/vb/forumdisplay.php?f=129)

وعسى الله يوفق الجميع ....................

[الوافي]

الله يطرح فيه البركه ................يستاهل ابوعلي

[الكاسر]

ونحن هنا يجب أن نشيد بهذا الشاعر الكبير شاعر بني تميم
وهذه أول قصيده اهديها لكم للشاعر الكبير

الله يكفـي شـر ميـلات الأيــام
وليلٍ غطا الضلعـان يوقـظ نيامـه
العام وسنيـن عديـده ورى العـام
مـوت الإهانـه صايبـاتٍ اسهامـه
سنين خلت راعـي الخلـف قـدام
الحر قـل مـن الدبـور احترامـه
وقتٍ بـه المخـدوم للخـدم خـدام
بالناس اخس الناس يسمـع كلامـه
النـذل مفطـر و الأجاويـد صيـام
عصـرٍ ترقـت بالنمايـم لئـامـه
هذا زمانٍ فيـه مـن طـاح ماقـام
يهلك ظمأ والمـي موجـود أمامـه
دنياً كفـا الله شرهـا كلهـا أوهـام
مسكين من طاريه هيـض غرامـه
المستحي مـن حيفهـا ورده حيـام
والمفتـري تشـرب قـراح حيامـه
يادار وين مقطعـة روس الأصنـام
أهل السيوف الحدب وأهل الزعامـه
أخبارهم نسمع بهـا مثـل الأحـلام
الكـل منهـم بالـيـاتٍ عظـامـه
وجدي عليهم وجد مضهود الأيتـام
أبـوه ميـت ومتولـيـه ضـامـه
يا لايمي في ذم الانـذال مـا نـلام
اللـوم يلحـق كاسبيـن المـلامـه
خطو العرب بالمجتمع مثـل النعـام
فيهـم سخافـاتٍ وفيهـم غشامـه
تعيـف ماتلقـا لـلأسـرار كـتـام
دراشـمٍ كــلٍ بـدبـرة مـدامـه
يابايع الليمـون مـن كـم الاقيـام
الليـم سعـره زاد مـدري علامـه
خلايـق ماعـاد تحصـى بالأرقـام
أبا العيـوب اليـوم هبـت ولامـه
الخابـر الله عالـم مـا بـالارحـام
منهم رجال الحـرب عنـد التحامـه
هامة مضر حنـا ليـا زام مـن زام
انشـد جمـوع مسيلمـه واليمامـه
لا فللت يوم اللقـا خضـر الاعـلام
ماغيرنا في مارثـة مضـر هامـه
الطاغي الباغـي ندوسـه بالأقـدام
من غـره الشيطـان حنـا كعامـه
رجالنا دايـم علـى راسـه وسـام
يومٍ كثيـر النـاس ضيـع وسامـه
ماهي هرابيـدٍ علـى قـرع دمـام
غنا بها المملـوك يرضـي عمامـه
ياعالـمٍ فـي جوهـا طيرهـا حـام
تبغي السلامه مـار مامـن سلامـه
لابـد مـا يحكـم عليهـا بالاعـدام
فـي ساعـةٍ كـل يلبـس خطامـه
سهيل جنح الليل نور علـى الشـام
ياخارفين الغـرس قـرب صرامـه
عقب الهدير وزوم نفـسٍ ودرهـام
رغى البعير اللـي طويـلٍ سنامـه
تدبيـر خـلاقٍ لأســرار عــلام
دار الفلك لـك زرفلـي يـا نعامـه
ماطـاب لـك يالادمـي ذاك مـادام
لابـد مـن قبـرٍ وحيـش ظلامـه
أوسع اذراع فيها تكفن مـن الخـام
وايحاسبـك مـولاك يـوم القيامـه
الـدايـم الله واحــد مـاحـد دام
كـل مـرده لـو بقـى لانعـدامـه
أكبر خطا وأكبر غلط وأكبر اجـرام
خلط الحلال اللـي حـلال وحرامـه
ترى الجهل لبيوت الاجـواد هـدام
يتيـه دايـم صاحبـه بالمهـامـه
كم جاهلٍِ حطـوه للسطـح مـرزام
الاتبخنـتـه لقـيـتـه فـدامــه
ياصاحبي لا يخدعك كبـر الأجسـام
مافـاد بالخرتيـت كبـر الجسامـه
المشتبه صاحي تحطه لـك احـزام
محزمك شيال الفشق فـي حزامـه
تراك في وقـتٍ هلـه فيهـم هيـام
من طاح يوكل مادري بـه جلامـه
الا توطـاك الدهـر رزوا اعــلام
وحطوا على رجم التشمـت علامـه
امخادعيـه تاخـذ المكـر بـالـزام
بهم علـى الدنيـا الدنيـه بحامـه
جيـلٍ بعضهـم للمفاريـد مـريـام
من ركب كور العاج عاف المسامـه
الحر لامن شـاف مايكرهـه شـام
والبـوم مالـه نيـةٍ عـن هدامـه
ياللي بسـوق المجـد للجـود روام
انذرك عن بيت الـردى والرخامـه
احرص على الدسمه إلاصرت سوام
والا الهلامـه ماتفـيـدك هـلامـه
خلك على طـرق الجزيـلات جـزام
مايكسب الهزلات من بـه شهامـه
الغرسـه المستنسلـه ذات الأكمـام
أحرص علـى تلقيحهـا ياوسامـه
تلقا نماها عنـد تنكيـس الاعـلام
إلا اختلط وبل الرصـاص وعسامـه
ياعـارف الحـا لاعدمنـاك والـلام
الخبز مبطـي طافـح فـي ايدامـه
يذكر كبار الحـوت بالبحـر عـوام
واللي يحرس العيس غلـق دوامـه
الذيـب غـب حيافتـه للغنـم نـام
يامواسله وش جـاه طـول منامـه
ياحارس البستان عن كـل صـرام
من طاول اطول منه طويت خيامـه
حجـام سابـاطٍ تــولاه حـجـام
شهادتـه فـي دراستـه للحجامـه
ياضامر السرجوف يامرودع وشـام
عليك من شـارات سـاره علامـه
ريميـةٍ ترعـى نواويـر الاوسـام
بالعنـق خناقـه وبالخـد شـامـه
بالليل صور لـي خيالـه بالأحـلام
عرضـه نقـي مافـك زولٍ لحامـه
بنت الذي جده على الحـرب مقـدام
وأبـوه مـروي بالملاقـا حسامـه
ليثٍ بطـل علـى الطوابيـر هجـام
إلاغطـا الشـم النوايـف كتـامـه
شم عن ردي الناس ياصخيف الاقدام
ياكامل الأوصـاف زاهـي زمامـه
ذا قول من قيلـه ينشـف للأقـلام
من كادي اصلـي ومسـك ٍ ختامـه
هذا وصلى الله علـى سيـد الأنـام
محمـد المختـار مامطـر غمامـه

[الكاسر]

وهذي الثانية بس شف القافيه الصعبه اللي كيف جابها بس
من كثر همٍ يمعط القلـب تمعيـط ---- مسلول سيفه بالمعاليـق صاطـي
أمس الضحى نطيت في نايف العيط ---- أخيـل بـراقٍ سنايـن ارهاطـي
بياض هملوله ورا ديـرة الضيـط ---- سيله حدر وادس الرشا وإستشـاطِ
مراتـع الضمّـر بسيلـه مغابيـط ---- تلقا الطفل لمنـوّع النبـت غاطـي
لا عل وادي من للاعدا صواعيـط ---- يمطر عليه من النواشي
عواطـي وخلاف ذا .. يا مدلي المقط لمقيط ---- إن كنت في نظم الخيوط امتعاطـي
سم الخياط محاط .. يا ناظم الخيط ---- وبحر البلاوي .. بالبلاوي
امحـاطِ البيت جابه مـا دري بـه نواقيـط ----- خلايقٍ ما بين ماطـي .. وواطـي
دنياً أهلهـا مـن ميلهـا سواخيـط ---- فيها الجمل بالقيد غصـبً يخـاطِ
سكر هوا اللي للحرايب مساويـط ----- ذعـذع نسيـم امّسحيـن البـلاطِ
يا عونة الله يوم ضرب المخابيـط ----- يا جاهلٍ فيما جـرى فـي اوراطِ
جوّد جدار الحيط يا راعي الحيـط ----- لا تاكـل أثمـار كبـار المواطـي
جنب طريق مورط الناس توريـط ----- إلى غطى الشم النوايـف غطـاط
ترى ليالي الوقت لقـحٍ و أماليـط ----- خلك من اللي فيه ريـب احتيـاطِ
لا تنخدع بملقـط الهـرج تلقيـط ----- اخذ الصحيح .. وخل عنك الغلاطِ
انذرك عن ناس تغبطـك لواحيـط ----- لو أنت ما تملـك إيدينـك قـراطِ
قالوا بخـل يبقـط المـال تبقيـط ----- و إلى ذبحت العلط قالـوا زمـاطِ
مدري وش الحيلة بجيل الخرابيـط -----أهل الكسل والبخـل والانحطـاطِ
مراكب الأوهـام دايـم شواحيـط ----- وسفن العنا رسّت على كل شاطي
ما تنتبه يا غـارق ابغبّـة امحيـط ----- ما اهبلك ياللي للعـذاب امتباطـي
يا من على نفسه .. تسبب بتفريـط ---- قدمك بعد حشرك حساب وصراط
هذا وصلى الله امغيـث المقانيـط -----على محمد ما خطى دوم خاطـي

[أبو تميم الفيصل]

يستاهل الشاعر الكبير ابو علي

[ولد رمان]

مشكوووووور اخوووي على هالمجهوووود

والله .الله عليك يااااابو علي شاااعر فحل . عسىء الله يمد بعمرررك ويعطيك الصحه والعافيه

[أبو ناصر الفيصل]

وياك وللجميع ان شاء الله

[دانــه]

انذرك عن ناس تغبطـك لواحيـط ----- لو أنت ما تملـك إيدينـك قـراطِ
قالوا بخـل يبقـط المـال تبقيـط ----- و إلى ذبحت العلط قالـوا زمـاطِ
مدري وش الحيلة بجيل الخرابيـط -----أهل الكسل والبخـل والانحطـاطِ
مراكب الأوهـام دايـم شواحيـط ----- وسفن العنا رسّت على كل شاطي
ما تنتبه يا غـارق ابغبّـة امحيـط ----- ما اهبلك ياللي للعـذاب امتباطـي
يا من على نفسه .. تسبب بتفريـط ---- قدمك بعد حشرك حساب وصراط

صح لسان الشاعر
ابيات رائعه جدا راح احاول احفظها ^ ـ ^

[العبهول التميمي]

يستاهل الشاعر الكبير عبدالله بن صقيه كل خيرر

والله يوفقه ويسدد امرهـ

[كتيبة الأهوال]

جزاك الله خير

[أبو ناصر الفيصل]

جزاكم الله خير

ويا الكاسر يعطيك العافيه على القصائد لـ بن صقيه

ودانه ايضا