المساعد الشخصي الرقمي

مشاهدة النسخة كاملة : شارك في التعليق على الصورة الثالثة ( واكسب الفوز )

الإدارة العامة
18-Jun-2009, 11:56 AM
بسم الله الرحمن الرحيم


في الصوره هذه ستكون الطريقة مختلفة نوعا ما ، حيث سيتم ترشيح أفضل تعليق على الصورة من لجنة شعراء المنتدى ...

ويعتمد ترشيح اللجنة على دقة الوزن والقافية والمعنى والوصف للصورة المطلوبة .




والآن نترككم مع الصورة :

http://www.alamuae.com/gallery/data/media/3/a105.jpg



0
0
0
خذ علم ياولد العم
18-Jun-2009, 03:14 PM
حسوفه يازمان (ن) راح*************** فشيله بحق سكانك
تركي الفيصل
19-Jun-2009, 12:18 AM
شكراً للادارة على ذلك والمشاركة معكم اقل شي نسويه

جلست وحدي وابرق وانظر الصورة ـــ وابكي على أطلالها وأعيد ماضيــها
قـصـرٍ قـديـمٍ تـهدم واقـفـت عصورة ـــ وايــام راحــت وزالــت مع ليــاليــها
ايــامـنـا ياســعـد دارت بـــنــا دورة ـــ عشنا بها والفـراق اصعب خوافيــها
أبو تميم الفيصل
19-Jun-2009, 10:08 AM
مشكورة الادارة على هذه الصورة والمشاركة بسيطة
ايام طوينهــــــا ...... باقي اليوم ذكرهــــــــــــا
والله مانسيناها ...... صارت في الحشاء تذكار
بركود بركود
19-Jun-2009, 02:55 PM
:a (7):
الصــــــورة اللي تهز القلب وأركانه @@ تــلـت معـاليق قلــبي يـــوم حطوها
جمـــــــالها ماضي تبـهت بـه ألوانه @@ رسامها الوقت وأهل العرف شفوها
صورة لبيت غزاه الــــهم وأحــزانه @@ أصبح لــنا ذكــريات(ن) ما تمنوها
ذكرى لها الوجد يذرف دمع حرمانه @@ عنها رجال الــوفا شــــدوا وخلوها
اللي بـوسـط الــثرى تبكــيه خـلانه @@ واللي بعـــمار جـــديد كيف نسيوها
أبو ناصر الفيصل
19-Jun-2009, 09:28 PM
زمانٍ راح وماضن بيعود ** وقولت ياليت ماتفيد الفود
زمانٍ مافيه لاحاقد ولاحسود ** قلوبٍ صافيه عسها تعود
حاملة المسك
20-Jun-2009, 09:47 AM
ذكرى ومرت مثل مر السحايب في حلوهافي مرها في شقاها
ياما فزعنا الباطنات المصايب ياما جمعنا البيرمن حول ماها
سفير آل عبهول
20-Jun-2009, 08:54 PM
هذه بيتين من عندي والمعذرة كان بها كسور

فيصل تهيض وابدع القاف حيران *** يوم البيوت الطين راحت هداما
راحوا أهلها اللي على الحق عنوان ***اهل الكرم والجود واهل النشاما
جيل على ما قيل ذربين الايمان *** ما بين ذكر الله صلاة وصياما
حتى ظلي له مهابه
21-Jun-2009, 02:42 PM
يسلم راسك ياخوي على الموضوع الطيب

وهذي ابيات بسيطه مني


ياجدي تعال شف ماتمنى تـــــشوفه
بس لاتسكب الدمعه من حر القهر
ياجدي هذي دارك تصــفق كفوفه
من بعد ناس كانو لها ســاس الفخر
راحو ومابقى الا ياكان هالطوفه
تبكي عليهم وتــــــنوح ويــــنهم يابشر
بركود بركود
22-Jun-2009, 02:18 PM
مشاركة أخرى :a (18):علها تفوز بالمسابقة

الصورة بيت(ن)قديم وفيه مارية @@ بيت(ن)قديم(ن)عليه الدهر ميالي
صــورة تذكـرني بأيـام مضـت ليه @@ تلت معالــيق قلـبي يـا الله الوالي
من يوم ما شفتها مـا فيك مــا فيه @@ ما غير دمــع على الخدين همالي
أذكر زمــان مضـى وأفعال منسيه @@ الله ... عليها جمال ذيك الأفعالي
الطيب والــعز والنخـــوات نجديه @@ راحت مع اللي لهم فالقلب منزالي
جدي وأخويه وعمي صافي النيه @@ يالله عسى جمعنا في المنزل العالي
الكاسر
22-Jun-2009, 03:35 PM
الصورة اللي بقسم الشعر معروضـــه --- هزت شعوري وتلت يالربع حـالي
.
فيها النخل همّل وشالوه عن حوضــه --- وبيوتها طاحت وراحن الاطــــلالي
.
الله يرحمـــك يا وقت خفــــت نوضـه --- وقت الطهارة ووقت الجـد وافعالي
.
اللي هله عن صنوف العار محفوضـه --- قوم على الدين ما تكذب وتحتــالي
.
قــــوم تخاف الولي وتقوم بفروضــه --- ما صدها عنـه لا منصب ولا مـالي
.
عـــوايد طيبــه وسلــوم مفـــروضـه --- وبيوتهم صايره للضيـف مدهــــالي
بركود بركود
24-Jun-2009, 11:50 PM
الإدارة غايبة وش هو بـلاها @@ مــــا تقــيم مــــا تقــارن للقصيد
ما عطتنا موعد نتبع رضاها @@ ينتهي الموضوع ونبدا من جديد
:a (57):
:a (24):
عبيد الشيخ
25-Jun-2009, 12:30 AM
الإدارة غايبة وش هو بـلاها @@ مــــا تقــيم مــــا تقــارن للقصيد

ما عطتنا موعد نتبع رضاها @@ ينتهي الموضوع ونبدا من جديد



لاغابت ولا شئ ياشاعري المفضل واسمح لي بهالكلمة ولو ان البعض بيقولون بدا ينحاز له .
بل متابعين للموضوع بكل جدية وان شاء الله نحدد الموعد .
العبهول التميمي
25-Jun-2009, 01:50 PM
ابخالفكم بذا البيت هههههه

جعلك الفرقا يابيت الأولين &&& ماعادلي بشوفتك عندي مقام
ولد العبهلي
25-Jun-2009, 04:25 PM
اللحين لازم التعليييق يكون قصيده

وهل لا زم يكون انا اللي كاتب هالبيتين
ولا اختار بيتن يطابق موضوع الصوره
سفير آل عبهول
25-Jun-2009, 04:42 PM
تقول لجنة التحكيم ما زال العدد بسيط ونريد اكثر من ذلك ،،

والتعليق ابيات من عندك يا ولد العبهلي تحكي هذه الصورة ....


نحن بإنتظار اللجنة
بركود بركود
26-Jun-2009, 03:17 PM
:a (2):رداً على أخي الغالي العبهول التميمي:a (2):



ابخالفكم بذا البيت هههههه
جعلك الفرقا يابيت الأولين &&& ماعادلي بشوفتك عندي مقام



يا صاحبي ياللي نطق بالشين @@ وش مقام الشوق لا جا من غرام
كــل قديم يـــا نديمي له حنين @@ والــليالي شف حـلاها فـي الظلام
و إنت ما تدري ببيت الأولين @@ الزمان الـــزين حب(ن) واحترام
و الكـلام اللي أقوله يــا فطين @@ مــثل قــول العـبـهلي ولــد الكرام

جعـلك اللقيا يــا بيت الطيبين @@ يــــا ملاذ الود يــــا عـالي المقام
عبيد الشيخ
28-Jun-2009, 12:32 AM
ارجوا من الدعم الفني وضع الموضوع في بنر حتى يتسنى للجميع مشاهدته .
بلسم
28-Jun-2009, 08:16 PM
مافيه غش يعني مساعد ه على قولت المصاريه
الله يوفقكم والى الامام
ماعندي خلفيه واتمنى لكم الفوز
سفير تمير في اسبانيا
02-Jul-2009, 02:19 AM
اتمنى تعجبكم هالابيات
ياليت من يرى فيها اخطاء ان ينبهني حتى استفيد منكم

اييييييييييييييييييييييييييه<<<خخخخخخخخخخ يقاله متاثر بالتاريخ

قوم(ن) دعوني دون اية مظاريف *** قالوا ترا اللجنه طرتها وصوفه
قالوا توصف؟ قلت عندي تواصيف *** لجل اللذي ماشاف شكله يشوفه
بيت(ن) تهدم بعد ذيك العواصيف *** واصبح كما قبر(ن) ينادي ضيوفه
ونخل(ن) تآكل مالقوله تصاريف *** يبكي كما تبكي عجوز(ن) كسوفه
هذي دموعه تنتظرها مجاريف *** تجرف دموع النخل مع كم طوفه
وتنهي سنين الشعوذه والتخاريف *** وتبدا سنين من الندم والحسوفه

وسلامتكم
حتى ظلي له مهابه
04-Jul-2009, 12:35 AM
صح لسان الطيبين
ماشاء الله ابدعو الشعراء
بيض الله وجيهم
وين اللجنه تحكم !!
لجنة شعراء آل عبهول
04-Jul-2009, 01:43 PM
http://www.arabsyscard.com/pic/zkarf/5.gif (http://www.arabsyscard.com/pic/index.php)


http://www.arabsyscard.com/pic/bsm/1.gif (http://www.arabsyscard.com/pic/index.php)


حياكم الله شعراءنا الكرام في هذه المسابقة البسيطة ، والمشاركات فاقت تصورنا ، ولقد احترنا في إختيار الأبيات الأجمل فالكل متميز والكل أبدع وأجاد في الوصف .
والجوائز رمزية لا تقدم ولا تؤخر لكن الهدف المشاركة واكتشاف إبداع شعراء المنتدى

الجائزة الأولى :
200 مشاركة إضافية

والجائزة الثانية :
150 مشاركة إضافية

والجائزة الثالثة :
100 مشاركة إضافية


أبيات أخينا بركود بركود هي الأقرب في وصف الصورة وجزالة المعنى .
وهي الأبيات التالية :

الصــــــورة اللي تهز القلب وأركانه @@ تــلـت معـاليق قلــبي يـــوم حطوها
جمـــــــالها ماضي تبـهت بـه ألوانه @@ رسامها الوقت وأهل العرف شفوها
صورة لبيت غزاه الــــهم وأحــزانه @@ أصبح لــنا ذكــريات(ن) ما تمنوها
ذكرى لها الوجد يذرف دمع حرمانه @@ عنها رجال الــوفا شــــدوا وخلوها
اللي بـوسـط الــثرى تبكــيه خـلانه @@ واللي بعـــمار جـــديد كيف نسيوها
وقد حاول في قصيدة أخرى لكن لم يفلح في قصيدتة الأخيرة فالأولى أفضل واجزل وادق في الوصف .

يليها قصيدة الشاعر الكاسر وهي كما يلي :

الصورة اللي بقسم الشعر معروضـــه --- هزت شعوري وتلت يالربع حـالي
.
فيها النخل همّل وشالوه عن حوضــه --- وبيوتها طاحت وراحن الاطــــلالي
.
الله يرحمـــك يا وقت خفــــت نوضـه --- وقت الطهارة ووقت الجـد وافعالي
.
اللي هله عن صنوف العار محفوضـه --- قوم على الدين ما تكذب وتحتــالي
.
قــــوم تخاف الولي وتقوم بفروضــه --- ما صدها عنـه لا منصب ولا مـالي
.
عـــوايد طيبــه وسلــوم مفـــروضـه --- وبيوتهم صايره للضيـف مدهــــالي


يلي ذلك أبيات الشاعر تركي الفيصل :
جلست وحدي وابرق وانظر الصورة ـــ وابكي على أطلالها وأعيد ماضيــها
قـصـرٍ قـديـمٍ تـهدم واقـفـت عصورة ـــ وايــام راحــت وزالــت مع ليــاليــها
ايــامـنـا ياســعـد دارت بـــنــا دورة ـــ عشنا بها والفـراق اصعب خوافيــها


والشاعر الكاسر تميز في البيت الثاني من قصيدتة في وصف الصورة بدقة كبيرة ، وهذا أفضل بيت وصف للصورة .
فيها النخل همّل وشالوه عن حوضــه --- وبيوتها طاحت وراحن الاطــــلالي


ونشكر سفير آل عبهول و سفير تمير ونظام اللجنة إختيار ثلاث قصائد فقط وإلا فقصائدهما في المركز الرابع .


وشكرا لمن لم يحالفهم الحظ ، ونتمنى لهم التوفيق في المرات القادمة
سفير تمير في اسبانيا
04-Jul-2009, 01:57 PM
مبروك للفائزين ويستاهلون
يعطيكم العافيع ياادارة المنتدى على هذا المجهود
عبيد الشيخ
05-Jul-2009, 11:54 PM
واخيرا شااااااااااااااعري المفضل ربح الجائزة ...... الف الف مبروك ..
حتى ظلي له مهابه
06-Jul-2009, 12:47 AM
الف الف مبروك للفائزين عقبال مانشوفهم في شاعر المليون هع
حاملة المسك
06-Jul-2009, 11:52 AM
الف مبروووووووووووووووووووووووووووووووووووووك للفائزين عاشوا عاشوا.