أخـــبـــار الأمــــطــــار

[تميمي تمير]

بسم الله الرحمن الرحيم

السلام عليكم ورحمة الله وبركاته

اللهم صل على محمد وعلى آله وصحبه أجمعين ثم أمابعد...

قال تعالى:" اللَّهُ الَّذِي يُرْسِلُ الرِّيَاحَ فَتُثِيرُ سَحَابًا فَيَبْسُطُهُ فِي السَّمَاءِ كَيْفَ يَشَاءُ وَيَجْعَلُهُ كِسَفًا فَتَرَى الوَدْقَ يَخْرُجُ مِنْ خِلالِهِ فَإِذَا أَصَابَ بِهِ مَن يَشَاءُ مِنْ عِبَادِهِ إِذَا هُمْ يَسْتَبْشِرُونَ "(الروم:‏48).

هذا الموضوع لجمع أخبار الأمطار

يعني اللي سمع ان المدينة او المكان الفلاني جاه مطر يجي هنا ويعلمنا

حتى نكون مطلعين على أخبار الأمطار

واللي عنده صور لأمطار هذه السنة يحطها

واتمنى تفاعلكم

تميمي تمير

[جرير]

اللهم ارزقنا الامطار ...
مشكوووووووووووووور اخوي

[الأصيل]

أخوي الغالي تميمي تمير

الله يجزاك خير ويعافيك عل هذه الفكرة الطيبة

وياالله يارب تعجل بالمطر وبالخير وتسقينا وتغيثنا يا رزاق يا كريم

[العباهلة]

اللهم أغثناء وأرزقنا من فضلك
ومشكور أخوي على هذا الفكرة وان شاالله نجيب صور المطر هالسنة والربيع
العباهلة - تمير

[المدار]

اليوم فيه رش بسيط على مدينة الدمام

مصدر موثوق

[سفير آل عبهول]

موضوع حلو
بس وين هادي يشوفه ؟

ياهااااااااااااااادي

فتحوا الشباب موضوع لأخبار الأمطار
شبكة البراري بتدج

[تميمي تمير]

اللهم ارزقنا الامطار ...
مشكوووووووووووووور اخوي

اللهم آمين يارب العالمين

العفو

وتسلم على مرورك

[تميمي تمير]

أخوي الغالي تميمي تمير

الله يجزاك خير ويعافيك عل هذه الفكرة الطيبة

وياالله يارب تعجل بالمطر وبالخير وتسقينا وتغيثنا يا رزاق يا كريم

آمين وإياك

الله يسمع منك

وشاكر لك مرورك

وعافاك الله

[ابو لولوة]

سمعت امطار بتمير وسدير والزلفي

[تميمي تمير]

اللهم أغثناء وأرزقنا من فضلك
ومشكور أخوي على هذا الفكرة وان شاالله نجيب صور المطر هالسنة والربيع
العباهلة - تمير

اللهم آمين

العفو

وعساكم على القوة

ومشكور على المرور

[تميمي تمير]

اليوم فيه رش بسيط على مدينة الدمام

مصدر موثوق

الله يبشرك بالخير

ومشكور على مرورك

[تميمي تمير]

موضوع حلو
بس وين هادي يشوفه ؟

ياهااااااااااااااادي

فتحوا الشباب موضوع لأخبار الأمطار
شبكة البراري بتدج

الله يسلمك

هههههههههه

ومشكور على المرور

[تميمي تمير]

سمعت امطار بتمير وسدير والزلفي

ايه حتى انا سامع

الله يجيب الخير

وتسلم على المرور

[سفير آل عبهول]

السماء صحو على الرياض
اليوم الخميس

والله يجيب الخير

وفيه توقعات بالأمطار يوم الأحد إن شاء الله

[ابو عدي]

السماء صحو على منطقة حفر الباطن والشمس حويره شوي والله يجيب الخير

[سفير آل عبهول]

مشكور يا أبو جوري

مراسلنا من الحفر

ألا وش أخبار أبو فايز

[ابو عدي]

ابو فااااااااااااااااايز؟؟؟؟؟؟؟؟؟؟؟؟؟؟؟؟؟؟؟؟؟؟ من ماجد

[العبهول التميمي]

كل واحدٍ منا لابد أن يحاسب نفسه ويتقي ربه ..

كثرت ذنوبنا وقلت الأمطار وغلت الأسعار كل هذا بسببنا نحن .

[تميمي تمير]

سفير آل عبهول

أبو جوري

اللهم آمين الله يجيب الخير

العبهول التميمي

اي والله انك صادز

ومانقول إلا اللهم لاتؤاخذنا بذنوبنا ولاتؤاخذنا بمافعل السفهاء منا

آمين يارب العالمين

[العنبري]

الاوش دخل غلاء الاسعار في الامطار ياخوي العبهول التميمي

[سفير آل عبهول]

أبو جوري

ما تعرف أبو فايز الله يهاديك

بندر

[ابو عدي]

أبو جوري

ما تعرف أبو فايز الله يهاديك

بندر
للأسف لا ماعرفته

[سفير آل عبهول]

ما عرفته ؟

خلاص الله يستر عليه ، وش أسوي بك لاصار يعرفك وأنت ما تعرفه .. أو صح يمكنك مشهوووووور ومعروووووووف في الحفر
ههههههه

[أبو تميم المفرج]

كل واحدٍ منا لابد أن يحاسب نفسه ويتقي ربه ..

كثرت ذنوبنا وقلت الأمطار وغلت الأسعار كل هذا بسببنا نحن .

ولا جانا مرض انفونزا الطيور كله بسبب الذنوب


الله يغفر ذنوبنا ولا يأخذنا بالسفهاء

[سفير آل عبهول]

ألا وش أخبار تمير
ماجاها مطر ؟

[ابو عدي]

ابشؤكم جانا سواد ارض في الحفر والحيا طيب

[سفير آل عبهول]

الله يبشرك بالخير يا ابو جوري

هذي العلوم الزينة

الله ينفع به

[تميمي تمير]

ابشؤكم جانا سواد ارض في الحفر والحيا طيب

الله يبشرك بالخير

وان شاء الله الحيا ياصل جميع مناطق المملكة

آمين يارب العالمين

[ابو عدي]

سفير العبهول تصدق عرفة ابو فايز تصدق انه كل صبح عندي الين الظهر بس ماتوقعتك تعرفه :a (20):

[التميمي]

بشرى ساره

--------------------------------------------------------------------------------

السلام عليكم ورحمة الله وبركاته يا عيال العم

هطلت امطار خفيفه هذا اليوم الجمعه صباحا على حفر الباطن الى ام الجماجم سحابه واحده (البطيحانيه اقوى شوي حيث الارض منقعه)
ومن ام الجماجم الى المجمعه عج وانشاء الله يكون عج مطر

ودمتم سالمين11/12/1428 ,,,,
افاد بهذه الاخبار مراسلنا ( الرويلـــــي )

[التميمي]

الله يجيب السيل

[altargay]

السلام عليكم ورحمة الله وبركاته .................... وبعد

هطلت مساء هذا اليوم بعد المغرب مباشره امطار متوسطه على حفر الباطن وعلى اثرها نقعت بعض المناطق .
وكذالك هطلت هذا اليوم برديه ( برد ) على قفــــار جنوب غرب حائل 20 كم
جعلها الله امطار خير وبركه وعم بنفعها اوطان المسلمين

اللهم اغثنــأ اللهم اغثنـــــــا اللهم اغثنــــــــــــــــا

[عبيد الشيخ]

امين امين امين
اشكرك يالطرقي على هالعلوم الغانمة ........والله يجيب الخير للمسلمين اجمعين.

[ابو عدي]

بفضل الله ومنته الان امطار خفيفه على محافظة حفر الباطن

[سفير آل عبهول]

مشكورين يالطرقي وابوجوري على هالاخبار السارة

غطيتوا على جوال البراري ما شاء الله عليكم

[ابو يوسف]

الله يجيب الخير
مشكورين على الاخبار

[altargay]

السلام عليكم ورحمة الله وبركاته
اخبار الامطار كما وصلتنا

امطار فوق المتوسطه على منطقة تمير شملت ام رجوم وشمال ام رجوم باتجاه الدهناء وكذالك طريق الصمان

وسوف نوافيكم بمزيد من الاخبار

[المدار]

اليوم امطار خفيفه على مدينه الدمام

سوووووووووووووووووواد ارض

والله يجيب الخير

[أمير الحوطة]

اليوم الجمعة 26-12-1428مساء
ورد ان شعيب النخيل قرب المجمعة سايل
ومن جهة الصمان يقولون حول جو ساقان مطر طيب
ومن جهة اخرى فان الطريق من التنهات الى ام رجوم اللي عليه ابراج الكهرب المطر يتلاطم عن يمينه وعن يساره
الله يجيب الخير

[*محمد . نت*]

الله يعم به جميع البلاد وينفع به
وإنشاء الله مانقوم الصبح إلا والشعبان كلها تمشي

[عبدالعزيز الفيصل]

السلام عليكم
الحمد لله على خيره وفضله


آخر أخبار الأمطار لهذا اليوم الجمعة 25 - 12 - 1428 هـ

1- الشعبان اللي بين المجمعة والأرطاوية تمشي مشي متوسط ولله الحمد .

2- الشعبان اللي بين المجمعة والزلفي مشت صنوعها مشي طيب ولله الحمد .

3- شلال الشعب في تمير الآن يصب متوسط .

4- الأرض منقعة نقع كبار في منطقة الصمان ، وأغلب جواد السيارات مليانة بالسيل .

5- الدهنا من عند شوية إلى التنهات مطر طيب ، والأرض منقعه .

6- برق خفيف من جهت ضرما والمزاحمية ، والخير مقبل على الرياض بإذن الله .

7- مشت بعض شعبان منطقة حائل .

والحمد لله على خيره وفضله

[سمو الملكي]

يعطيك العافيه عبدالعزيز على الاخبار الطيبه
تقبل مروري

[العبهول التميمي]

الله يغيثنا .. اليوم الجمعة كنا في الحيسية ورا ضرما الجو ممطر خفيف

[أمير الحوطة]

اليوم السبت 27-12قمنا الفجر على سواد ارض في السويدي والسماء ضباب مع رذاذ

[المدار]

البارح امطار غزيره على مدينه الدمام

سالت على اثرها كل المناطق لعدم وجود شعبان او اوديه في المنطقه

[ابو عدي]

يعطيك العافيه اخوي عبد العزيز واللهم زد وبارك

[فارس نت]

يعطيك العافيه اخوي عزوز

والله يرزقنا الخير وتسيل تمير ومزاااااااارعها وبراااااانها ...

الحمد لله على خيره ..

عليكم بالاستغفار ... حتى يرزقنا الله المطر والخير ..

[عبيد الشيخ]

عافكم الله على هالاخبار الجيدة وانشاء الله يجيب الخير..........

[العباهلة]

الله يجيب السيل وتسيل المناطق كلها

[التميمي]

الله يجيييييييب السيل قولو

آميييييييييين

[أمير الحوطة]

اليوم الاحد 27-12-
عقب المغرب هبت هبوب شمال وبردها شين في السويدي وما تسمع الاطقطقة الدرايش شكلها باكر صقعة الله يكفينا شر البرد والبرد والجراد وما ولد

[ابو عدي]

الحفر علينا عجاج كدره الله يتبعه بالغيث المبارك

[العبهول التميمي]

الآن الساعة 9:22 صباحاً أمطار متوسطة عى مدينة الرياض وبالتحديد السويدي الغربي ..

ولازالت السماء تمطر بفضل الله ورحمته .

[سفير آل عبهول]

http://www.alhisenvb.com/uploads/50f57d179c.jpg


http://www.alhisenvb.com/uploads/27dba83bc4.jpg

أمطار السويدي الساعة 9.30 قبل قليل

[ابو عدي]

مشكور ياسفير على الصور

ايضا هطلة امطار على حفر الباطن امس الليل "ديمه" لمدة ساعتين تقريبا جعلها الله امطار خير وبركه

[عبدالملك]

امطار غزيره على جده البارح الخميس واليوم الله يجيب الخير لجميح المسلمين

[التميمي]

وهذه صورتين أيضاً للامطار في الرياض (السويدي)


http://up100.arabsh.com/files/i9bgelfa5dciyx8csf6r_thumb.jpg (http://up100.arabsh.com/viewer.php?file=i9bgelfa5dciyx8csf6r.jpg)

http://up100.arabsh.com/files/zlx7i3fi07j0525gfrli_thumb.jpg (http://up100.arabsh.com/viewer.php?file=zlx7i3fi07j0525gfrli.jpg)

[عبيد الشيخ]

يادافع البلا انحن في سلطانه ماشفناش ,,,,,,,,,,,,,,,,,,,,
وشكرا لكم على التغطيه الرائعه ...........

يابوجوري نبي صور خل عنك النوم بس

[ابو عدي]

اليوم غيم يحبه قلبك وعلينا الحين رش خفيف

[عبيد الشيخ]

اشكرك يابوجوري على التغطيه وان شاء الله يجيب الخير ,,,,,,,,,

[التميمي]

في 14\محرم\1428هـ الثلاثاء


أمطار خفيفة على الرياض (السويدي) العشاء
والفجر
والصبح إلى الأن الساعة 11:40

اللهم زد وبارك

[ابو عدي]

ديمه من صلاة العصر الى المغرب الحين وقف المطر واللهم زد وبارك

[عبدالملك]

امطار على جده يوم الخميس والجمعه

[ابو عدي]

ولله الحمد والمنه امطار على منطقة حفر الباطن امطار متوسطه

[عبيد الشيخ]

اللهم اغثنا غيثا هنيئا مريئا غير ضار يارب ................مشكوووووووووووووور على الاخبار السارة يابوجوري.

[ابو عدي]

للاسف اليوم الجو عجااااااااااااااااااااااااااااااااااج من العصر الى الحين وكتمه وغبره لكن الله يتبعها بالغيث المبارك

[التميمي]

أمطار غزيرة على الزلفي من الساعة 3 الفجر اليوم :الثلاثاء

[NO.2200]

الله يجيب الخير

ما هو مستوى المطر

هل هو خفيف,,, متوسط ....

[عبيد الشيخ]

ماشاء الله ....الله يجيب الخير لكن لابد من بعض الصور ان وجدت

[التميمي]

أنا مارحت الخبر منقوووول


لاكن الله يجيب الخير الجو امس في الرياض عج

[أبو تميم المفرج]

http://members.lycos.co.uk/albrari/up/ar/m6.jpg (http://members.lycos.co.uk/albrari/up/ar/m6.jpg)

باقي صور اليوم الاثلاثاء

http://members.lycos.co.uk/albrari/up/ar/m123455.jpg (http://members.lycos.co.uk/albrari/up/ar/m123455.jpg)

http://members.lycos.co.uk/albrari/up/ar/m44.jpg (http://members.lycos.co.uk/albrari/up/ar/m44.jpg)

http://members.lycos.co.uk/albrari/up/ar/m33.jpg (http://members.lycos.co.uk/albrari/up/ar/m33.jpg)

http://members.lycos.co.uk/albrari/up/ar/m22.jpg (http://members.lycos.co.uk/albrari/up/ar/m22.jpg)

http://members.lycos.co.uk/albrari/up/ar/1m.jpg (http://members.lycos.co.uk/albrari/up/ar/1m.jpg)

http://members.lycos.co.uk/albrari/up/ar/m.jpg (http://members.lycos.co.uk/albrari/up/ar/m.jpg)

http://members.lycos.co.uk/albrari/up/ar/m7.jpg (http://members.lycos.co.uk/albrari/up/ar/m7.jpg)

http://members.lycos.co.uk/albrari/up/ar/m8.jpg (http://members.lycos.co.uk/albrari/up/ar/m8.jpg)

http://members.lycos.co.uk/albrari/up/ar/m9.jpg (http://members.lycos.co.uk/albrari/up/ar/m9.jpg)

http://members.lycos.co.uk/albrari/up/ar/m10.jpg (http://members.lycos.co.uk/albrari/up/ar/m10.jpg)


اللهم اطرح البركه وعم بها ارجاء البلاد

ونسبة الامطار يا2200 خفيفة إلى متوسطة

[عبيد الشيخ]

السلام عليكم ورحمة الله وبركاته

الان امطار من القصيم الى جلاجل والارض متلطخة بالمياة ولله الحمد .....................

[التميمي]

الآن رش خفيف على السويدي الغربي بالرياض الثلاثاء 10:23مـساً

[سفير آل عبهول]

سواد ارض عيلينا في السويد ، وتقريباً الرياض كله

والوقت هذا ما يمشى فيه ، الارض والشوارع كنها صابوووووووون

[عبيد الشيخ]

الان من مراسلنا في الحفر (ابوجوري) في الطريق الى الرياض

امطار فوق المتوسط من البطحانيية الى ام رقيبة .....
الان شعيب الارطاوية يمشي بقوة ولله الحمد.

سوف نوافيكم بالصور اليوم ان شاء الله

[أبو تميم المفرج]

آآآه

ياديرتي لا تقهرنا

[لا بعد ماشفت كيدي]

الله يجعلها امطار خير وبركه

[التميمي]

الله يجيب الخير

[عبدالعزيز الفيصل]

والله حالياً هناااك عج على تمير والرياااض

وعسى الله أن يهبطها بالأمطااار

وأشكر كل من نقل لنا صور الأمطااار

وجزاكم الله خير الجزاك يا أبناء العم

تقبلو مروري

[التميمي]

الآن عج شديد على الرياض

[سفير آل عبهول]

اليوم الأحد مع آذان المغرب

مطر ما بين الرياض والخرج وخاصة على العفجة والبروق قوية

والله يجيب الخير يا كريم

[الخيال]

اليوم 6/5/1429هطول امطار غزيره على الحائر سال منها شعيب بعيجاء كماهطلت امطار متوسطه على طريق الخرج ولازالت تهطل تتخللها بروق من الجهات الاربع

[سفير آل عبهول]

اليوم 6/5/1429هطول امطار غزيره على الحائر سال منها شعيب بعيجاء كماهطلت امطار متوسطه على طريق الخرج ولازالت تهطل تتخللها بروق من الجهات الاربع



جزاك الله خير يا الخيال على هالخبر الساااااااااااار

[المتفوق الذكي]

اليوم الجو خيالي وغيوم على الرياض

وسمعت إن الصبح جا مطر على حائل وكذلك حوطة بني تميم

[أبو ناصر الفيصل]

اليوم غيوم من الصبح حتى الان العصر في السويدي

غيوم وجو خيال وإن شاء الله يهطل المطر

ومشكورين على هالاخبار التي توسع الصدر