قصيدة لولد العم العبهول التميمي

[أبو ناصر الفيصل]

هذه القصيدة عندما ذهب العبهول التميمي إلى أبها

فقلت هذه القصيدة لعلها تعجبكم


ياأبوعبيد القلب مايصبر على فرقـاك .. والعين تدمع والنفس دايم تطريك
كلي يتمنى شوفتـك ولكن ويـن القـاك .. رحت يم أبهـا واللـه يستر عليـك
شهـامـه وهـيبه ميزة من مزايـــــاك .. معاد لي صبر ولا أنسى مساعيك
يـا الـحــر يـا الـذيـب ياهـيـبـة عـداك .. اللـه يخـيـب رجـا مــن يـعـاديــك
بنصحـك والنصيحة كلهـا من غـلاك .. أدع ربـك والله يستجـيب دعاويـك
،،،،،،،،ـ،،،،،،،
فرد علي وقال العبهول التميمي
رسـالـتـك وصـلـت والـقـلب يـهـواك .. يـاجـعـل ربـي يـثـيـبـك ويـحـمـيـك
واشكـرلك وصولك الغالـي ومسعاك .. ياالله عسى الرحمن بالخيـر يعطيك
جـزل الـعطا جعـل العطـا مـا تعداك .. مـدات جـوده ياهـوا البـال تـغـنـيـك
والله يابونـاصـر فلا أجفاك وانسـاك .. ولا انسى علومك يانديبي وطاريـك
،،،،،،ـ،،،،،،،
فرديت عليه وقلت
تسلم واللـه يعـافيـك ويـحـمـاك .. من شر هالدنيا لـعـل اللـه يجزيـك
جنة الفردوس ياجعلها مثــواك .. ونار الجحيم جعلها لـمـن يعـاديـك
في الجنة تطلب الشي برضاك .. ماتشتهيه ماتطلبه فـي لحظة يجيك
ياالله عفوك وغفرانك ورجـاك .. تصلح الحال وتستر على عاصيك


وانتهت ورجع بالسلامه
اخوكم / أبو ناصر الفيصل

[سفير تمير في اسبانيا]

جميل جدا
اثركم شعراء وانا مدري
صح لسانك ياابو ناصر ولسان ابو عبيد
اذا عندك قصايد عطناها ياابو ناصر

[العبهول التميمي]

ماشاء الله عليك نزلتها >> وين الباقي هههههه؟؟؟؟

الله يرفع قدرك ويعلا شانك


ومشكور ..

[عبدالعزيز الفيصل]

صح لسانكم يا شعرااائنا

الله يوفقكم جميع

[أبو تميم الفيصل]

صح لسانكم جميعا ياعيال العم وبيض الله وجيهكم

[ولد العبهلي]

اثرك تحب فهد يا ابو ناصر
كل هذا عشانه غاب عنك كم يوووووم
ومن الحب ماقتل

هههههههههههههههههههههههههه

[المرعب]

صح لسانكـ


"""""""

[أبو ناصر الفيصل]

شكرا شكرا على الردود التي تثلج الصدر وعفيه عليكم

[ابو عدي]

صح لسانكم ياعيال العم

[الجنوون فنوون]

ماشاء الله تبارك الله أبيات جميله روووحوا لشاعر المليوون وخذووا البيرق
.................................................. .
صح لسانكم جميعا.....

[عبيد الشيخ]

الله الله على القصيد الرائع ...... والشعر بدأ يمشي في عروق عيال آل عبهول وصاير كنه شربة ماء
وصح الله لسانكم ........

[أبو ناصر الفيصل]

تسلمون على الردود

[ولد الديرة]

والله شعراء ولا درينا عنكم

[سفير آل عبهول]

صح لسااااانكم جميعا

ابيات رائعة

بالتوفيق وإلى الامام

[ورد الجوري]

ماشاء الله صحت ألسنتكم ياشعراء..
والى الامام ياعيال عبدالعزيز..وبالتوفيق لكم..

[بركود بركود]

أبو ناصر تغــنى بالبـيوت وجاوبه تغريد =فهــد في وسط أبها فوق خضرة و فوق جبال
سلمتوا ياعيال العم لنا في فعلكم تشييد = صح لسان من أرسل ومن هو رد هالمرسال

[أبو ناصر الفيصل]

تسسلمون على الردود وتسسسلم يابركود على القصيددة

[أبو ناصر الفيصل]

ماشاء الله عليك قصيدة جميلة

[العباهلة]

صح ألسنتكم
طلع علومكم هالمنتداى اذا صرنا في البيت اهجو بعضكم بعض

[حتى ظلي له مهابه]

..الله الله
صح لسانك على هذه الابيات الرائعه

[فهده]

صح لسنان ال عبهول .مشكور

[أبو ناصر الفيصل]

صح مروركم الكريم وشرفني عفيه عليكم

[×البرنس×]

ما شاء الله وش هالقصائد وش هالزين.....

المهم نبيكم يوم تجون تقصدون لنا....

[نبراس الأمل]

الشعر في ال عبهول بداء يتفرع في عروق ابنائهم ..

وفقكم الله دائما الى الامام ...