قصـــيــــــدة مـن ينصـــر الأسلأم

[تركي الفيصل]

في مجلس العبهول باكتب قـصـيدة ــــ عـنوانها ياعزوتي رفـعـــت الـــدين

الــدين يـبـغـالـــه رجــالٍ ولـيـــده ــــ زحــول قــوم في الـــشـدايد مـيامـين

ياربــعــنا قـلــبي تــقـطـع وريــدة ـــ كن الحشاء وســطة لــواهب بـراكين

اشوف شيٍ ينـكتب في الــجريــدة ــــ يهتال منها الــقلـب والفكر والـعيـــن

احدٍ يسب الدين وأصل العـقـيـــدة ــــ ولاهو يبـالــي يــوم صــاغ العـنـاوين

واحدٍ يبا الحرمــه على مايــريـده ــــ يــبـغـاء الـمرة تجتال وســط الميـادين

يكتب ويـكـتب ثــم يرجــع يــعيــدة ــــ ونشوف ونسكت واكثـر الناس لاهين

مدري علام الناس صـارت بليـــدة ــــ الـكـــل مسكـت والـمــعـاني سكاكيــن

وين الرجال اهـل العلـوم الـفريـدة ــــ اللي لـهـم في الدين عــلم وبــراهيـن

وتسكّت أهل الزيغ وأهل النكيده ــــ من قــبل ماتـكبر وتـــصبــح طــواعيــن

[العبهول التميمي]

عز الله انك يابو خالد وليدة ***امتعتنا بالقصيد الجزل والزين


صح لسانك على هذه القصيدة الجزلة ، والله يحفظ الدين من شر الحاقدين

[أمير الحوطة]

صح لسانك يا ابو خالد

مشكلة حريق الخمام واجد!!!

وبعض الطيبين ماهم على قلب واحد عشان يطفون هالحريق العايم !!!!

[أبو تميم الفيصل]

صح لسانك يابو خالد على هالابيات الطيبة وعزاء الله انك خذة الطيب من اهلك والله يكفينا شر الاشرار

[ورد الجوري]

صح لسانك يابو خالد..,

[عبدالعزيز الفيصل]

صح لسااانك يا ابو خالد

عسى الله ينصر الاسلام بأبنائه الاوفياء

[بركود بركود]

تركي أبو خالد تغنى بقصيدة = في مجلس الشعار بين المحبين
يكتب لنا حكمة وفكرة سديدة = ينثر لنا إبداع في العسر واللين
يا صاحبي علة قديمة جديدة = في أمة التوحيد جرح دفين
الجرح غاير والدواهي تزيدة = والعلمنة يبغى له جد تحصين
كاتب وشاعر كل يرسل بريده = حريمنا صارن ضحية معادين
بوش وأوباما وبلير الشريدة = صدقني يا تركي علينا خفيفين
المشكلة في اللي يصافحك بايده = بالعلمنة عايش حياة الثعابين
لا صار جارك له سنين مديدة = وهو عدوك ضامرك لك على شين
لكن عزانا في الحكومة الرشيدة = نايف عدو اللي يعادي هل الدين

[عبيد الشيخ]

صح الله لسانك يابوخالد ..... وفعلا تستغرب من هالكلام المكتوب لكن الوم يكون على ولي الأمر ثم الشيوخ الذين لابد ان يصارعوا من اجل وقف هذه المهازل .

[تركي الفيصل]

تحية عطرة على مروركم على القصيدة ياعيال العم

وتسلم ياخوي ركود على مجاراتي وهذا فخر لي