المساعد الشخصي الرقمي

مشاهدة النسخة كاملة : معـاد لي قــدرة على شــيلــة الـثـوب الشاعر/ تركي الفيصل

أبو ناصر الفيصل
28-Oct-2009, 01:46 PM
قصيدة الشاعر / تركي الفيصل التميمي


" معاد لي قدرة على شيلة الثوب
الوقت لبسني من الهم ثوبه"

وقصيدة تحكي من كان في قلبه هموم وغموم فالحل الصبر والدين امرنا بالصبر,,,,,

واليكم القصيدة ,,,,,,,,,,,,


معـاد لي قــدرة على شــيلــة الـثـوب
الــوقـت لـبسـني من الـهـم ثـوبـه


واللي يصيب العبد في الـلوح مكتـوب
صرف الدهر ملـزوم تسـلـك دروبـه


والـصبـر لاجــاء حـزة الضيـق مطلــوب
والـدين يـامـر كــل عــبـد بـوجـوبـه


رجــواك بـاللـي رد يـوسف لـيـعـقوب
الــواحــد الــلـي قــابــل كـل تـوبـه


وادلـه ولـو تــفـقـد عــزيـزٍ ومـحــبـوب
.مـن عـاصر الدنيـا يـشوف العجوبه


مابـعـد عـسـر وهــم واوجـاع وتـعوب
إلا فــرج وأفـــراح وأجـــر ومــثــوبه


من قـبلـنـا يوسـف ويـونـس وأيــوب
دار الــزمن فـيـهـم ولا عـيـبــوبـه


والرجـل لا جـاء فـيـه عـيبٍ وعذروب
غلطة عمر صارت عليه محـسـوبه


ومن لاصبر لاحل في القلب لاهـوب
تكثـر هواجــيــسه وتكــثـر ذنـوبـه


الرابـح الـلي مـات ماحـصـل ذنـوب
وجـنب دروب الـغي واللي مشوبه

للشاعر / تركي بن علي الفيصل ,,,
المميز
28-Oct-2009, 08:15 PM
ياخي أبيات روعه

صح لسانك يا بو ناصر وصح لسان شاعرنا تركي ابو خالد
حتى ظلي له مهابه
28-Oct-2009, 11:12 PM
الرابـح الـلي مـات ماحـصـل ذنـوب
وجـنب دروب الـغي واللي مشوبه
صح لسان الشاعر مدد لاعدد
قصيده ولا الروع ..
تسلم ياخوي على النقل ..
خليجي
29-Oct-2009, 01:14 AM
مابـعـد عـسـر وهــم واوجـاع وتـعوب

إلا فــرج وأفـــراح وأجـــر ومــثــوبه


( قصيده رائعه وشاعر قوي ـ وبارك الله في الجميع )
تركي الفيصل
13-Nov-2009, 10:46 PM
تسلم يابوناصر على النقل
ولك مني تحيــة عطرة واشكر الاخت حتى ضلي له مهابه والاخ خليجــي
الرحال 999
13-Nov-2009, 10:56 PM
ومن لاصبر لاحل في القلب لاهـوب
تكثـر هواجــيــسه وتكــثـر ذنـوبـه

مشكور اوخوي الغالي على النقل

وصح لسان الشاعر الكبير تركي الفيصل لا حرمنا الله من قصيدة
أبو تميم الفيصل
14-Nov-2009, 12:15 AM
صح لسان الشاعر تركي الفيصل ومشكور يابو ناصر على النقل
أبو ناصر الفيصل
19-Nov-2009, 06:43 PM
شكرا على المرور وعفيه عليكم
فارس ال فيصل
16-Dec-2009, 10:11 PM
ماشاء الله
ابيات رائعه