يا موقع العبهــول هـــذي وداعـــه

[الكاسر]

قصيدة تعبر عن نفسها

يا موقع العبهــول هـــذي وداعـــه -- وارجـــــوك وصلهــا لكل العبــاهيل


ليه التهــاون والكســــل ياجمــاعه -- شدو العزم يا لابتي واســرجو الخيل


مرو على المــوقع ولو ربع ساعه -- والا اضعف الايمــان ياناس تسجيــل


فاما افزعو للفــلك فــــلو شراعــه -- والا بــدل هـالصــد مــــوت وتقفيــل
.

وخلو غريم الدار يبرق شعــاعــه -- ونبقى على التسويف والعيل والميـل


فان كان ما يسقى الفتى من ذراعه -- فشربه هماج ان كان بايدي الرجاجيل


الكاســـــــــــــــــــــــــــر

[عبيد الشيخ]

الله على هالقصيدة اللي تشعل الهمة ... وهمتكم يالاعضاء من عقب هالقصيدة الجيدة وصح الله لسانك يابن العم ..

[حتى ظلي له مهابه]

.. الله الله ..
قصيده رائعه ..
صح لسانك يالكاسر ..

[الخيال]

مشكور على هالقصيده المميزه

[سفير آل عبهول]

الله الله

صح لسانك يالكاسر

انت اللي وينك تعال لو ربع ساعة من كل اسبوع واتحفنا بمثل هالابيات الرائعة

لا عدمنا يا بوحميد

[قلب المنتدى]

فان كان ما يسقى الفتى من ذراعه -- فشربه هماج ان كان بايدي الرجاجيل

هههههههههههههههه
صح لسانك على هالابيات اللي تحمس الواحد وتزيد همته للمنتدى

[سفير آل عبهول]

يالكاسر اللي كل علمك براعة **** مافي كلامك ضعف هرج وتطبيل

المنتدى يا خوك يبقى بضاعة *** ما ترتفع إلا بطلب الرجاجيل

بحضورك الدايم نشوف ارتفاعه **** وفي مجلس الشعار نسمع لك صهيل

[أبو تميم الفيصل]

صح لساتك يالكاسر على القصيدة وبيض الله وجهك

[أمير الحوطة]

وخلو غريم الدار يبرق شعــاعــه -- ونبقى على التسويف والعيل والميـل



يا مرحبا باللي لفا قبل ساعة يحمل معه عبق الزعافر مع الهيل

----------------------------
وبجهود الجميع يستمر المنتدى وان واجه بعض الفتور احيانا

لكن الهمة الهمة ياشباب

[أبو ناصر الفيصل]

مرو على المــوقع ولو ربع ساعه -- والا اضعف الايمــان ياناس تسجيــل

هو صادق مرو على الموقع ولو ربع ساعة

[ورد الجوري]

مشكوووور اخوووي الكاسر عالابياات الصااادقة والنابعة من القلب..,
الهمة الهمة ياآل عبهووول ...,,

[الجنوون فنوون]

ماشاء الله أبيـآآآآآآآت رآآآئعه يالكـآآآآسر مبدع....
مشكووور والله الله يالعباآآآهيل.
ونشكر سفير ال عبهول وأمير الحوطه على الإبدآآع..

[الكاسر]

الله على هالقصيدة اللي تشعل الهمة ... وهمتكم يالاعضاء من عقب هالقصيدة الجيدة وصح الله لسانك يابن العم ..


هلا والله بديرتي ..وشكرا لك

ووالله ما حمسني لكتابه تلك الابيات هو ضعف الاقبال على الموقع دمت بود ..

[الكاسر]

.. الله الله ..
قصيده رائعه ..
صح لسانك يالكاسر ..



صح بدنك وانا اخوك شكرا على الاطراء واشكرك على المرور

[الكاسر]

مشكور على هالقصيده المميزه


الشكر لك انت على مروروك الجميل

[الكاسر]

الله الله

صح لسانك يالكاسر

انت اللي وينك تعال لو ربع ساعة من كل اسبوع واتحفنا بمثل هالابيات الرائعة

لا عدمنا يا بوحميد


صح بدنك يالسفير والله اني اول المقصرين بس ظروف العمل هي التي تجبرني على ذلك

[الكاسر]

هههههههههههههههه
صح لسانك على هالابيات اللي تحمس الواحد وتزيد همته للمنتدى



صح بدنك بس انشا الله نشوفك على طول هنا

[الكاسر]

يالكاسر اللي كل علمك براعة **** مافي كلامك ضعف هرج وتطبيل

المنتدى يا خوك يبقى بضاعة *** ما ترتفع إلا بطلب الرجاجيل

بحضورك الدايم نشوف ارتفاعه **** وفي مجلس الشعار نسمع لك صهيل



محاولة جميلة للرد يالسفير امضي قدما وستصل لمبتغاك

[الكاسر]

صح لساتك يالكاسر على القصيدة وبيض الله وجهك

الله يبيض وجهك ويرحم والديك صح بدنك وشكرا على المرور

[الكاسر]

يا مرحبا باللي لفا قبل ساعة يحمل معه عبق الزعافر مع الهيل

----------------------------
وبجهود الجميع يستمر المنتدى وان واجه بعض الفتور احيانا


لكن الهمة الهمة ياشباب





هلا والله بالامير ايه طلع اللي في جعبتك طلعه ههههههه

صحيح كلامك واللي عنده وقت لا يبخل علينا تكفون

[الكاسر]

مرو على المــوقع ولو ربع ساعه -- والا اضعف الايمــان ياناس تسجيــل

هو صادق مرو على الموقع ولو ربع ساعة




لو خمس دقايق يار رررررررررجال شكرا على المرور

[الكاسر]

مشكوووور اخوووي الكاسر عالابياات الصااادقة والنابعة من القلب..,
الهمة الهمة ياآل عبهووول ...,,


هلا بك وانا اخووووك صحيح والله نابعة من القلب... لأن هالموقع له فضل كبير كبير على الجميع وانا اولهم

[الكاسر]

ماشاء الله أبيـآآآآآآآت رآآآئعه يالكـآآآآسر مبدع....
مشكووور والله الله يالعباآآآهيل.
ونشكر سفير ال عبهول وأمير الحوطه على الإبدآآع..


اشكرك على الاطراء يا ابن العم وشكرا على المرور

[تركي الفيصل]

قصيدة جميلـــه يالكاســـر اقف امامها متمعن في كلماتها الجزلــه
وهذا البيت يكفي
فان كان ما يسقى الفتى من ذراعه -- فشربه هماج ان كان بايدي الرجاجيل
اقول صح السانك ولا تحرمنا من الأبيات الجميلــه

[عبدالعزيز الفيصل]

ليه التهــاون والكســــل ياجمــاعه -- شدو العزم يا لابتي واســرجو الخيل



مرو على المــوقع ولو ربع ساعه -- والا اضعف الايمــان ياناس تسجيــل



ان شاء الله انها فتررة بسيطة ويرجعون الاعضاء للنشااط ..

صح لسانك يا ولد العم

ولا تحرمنا من جديدك

[ياجبل مايهزك ريح]

مشكور على القصيده الرائعه يا شاعر العباهيل
ننتظر جديدك

[العبهول التميمي]

صح لسااااانكـ ياشاعرنا ،

وأبشر با اللي تطلبه وناا خوكـ

[بركود بركود]

يا مــوقع العـبـــــــهول رد الوداعة @@ مني إلى الكـاسر بحـب و تبـجيل
ســـلام يــا شـهــم ربى بالشـجـاعة @@ ســـلام يـازينة رجـال العـــباهيل
ياالكاسر احنافي مسيرك تباعه @@ نسل سيف الــحق مـــا هوب تمثيل
معـــنا زهـاب نـــــرتــوي به قناعة @@ والخيل معناكان تسرج لنا الخيل
معنا سهوم العــــــلم سمعا وطاعة @@ سر في طريقك لاتمايل ولا تميل
في منتدى العبـهول زين البضاعة @@ الفايدة و المنفــعة نكيلها كيل

[ابو مها]

اشكر على اطرائك لموقعنا الشامخ

[دلوعة تميم]

يسلمووو "الكـاسر" ع القصيدة الرائعه....


يا مــوقع العـبـــــــهول رد الوداعة @@ مني إلى الكـاسر بحـب و تبـجيل
ســـلام يــا شـهــم ربى بالشـجـاعة @@ ســـلام يـازينة رجـال العـــباهيل
ياالكاسر احنافي مسيرك تباعه @@ نسل سيف الــحق مـــا هوب تمثيل
معـــنا زهـاب نـــــرتــوي به قناعة @@ والخيل معناكان تسرج لنا الخيل
معنا سهوم العــــــلم سمعا وطاعة @@ سر في طريقك لاتمايل ولا تميل
في منتدى العبـهول زين البضاعة @@ الفايدة و المنفــعة نكيلها كيل


"بركـود بركـود"

ابـداع ماشاءالله عليكـ
....