نقض وفتل بين شعراء ال عبهول فأين الشعار

[تركي الفيصل]

لتحريك المنتدى والشعر خاصة طراء علي طاري تكتب ابيات ويتم الرد عليها حيث ان صاحب البيت يطلب من احد الشعار الرد على ابياته ويختار من هو الشاعر
ابتدي باسم الولي منشي الغيوم ــــ العليم الواحد الفرد الحليم

واطلب القرم الوفي وقت اللزوم ـــ يبتدي بالرد حيث إنه فهـيم

في زمنا كثـرة انـواع الـسمـوم ـــ يامعين الطف بنا وانت الرحيم
اطلب من وقت اللزوم الرد

[OMوقت اللزووومZO]

ياتركي باسم الولي نبتدي دوم *** يا وارث العزِِ من جد قديــم
كثر السموم تجيبها كثرة هموم *** ترا سليم العقل جسمه سليم
وانا بكتب الرد مانيب مـلـزوم *** الشعر يبيله حر سيفه صريم

[عبدالعزيز الفيصل]

والله فكرة رائعة لتحرك منتدى شعراء ال عبهول يا ابو خالد

صح لسانك وصح لسان وقت اللزووم

[عبيد الشيخ]

فكرة جيدة يابوخالد وسلمت السنكم ياشعارنا

[ابو عدي]

تسلمون ونبيكم تحركو المجلس

[تركي الفيصل]

اختر ياوقت اللزوم من تبي يرد على ابياتك

[الخيال]

ماشاء الله موضوع جيد

[العبهول التميمي]

صحت ألسنتكم ياشعارنا

[OMوقت اللزووومZO]

اطلب من بركود بركود الرد

[أبو ناصر الفيصل]

موضوع جميل يا ابو خالد

ويالله ننتظر بركود بركود

[حتى ظلي له مهابه]

..موضوع مميز من شاعر مميز ..
اتمنى يلاقي التفاعل من قبل الاعضاء ..
ومازلنا ننتظر الشاعر بركود ..

[أمير الحوطة]

موضوع جميل

لتحريك المجلس الشعري

وننتظر بركود

[سفير آل عبهول]

بركود عجل طالبك زيزوم قوم *** القصائد تشتعل مثل الحميم
وافصح اسمك للرجاجيل القروم *** التخفي شروته عند الحريم
شاعرٍ حرٍ مشى درب السلوم *** سالك درب الصراط المستقيم

[التميمي]

وينك يابركود بركود

[أبو تميم الفيصل]

ياليت ترسلون له رساله خاصة او اي شخص يعرفه يكلمه يكون افضل

[م/ أبوتميم العيسى]

يالربع موب لازم بركود واحد ثاني يرد لايروح الحماس
وبصراحه موضع يستحق المتابعه

[لجنة شعراء آل عبهول]

نشكر أخونا الشاعر تركي على هذا الموضوع الرائع

والرد سيكون غير محدد بشخص معين ، أي واحد يستطيع الرد يرد على الابيات .

شاكر لكم

[قلب المنتدى]

ردا على سفير ال عبهول

التخفي زين ينفع وقت اللزوم ## مخطي اللي يقول من طبع الحريم
من تخفى اليوم ماهوب بملوم ## سالم من أخذ ورد وسين جيم
ومن ظهر باسمه وافصح بالعلوم ## وعلمه غانم فهو شهم وكريم

[بركود بركود]

إن بغيتوا العـلم مــاني له كتوم @@ و إن بغيتوني ترى الســـيد حليم
الســمــوم تعـوم والبـــلوى تحوم @@ وآه من كثر البلاوي في الصميم
مجتمـــعنا عــج بــأهوال السموم @@ وانتشر في المجتمع بين الخميم
ناس من فرط الأسى عري الهدوم @@ و ناس عاشت بالخـيانة في نعيم
ناس عاشت ضيم مع ظلم وغموم @@ وناس في الدنيا نست نار وجحيم
وقلت ردي مشاركةكوني جزوم @@ مــا بغــيـت يفـوت دوري يا زعيم
وأترك الكلمةلمن بعدي يزوم @@ الرجــال رجــال وما يفهم غشيم
وأدعي الكاسرعسى عمره يدوم @@ راعي الأولى كريم بن الكريم


وعذراً على تأخري فلم أتواجد هذه الأيام

[تركي الفيصل]

وأدعي الكاسرعسى عمره يدوم @@ راعي الأولى كريم بن الكريم

يالله يالكاسر تولم وانت كفو يالبناخي

[أمير الحوطة]

يالله يالكاسر

ننتظر مشاركتك

[بركود بركود]

سلامي عد ما غــنا على غـصن الأراك طيور @@ وعد الوبل لا همل من المــــزنة بدون رعود
على تركي أبوخالدسليل المجد شبيه النور @@ وعلى وقت اللزووم اللي كتب قوله بلا منقود
سلامٍ مـنـبـعـه قـلبٍ بحـب الخـير هــو مشهور @@ سلامٍ خالطه حبي بـصـدق الـود ودهــن العود
ياأبو خالد ترى الكاسر إذاماغاب هومعذور @@ ونعطي الفـــرصة لغيره لشـخص بيننا موجود
أبيه يقول ماعنده عن اللي في الرياض يدور @@ عقب جدة نشوف الضر ولا هـو بغـيرها منشود
عالي الصيت شاركنا نبي بعض الشعر بشعور @@ نبي أبيات تكتبها تبين كـــــــل شي بركود

[أمير الحوطة]

شكرا بركود
و
ننتظر عالى الصيت

[بركود بركود]

طلبتك يا أمير إنك تشاركنا ببعض أبيات @@ أشوف الكل ما يبغى يشاركنا تفاعلنا
عطنا يا الأمير اللي تبي تكتب على النيات @@ أعرفك دايمٍ حاضر ونيَّك ما تفارقنا

[أمير الحوطة]

بركود ورطتنا بركود ×××× ترى الشعر مالنا به علم
بيت(ن) واحد وعساه يزود ××× مع بيت اخر وعساه يتم
الشعر زينه لأهل الجود ××× وشينه اذا داخله علقم
البعض بالشعر له مشدود ××× اذا وصف صاحب المبسم

[تركي الفيصل]

سلامي عد ما غــنا على غـصن الأراك طيور @@ وعد الوبل لا همل من المــــزنة بدون رعود
على تركي أبوخالدسليل المجد شبيه النور @@ وعلى وقت اللزووم اللي كتب قوله بلا منقود
سلامٍ مـنـبـعـه قـلبٍ بحـب الخـير هــو مشهور @@ سلامٍ خالطه حبي بـصـدق الـود ودهــن العود
ياأبو خالد ترى الكاسر إذاماغاب هومعذور @@ ونعطي الفـــرصة لغيره لشـخص بيننا موجود
أبيه يقول ماعنده عن اللي في الرياض يدور @@ عقب جدة نشوف الضر ولا هـو بغـيرها منشود
عالي الصيت شاركنا نبي بعض الشعر بشعور @@ نبي أبيات تكتبها تبين كـــــــل شي بركود

مجارات لقصيدة الاخ بركود

سلام الله على الــشعار والـزوار والـجـمهور ـــ سلام أزكى من الريحان لهل الطيب وأهل الجود
أنا ودي أصيغ القاف وأكتب ماطرى في سطور ـــ عن اللي صابنا وأنهك حياة الناس يابوركود
وعلم الـغيـب عنـد الله ولانـدري وش الـمستور ـــ وأنا مؤمن بحكم الله وصابر والصبر موجود
مصـايبنا من إنـفـسـنا من ذنـوبٍ علينا تدور ـــ وأشوف الناس تتكاسل ولابه ناقد أو منقود

[ورد الجوري]

موضوع رائع واكثر من مميز .,
تسلم يابو خالد .. يعطيك العافية ..,
وياليتني شاعرة كان اشاركم..,
ننتظر شعراءنا المبدعين..,

[غير الناس]

موضوع رايق وجدا رائع


عقبال مانشارك فيه<<< او مايصير العنصر النسائي

[سفير آل عبهول]

سلام الله على الــشعار والـزوار والـجـمهور ـــ سلام أزكى من الريحان لهل الطيب وأهل الجود
أنا ودي أصيغ القاف وأكتب ماطرى في سطور ـــ عن اللي صابنا وأنهك حياة الناس يابوركود
وعلم الـغيـب عنـد الله ولانـدري وش الـمستور ـــ وأنا مؤمن بحكم الله وصابر والصبر موجود
مصـايبنا من إنـفـسـنا من ذنـوبٍ علينا تدور ـــ وأشوف الناس تتكاسل ولابه ناقد أو منقود



يا بو خالد تغير وقتنا الحالي وجتنا امور *** يشيب إلها صغير القوم وتوه ما نما به عود

ظهر جيل يعشق الرقص والنغمات والطمبور *** وقصات الشعر ولباس غربٍ يا عساه الدود

ظهر جيل جعل من دين رب الكون له ديكور *** تسمى به وحلل ما نفاه الدين والمعهود


ظهر جيل يعادي الخير ويسعى في البلد بشرور *** تسلط في كتاباته وشعلل في الوسط بارود


ذنوب لو نعددها تعدت عاليات الطور *** عسى الله يغفر الزلات ويرحم عمرنا المعدود

[العبهول التميمي]

صحت ألسنتكـــم ياشعارنا

وحنا متابعين لكم بقوة

[حاملة المسك]

ظهر جيل يعادي الخير ويسعى في البلد بشرور *** تسلط في كتاباته وشعلل في الوسط بارود
قصيدة واقعــــيــة والله يستر من تالـــي الدنياء والزمن من عاش فيــه شاف
أشياء غريـــبة

[تركي الفيصل]

ظهر جيل جعل من دين رب الكون له ديكور *** تسمى به وحلل ما نفاه الدين و المعهود
ظهر جيل يعادي الخير ويسعى في البلد بشرور *** تسلط في كتاباته وشعلل في الوسط بارود
صح الـسـانـك يالسفــيــــر على الأبـيـات الـجــزلـــــة وهذا اللي حـــاصل في الأمـــة هداهم الله

[أبو تميم الفيصل]

صح لسانكم جميعا

[OMوقت اللزووومZO]

صحت جميعا السنتكم

وتسلم يالسفير على هالابيات

[ابو عدي]

صح السنتكم جميع

[ياجبل مايهزك ريح]

تسلم يمين من نثر شعره في سطور


بوركتوا جميعا

[العبهول التميمي]

وصار الغرب قايدنا وحنا له فرح وسرور *** تفاخرنا بعاداته وتركنا نهجـنا فـي قيـود
زمان الذل والحسرة تساندها قهر ودحور *** على اللي تارك نهجة وبدلها بنهج قرود

[الكاسر]

جاني العــــــلم من وقـــت اللـــزوم ---- قال لي ربعـــــك يبونك فالسليم
.
صاحبي بركـــود يالحـــر الجـــزوم ---- اعتذر لك في التــــاخر يا زعيم
.
واعتـــذر لك يــالاداره والعمــــــوم ---- لاجل علمـن صدبي والله جسيم
.
آآآآآه من من كثر البلاوي والهموم ---- وآآآآه من وقت توجه للحـــريم
.
وآآآآآه ثم آآآآآه ثم آآآآآآهن تــــدوم ---- من مصـايب وقتنا اللي به نهيم

[بركود بركود]

أشـوف شخصٍ بيمناه الكريمة يلوح @@ عز الله إلا انفتـح للشـعـر بـاب قديم
أهلاًهلابه نقدم عود(ن) أزرق يفوح @@ من فرحتي قمت أجرالصوت جرعظيم
يامرحباً به يداوي مابقي من جروح @@ آه يـا جـرح وش بـك جبتني للحكيم

[أمير الحوطة]

الزمن شره وخيره للبشر ××× هي دروس نافعة للمعتبر
العدو خطط وخطه لي ظهر ××× والصديق اغتر واصبح في خطر
وكل حق ظاهر لو هو عثر ××× والقدر لا جا فلا منه مفر
ابشرو بالخير ياهامة مضر ××× من لجا لله ابعد عنه شر

[أبو ناصر الفيصل]

صحت السنتكم يا شعارنا عفيه علكيم

[سفير آل عبهول]

صح لساااااااانكم يا بركود ويا الكاسر

وصح لساااااااااانك يا امير الحوووووطة

[بركود بركود]

تركي الفيصل ســلامي باعتدال @=@ كيف وأنت الشهم حلال الشكال
ليش موضوعـــك علــى أية حال @=@ تلـحـقه تهميش يــا مــال الـــدلال:a (23):
وياالسفيرأغضيت وأعلنت السبات @=@ ليت من مثلـــك حياته فـــي بيات
و اللـــيالي يــا السنـافي شاهدات @=@ لو يـــطول الوقت قدرك مايطـال:a (99):
وكــملوا بعدي من الشعر الحسن @=@ كــملوا بيـتين تكتب في الوطن
كـمـلوهـــا لو تخــالـــفنا الــوزن @=@ يــــا عيال الــعم وانـعـم الـرجال:a (77):

[سفير آل عبهول]

لا هنت يا بركود لا هنت لا هنت *** اليا وجدنا الما بطلنا التيمم


لا صرتِ مطلوبٍ وبالخصِّ منك انت ***ابشر انا الطالب وانت المعلم


حب الوطن داخل حشايا به آمنت *** يعل من ينكر وطنا التسمم


وعز الله إني في هوا داري ادمنت *** دار السعود اضرب تحية واسلم