من يجاري هالابيات ؟

[سفير آل عبهول]

السلام عليكم شعراء واعضاء آل عبهول

خطر على باللي البيت المشهور والذي يقول :

على كف القدر نمشي ولا ندري وش المكتوب *** عبارة كنت ارددها صدق من صاغ معناها


فحبيت مجارات هالبيت مع تغيير القافية في الشطر الأخير ، ونشوف مجاراتكم وتكميل الابيات يا الشباب لابياتي والتي آمل ان تحوز على رضاكم .





على كتب القدر نمشي ولا ندري وش المكتوب *** ونسعى من وراء الدنيا وراها نطلب المالي

نعيش ابفرحة الأيام وايام تكون تعوب **** وهذي حالة الدنيا عسى الله يصلح الحالي

سهرنا الليل في غربة نذاكر منهج مطلوب *** نكافح عسرة الدنيا ولكن الشقا طالي

رمينا بحظنا طلقة وضيعنا الهدف والصوب *** ياليت الحظ لو صادف قريب الصيد لو مالي

[أبو ناصر الفيصل]

موضوع جميل وومميز يا سفير ال عبهول

والعذر على القصيدة العادية وغير موزونه لكن الجود من الماجود

على الدنيا تعبنا حيل ولاندري وش المطلوب*** سعينا لاجلها ونتعب على تجميع الاموالي
والعمر ينقص والايام تمشي بالمقلــوب*** والقدر ماشي ولايفيد الحلم والخيالــي
الي بيجيك من الدنيا قـدر مسجل ومكـتوب *** وعـلاجه الـصبر في مرها وحـالــي
والدنيا فيها الفايز ولاتكون المغلوب ** والـعمر لـو طـال لابـد لـه مـن زاوالــــــي
والضميان والصايم يبحث له عن المشروب *** ولاعب الكورة يبحث بتسجيل الاقوالي

[ياجبل مايهزك ريح]

هاذي محاوله مني

نمشي بها الدنيا ولاندري وش المكتوب
ونسعى ورها بحاضرها وماضيها
تعلمنا منهو القاسي فيها ومن المحبوب
ومن اللي عاش في سعادتها وشقاويها
الكل يمشي بدربه وهي مجموعه دروب
من عاش فيها عرف معانيها

[العبهول التميمي]

صح لسانك ياسفيرنا


وصح لسانك يابو ناصر


وصح لسانك ياجبل مايهزك ريح



واسمحوا لي بذا الابيات البسيطة " أتمنى ان تحوز على رضاكم "


اكيد ان الشقا طايل وكلـن يجلب المجلـوب

**** ومن صابه جروح اليوم عيونه دمعها سالي


ومهنا حاكمٍ مرتاح وعنـده ذا الخـدم تنـوب

**** تقضّي مـعـظـم اشغـالـه وهـمّـه مابعــد زالي


وهذا مطلب الدنيا غثيثه و الـفــرح مسلـوب

**** على اللي يتبع الشيطان وقلبـه بالذكـر خالي


ومنهجنا وشرعتنا تعبها بالفـرح مصحوب

**** تصاحب من على الدنيا تـذكـّر خـالـــقٍ والي

[ياجبل مايهزك ريح]

صح بدنك لا هنتوا

[تركي الفيصل]

ابـيـات بسيطــه عسى ان تلاقي إستحسان الجميع


تـعـلمنا من الدنيـا وأخـذنا الـعـلـم والـمـطـلـوب ــ وبـاقي عـلـوم مـخـفيـه تجي مع وقتنا التالـــي
تراء الدنيــا يابـو نايف بها الفايز بها المغـلـوب ــ وعسى الله لايـخـيـب جـهـدنا ياذرب الأفـعـالي
ولـو ضاقـت بك الدنيا تصبر والصبر مرغوب ـــ لـزوم الـهـم والـهـاجـوس مـع الأيــام يـنجالي
تحت ضل الولي عشنا رحيم الخلق والمكروب ـــ عظيم الخلق ورب الناس إله في السماء عالي

[سفير آل عبهول]

ابو ناصر

كلمات رائعة وصح لسانك على هالإختيار بس يبي لك دكتور كسور ومستقبلك قوووووي بإذن الله

[سفير آل عبهول]

يا جبل ما يهزك ريح

صح لسااااااااانك واتمنى لك مستقبل راااااائع

[سفير آل عبهول]

العبهول التميمي

صح لسااااااانك

ابيات رائعة جداً وقاااااااااادم بقوة بإذن الله

بالتوفيق

[سفير آل عبهول]

ابو خالد

صح لساااااااانك

لا تعليق لي سوا حضووووووووورك يكفي

[ياجبل مايهزك ريح]

يليت تحط ابيات اخرى الله لايهينك
(ما انعطى وجه )خخخخخخخخ
بس احب الشعر زي كذا مجاراه

[حتى ظلي له مهابه]

وانا معكم المره الجايه
ودنا نعرف للشعر

[سفير آل عبهول]

يا جبل ما يهزك ريح

ابشرررررري بعزك بس لابد من المشاركة




ظلو

حياك الله وابركها من ساعة

ومشكووووورين على المرور