إلى الساهر ......................................؟؟

[بركود بركود]

إلى الساهر ولا يهون بقية الأعضاء
إلى الساهر تحــية من .. رفيق فاح منه الطيب @@ تحية حــب مبداها .. سلام الله على الغالي
سلام الله عــلى منــهو .. تعلا دون شك و ريب @@ بوسط القلب متربع .. بنى له مسكن عالي
صحيح إني فـلا أعرفه .. و لا جــا بيننا ترتيب @@ ولكني أناظر لـــه .. بنظرة عــز و إجلالي

[بركود بركود]

يقول الشاعر الـلي له .. مع الشعـار رد و جيب @@ كلامٍ يسمعه كل من .. قراه وجاه في الحالي
ترى (لاهنت) مطلوبة .. وهي تعبير للترحيب @@ و كل من مـر ينطـقها .. و لا يمشي و ما يبالي

[سفير آل عبهول]

لا هنت لا هنت يا بركوووووووووووووود

صح لساااااااااااااانك على هالروووووووعة

ونتظر رد السااااااااااااهر

اقول ولد .. اح اح بغيت اعلم .

حط في قصيدة وابشر بالرد هههههههههههههه

[أبوفيصل]

صح لساااااااااااااااااااااااااانك

[همس الشفايف]

صح لسانك ويستاهل الساهر

[أمير الحوطة]

صح لسانك ............ وننتظر الساهر
ولو ان نظام ساهر معكر الجو هاليومين

[حتى ظلي له مهابه]

لاهنت ولاهان منطوقك
ابيات جميله ومميزه
وين الساهر فاته النظم الزين والمدح..
مشكور اخوي ..

[الكاسر]

إلى بركود برسلها قصيده والهدف تقـــريب --- سلام الله يا شاعر يصوغ العذب واجزالي
على ويش التستر والتخفي والمجال رحـيب --- وصيتك ذاع واستشرى كثير وارتفع عالي
انا بدعيك لزيارة وعساك تبـــرني وتـجيب --- وكل الهدف منها تعــارف والصــــدر خالي
خليل اليوم طينها وخــــربها مع ابن الـذيب --- وعلينا حق ناقف له وقوف الفخر واجلالي

[بركود بركود]

سلامي أبعثه ردٍ إلـى الكــاسر شبيه الذيب @@ تشوفه يا بعد شوفه و هـو بالـناب قتالي
سلامٍ يصحبه ودي بلمسة حب ونفحة طيب @@ مـعـزة للـخوي اللي زهمـني اليوم بوصالي
أنا في أي حزة تتصل بي أجيك مجيب @@ ألبي دعوتك وأفخر بدعوة طيب الفالي
أنا يا صاحبي شخص تأصل فيه عز وطيب @@ تلاقيني جبل شامخ ولاأرضى الضيم واذلالي
أبويه شيخ رباني و رباني على التهذيب @@ أشوفه واقتبس منه كلام(ن) زين و أفعالي
ولي عزوة وفي نخوة ولا لي هم في التخريب @@ وعندي هم أسعى له رضى معبودنا الوالي
و لكـن شرهتي والله على مثلك لها تحسيب @@ لهـــا غاية لـها نظرة لــها وقفات و طوالي
أنا راضي بهذا الوضــع ولا ظـني بهذا عيب @@ يبين الشين لو راعيه رفيع ومنصبه عالي

[الكاسر]

الا بركـــــود لا تشرح مثيلك ما يبي تجــــريب --- ولا للشك في ذهني عليك اليوم مدخـــالي
.
ونعـم فيك والــوالد ابوك اللي غــزاه الشـــيب --- من اسلـوبك تبين لي حقيقة اصلك العالي
.
ومن اسلوبك عرفت انك قريب ما تبي تقـريب --- يا ولد العم يا قريب هلا بك يا ولد خـــالي
.
قرارك حر تتخذه ولـو كان القــــــرار صــعيب --- وعلينا حق نحترمه ولـو ما كان فالبــالي
.
ابرسل لك على حسابك رساله يا زبون الطيب --- ابيك تشرف المجلس ونسعـد فيك يالغالي
.
ويكفـــي بس لا تكتب كفـــايه مـــا نبي تعقيب --- صفر خمسه صفر خمسه بداية رقم جوالي

[باترول]

صح لسان شعراء ال عبهول

[تميراوي نت]

صح لسانك قصيدة جميلة

[سديراوي نت]

صح لسااااااااااانك قصيدة جميللللللللللللة