ما عاد لي يا أهل الرياض اشتياقي

[سفير آل عبهول]

..................................

ما عاد لي يا اهل الرياض اشتياقي
من عقب ما قفوا ربوع عزيزين

عفت البلد والدار عفت المذاقي
والنوم في عيني تقاطيع وسنين

والقلب من كثر الهواجيس ضاقي
مثل اللذي كثروا عليه الديايين


والهم صاحبته وجانا وفاقي
وأصبحت أنا وإياه مثل الوليفين

يطعن على قلبي ويحدث شقاقي
لين الدموع تثور مثل البراكين

يا حسرتي يا لوعتي من فراقي
كني غريب تاه بين الميادين

إليا ذكرت ابوي جاني احتراقي
وإليا طرا المملوح بالي غدا شين

وإليا تذكرت النشاما الرفاقي
اخوان نورة عزوت الطيب ضارين

والزين والمزيون والزين باقي
في جوف قلبي مثل ورد ورياحين


كني على حالي أسير عراقي
في حبس أبو غَرِيب والناس لاهين

جالس واشاهد ما بقى من بواقي
ودموع عيني تذرف الدمع وتبين

لولا الذي في البيت يسعد خفاقي
وتخفف الأحزان مريوشة العين

الزينه اللي بعدها ما يطاقي
بنت النشامى كاسبين الميامين


لاترك رياض العز وأعلن سباقي
لتمير دار الجود دار الكريمين

يالله يا عالم بدق الدقاقي
يا فارج الكربات لوهي غدت وين

افرج إلاهي لوعتي واشتياقي
ولم الشمل واجمع قلوب المحبين

أسكن بقرب اللي محبته الاقي
الخير والخيرات والعطف واللين



فيصل بن عبيد - سفير آل عبهول

[ورد الجوري]

وانا أشهد يابو نايف ..,الله يلوم اللي يلومك ..,:a (50):
والله فرقاهم لها بالقلب كنة وضيقة ..لكن ماباليد حيلة .,:a (50):

[سفير آل عبهول]

ورد الجوري

حياك الله وبيااااااك

شاكر مرورك والله لا يجعلنا نفقد الغالين فقدت الدنيا والآخرة ويجمعنا في جنات النعيم

شاكر مرورك الكريم

[أبو تميم الفيصل]

ابيات قمة في الروعة وتحكي معانتك يالسفير والله يخلي لك نايف وامه وتعال اسكن عندنا
الله يلوم الي يلومك يالسفير حنا فقدناهم وشلون انت الي معهم في البيت اسئل الله ان يوفقك ويحقق لك النقل الى ديار الجود تمير ان شاء الله

[أمير الحوطة]

صح لسانك
وهم راحوا بإرادتهم وخلونا !!!
كنا نتمى لهم البقاء لكن ما في اليد حيلة !!!
فقدناهم في الروحات والجيات وخاصة يوم الجمعة وصلاة الاستسقاء !!!
نسأل الله ان يجمعنا واياهم في جنات النعيم

[تركي الفيصل]

ابيات جميلــه ومعبرة وفيها من الوجدان والحسرة على فراق الاهل والاحباب ... ونقول كما قال الناس فقدناهم ولكن من غير شر إن شاء الله
واخيراً ياولد العم مشكور على الأبيات الجميلــه اللتي ستبقى في الذاكرة لجزالتها وقوة معانيها بالذات الأبيات
ما عاد لي يا اهل الرياض اشتياقي ــ من عقب ما قفوا ربوع عزيزين
ــــــــــــــــــــــــــــــــــــــــــــــــــ ـــــــــــــــــــــــــــــــ
وإليا تذكرت النـــشاما الرفاقي ــ اخوان نورة عزوت الطيب ضارين
ــــــــــــــــــــــــــــــــــــــــــــــــــ ــ
الزينه اللي بعدها ما يطاقي ـــ بنت النشامى كاسبين الميامين

لاترك رياض العز وأعلن سباقي ــ لتمير دار الجود دار الكريمين

[حياتي كلها لله]

ابيات في قمه الروعه
والحمدلله مومن بعد تمير عن الرياض كل خميس وجمعه طب عليهم

[OMوقت اللزووومZO]

الله الله
ابيات من ذهب الله لايلوم اللي يلومك
هذا الدنيا يابن العم
واصبر والصبر جميل وان شاء الله نقلك قريب

[×البرنس×]

ابيات قويه تحكي المشاعرك واحاسيسك .

يا بن العم تصبر وان شاء الله تصير حولهم ...

واجعلك ان شاء الله ما تفقد غالي في الدنيا ...

والحال وحده يا ابن العم مير لا فضيتوا سيروا علينا ..

[دمعه على خد القمر]

احمد الله على النعمه انهوم موجودين في الدنيا غيرك فقدهم
وشد حيلك عسى الله يجيب لك نقل يسرك

[دمعه على خد القمر]

لولا الذي في البيت يسعد خفاقي
وتخفف الأحزان مريوشة العين


الزينه اللي بعدها ما يطاقي
بنت النشامى كاسبين الميامين

الله يسخرها لك ويسخرك لها ويحفظكم من كل شر
تستاهل بنت ابو عبد الله

[شقرديه]

الله يلم شملكم ويوفقك بنقل لتمير او ماجاورها وترا هاذي حال الدنيا .
الله يحفض لك نايف وامه ويسخركم لبعض.

[سديراوي]

ابيات رائعه وجميله

[المهندس]

الله يكون في عونك ياابو نايف ترى هذه حال الدنيا يوم عندكم ويوم مهوب عندكم واقول شد حيلك ودبر عمرك وتعال في سدير والا تبي تصير عندهم عندي حل بس اقشر الا وهو التقاعدالمبكر واقعد عند اهلك هههههههههههههههههههههههههههههههههههههههههههههههههه ههههههههههههههههههه

وسلمني على نايف والاهل

[حتى ظلي له مهابه]

ابيات في قمة الروعه والجمال ..
عز الله ان الابداع كله اجتمع بالقصيده ..

وانا اقول ياالسفير :

اتميــر بوجودهم زادت اشــراقي
يامرحبا حـلو علـــينا عزيزيـــــن

حي الحبايب والله يــــجيب الباقي
الصـ:a (76):ـحبة اللي صــــاروا بــعيدين

يالله عسى دمــع الفرح بـــالتلاقي
يغسل هم الفراق اللي بقا لــلحين

[سفير آل عبهول]

ابو تميم الفيصل

آمين الله يسمع منك
ومشكور على المرور



أمير الحوطة
هذا الراي تمير وبس عسى الله ييسر لنا النقل لها ، بلا رياض بلا هم
مشكور على المرور

[سفير آل عبهول]

تركي الفيصل

شهادة اعتز بها ،، شااااكر لك المرور الكريم والتعليق الرائع والاشادة الجميلة

شكرا لك ابا خالد



حياتي كلها لله

اي والله الله يعين بس ،، ويبشر طريق سدير بحضوري كل اسبووووووع :a (105):
ومشكورة على المرور

[سفير آل عبهول]

وقت اللزوم
وياك وجميع المسلمين ،، وعقبالك انت يا النشمي
مشكووور على المرور



البرنس
انت اللي تعال وسير علينا حنا اكثر منك !!
مشكووووور على المرور

[سفير آل عبهول]

دمعة على خد القمر

الحمد لله الله يطول في اعمارنا على الطاعة
مشكووورة على المرور


سديراوي
مشكور على المرور

[سفير آل عبهول]

المهندس

مشكور على المرور وإذا تقاعدت انت ابتقاعد انا خخخخخ

شكرا لك




حتى ظلي له مهابة

صح الله لسانك أبيااات روعة
وشاكر مرورك الكريم

[أبو ناصر الفيصل]

ابيات جميلة جدا النهاية

والقصيدة ان شاء الله يشوفها وزيركم ويقول وين ابونايف ابنقله في تمير

والحمدلله على كل حال وان شاء الله انا بكم لاحقون في تمير ان اشاء الله

[المميز]

وإليا تذكرت النشاما الرفاقي
اخوان نورة عزوت الطيب ضارين


ايه والله فقدناهمـ اخوان نورة
وينك ياراعي الشروكي بس .,~

لولا الذي في البيت يسعد خفاقي
وتخفف الأحزان مريوشة العين



الزينه اللي بعدها ما يطاقي
بنت النشامى كاسبين الميامين


الله الله الله يخليها لك والله يخلي لك نايف
لاتنسى ترى معك واحد من النشامى في البيت ههه

تقبل ردي

[قلب المنتدى]

الله يكون بعونك

الفراق كايد وش لون لو صار فراق الأهل

واللي مزعلك يالسفير تراه مفرحنا خخخخخخخخخ

نتمنى لكم التقاء قريب في الدنيا ثم في الآخرة

[الاعصار]

ابيات رووووووعه وجميله .

[الجنوون فنوون]

أبيـآآآآآآت قمه في الروووعه^^
والله لهم فقـــــده ,,لكن هذا القدر مكتووووب..
منذو أن كنااااا صغاااااارآآ..
كنااااا كالأروآآح في جسد وآآآحد..
,,لعبنااااا,, ضحكنااااا,, بكينااااااا
وفي لحظه من لحظااات الزمن يرحل الأحباااااااب كرمش البصر,,
تمر أطياااف الأحبه بين مخيلتي فأزيد إشتيااااااقااااا..
رحل الأحبه ولن تبقى سووى الذكريااااااات..
جعلني أشووفهم عمـآآ قريب,,^^
...................................
ألاآآ وشيب عيني يووم قالوا لي فمااااان الله
وتحققت إنهم من عقب جمعااااااااهم مقفيني
تفاااايا لي خيااااااال الموت يومه مد لي يمنااااه
ولد بعينه الخرسااا عقب ماأقفى يرآااااااآعيني
حلفت برب خلقه لو يطوول البعد أنا ماأنساااااه
أنا وشلووون أبيع اللي من العربااااان شااريني
تصبر يااااخفوق صاار دآآه اليووم وسط ردآآآه
على رجوى إن رب العرش يدنيهم ويدنيني
............................
عزي لمن مثلي جفا النوووم عينه
يسهر وهمه بين الأضلآآآع يجتاااااااال
قلبي من الفرقااا تبيح كنينيه
فرقى الخليل اللي خيااااله على البااااااال
وجدي على شووفه وضحكه جبينـــه..
ثم أنشده عقب البطـى كيف الاحوآآآآآآآآل..
...................................

جعلهم يرجعوووووووون لريااااض العز,,ههه..
والله لو تلقى نقل ياأبو ناااايف نقلت,,
بس جعلك ماااااتلقى عاااد تخيل تطلع الدآآآر خمده^,,

[ابو عدي]

الله يكون بعونك يالسفير وصح لسانك قصيده روعه..

ايه هذي مشكلت الي ماتعود على الغربه من يوم طلع على الدنيا وهو مايتعدى اميمته

[بوح أنثى]

صح لساانك ...
وابياات رووعــه ..

والله يخليهم لك ..

يعطييك العاافيه

[المحترف]

الله يكون في عونك ياسفير ولكن عندي لك راي وراك ما تاخذ وحدة ثانية وانا معاك

[سفير آل عبهول]

ابو ناصر الفيصل

حياك الله وبياااااك ومشكور على المرور والتشريف


المميز
اجل كلن فاقد له اصحاب ههههه
الله يجزاك خير ويرزقة الزوجة الصالحة




قلب المنتدى
آمين يا رب
ومشكور على المرور والتشريف يا غاااااالي



الاعصار

مشكور على المرور




الجنون فنون
ابيات روعة ومشكورة على المرور والتشرييييييف






ابو عدي
الله لا يلوم اللي يلوومك من عمرك 22 وانت في غربة

مشكوووووووووووووووور




بوح انثى
مشكوووورة على المرور والتشريييييف





المحترف
الله يقويك خذ قبلي وشد من عزمي ههههه

مشكووووووووووووووووووووووووووور على المرور

[العبهول التميمي]

صح لسااانكـ واعتلا شااانكـ

خشيت جو مع القصيدة جعل نظمك وفكرك سالم ودايم السلامة

[اصيل تمير]

صح لسانك وحقق لك مرادك

[سفير آل عبهول]

العبهووول التميمي

صح بدنك

شاااااكر مرورك الكريم والرائع

لا هنت

[سفير آل عبهول]

اصيل تمير

صح بدنك
وجزاك الله خيررررررر

لا عدمناك يالغالي