المساعد الشخصي الرقمي

مشاهدة النسخة كاملة : الشاعر:خالدعبدالله الفيصل

قايد تميم
23-Sep-2007, 04:37 PM
ياناوين طوي المسافات والدرب صحراء
اسمع نصيحه خوي لك مثالي
غير البريمي يارفيقي لاتحرى
الشاص يحميك والرب عالي
مايبي ديار بنت عجرم وبرى
ومايبي واحد يشريه والبوك خالي
ومايبي لابس القبوع والشفة الحمراء
ومايبي راعي الترمس يجيله مجالي
الذيب يبيله ذيب مع القمرى
يقطع بهالصحراء والبال خالي
يازين زوله في روضه خضراء
البدو عنه يمين وشمالي
راعيه ماتجي في عينه الحرا
حيثه بين المواتر يعد عالي
يازين 2003حلو المسرى
يوم ملكك يامحمد يصبح حلالي
ارسم الخطه كلنا نكتب ونقرا
نبا نصبح ونمسي وسط الجبالي
في وسط خريم يامحمد شفت انا عذراء
ينضر بعينها المكحوله ولايبالي
مولع قلبي بحب سمراء
تاركه مبطي وعود على بالي

وسلامتكم
أمير الحوطة
23-Sep-2007, 05:07 PM
الاخ عبهول المزاحمية ممكن نتعرف على سيرة هذا الشاعر والذي يجمع بين خشونة البر والغزل
سفير آل عبهول
23-Sep-2007, 06:48 PM
صح لسانك

صح لسانك


ومثل ما قال أمير الحوطة لازم نتعرف على سيرة الشاعر بارك الله فيك
M.A.X
23-Sep-2007, 06:57 PM
صح لسانك


مشكووووووووووووووور وماتقصر
عبدالعزيز الفيصل
24-Sep-2007, 01:02 AM
صح لسان قايلها وناقلها

مشكووووور
فهد المفرج
24-Sep-2007, 02:30 AM
صح لسان الشاعر والله يعطيك العافيه ولي تحفظ على الوزن ومشكور .
بالنسبه للشاعر فاليكم سيرته :
هو خالد بن عبدالله بن محمد بن عبدالله بن فيصل بن حمد بن ابراهيم بن مفرج بن عبهول آل ابوحسين العنبري العمروي التميمي .
شاعر شاب من اهل تمير ورث الشعر عن ابيه ولاغرابه فأبوه هو الشاعر المعروف ( عبدالله الفيصل ) اللذي له باع طويل في الشعر واللذي ورث الشعر من ابويه وليس غريبا ان يكون خالد شاعرا فهو سليل الشعراء وحفيد الامراء .
قايد تميم
24-Sep-2007, 02:45 AM
السلام عليكم ورحمة الله وبركاته
ماقصرت ابومشهور نبذه وافيه عن الشاعر ولا غرابة منك هذا الكلام الطيب الذي لايأتي إلا من رجل طيب
وسوف نوافيكم بجديده انشاء الله عن قريب
فهد الفيصل
01-Oct-2007, 06:24 AM
صح لسان الشاعر ..
ثقبل تواجدي ..
تركي الفيصل
23-Mar-2008, 01:16 PM
الله يوفقك ويجعلك شاعر الأمه الإسلاميه
العبهول التميمي
23-Mar-2008, 01:55 PM
صح لسان شاعرنا خالد .