قايد تميم
24-Sep-2007, 01:36 PM
كلمات الشاعر / معطاب
لاضاق صدري شلت صفر المعاميل=ودورتلي قفرٍ مـن النـاس خالـي
فوق ابيضٍ يبري الكبود المعاليـل=توه مـن اليابـان جبتـه وجالـي
ليا ركبته كنك على شـرد الخيـل=من نوع لاندكروز وافي الخصالـي
ياكـن صوتـه لانقرتـه هماليـل=من عقربية هلـت المـا وسالـي
نسرح عليه الصبح او تالي الليـل=ننصا ديار القـوم اهـل الشمالـي
وحنـا دلايـل ماتـدور دوالـيـل=خطـو العيـال مميليـن العقالـي
خوة نشامـى الرجـال الحلاحيـل=تسوى من الدنيا كثيـر الحلالـي
وفي مهمه قفرٍ قـد علـه السيـل=شبيت لي ضـوٍ يزيـد اشتعالـي
وزينتلي كيف من البـن والهيـل=من العرف ناقيها من السوق غالي
مع زعفرانٍ والشمطري ليـا قيـل=ياكن لونـه لااندلـق ثـم مالـي
دم الغزال ليا انطلق لـه شخاتيـل=ومن دونه الضيحه بعيـد المنالـي
درجله الرماي وابعد لهـا الميـل=من خوف لاترتخي فـي الرمالـي
ولااخذتلي منهـا خمسـة فناجيـل=يزيـن بـدع القـاف مماطرالـي
لاضاق صدري شلت صفر المعاميل=ودورتلي قفرٍ مـن النـاس خالـي
فوق ابيضٍ يبري الكبود المعاليـل=توه مـن اليابـان جبتـه وجالـي
ليا ركبته كنك على شـرد الخيـل=من نوع لاندكروز وافي الخصالـي
ياكـن صوتـه لانقرتـه هماليـل=من عقربية هلـت المـا وسالـي
نسرح عليه الصبح او تالي الليـل=ننصا ديار القـوم اهـل الشمالـي
وحنـا دلايـل ماتـدور دوالـيـل=خطـو العيـال مميليـن العقالـي
خوة نشامـى الرجـال الحلاحيـل=تسوى من الدنيا كثيـر الحلالـي
وفي مهمه قفرٍ قـد علـه السيـل=شبيت لي ضـوٍ يزيـد اشتعالـي
وزينتلي كيف من البـن والهيـل=من العرف ناقيها من السوق غالي
مع زعفرانٍ والشمطري ليـا قيـل=ياكن لونـه لااندلـق ثـم مالـي
دم الغزال ليا انطلق لـه شخاتيـل=ومن دونه الضيحه بعيـد المنالـي
درجله الرماي وابعد لهـا الميـل=من خوف لاترتخي فـي الرمالـي
ولااخذتلي منهـا خمسـة فناجيـل=يزيـن بـدع القـاف مماطرالـي