قصيده خراب السيارة

[OMوقت اللزووومZO]

بسم الله الرحمن الرحيم
هذة قصيده للشاعر ابن حركان يقووول فيها
البارحه ليلي غدا ليلين
مع موتري ربي أشقاني
ماهو ضني فيك يابيضين
عقب السعاده تجلب احزاني
أوقفك عند بابي زين
وارجع ولاقيك خرباني
وش صار لك بعد عمر سنين
فشلتني بين جيراني
فكرت أبيعك ولو بلفين
وأجيب لي موتر ثاني
رزرايز فيه شكمانين
ولا شبح وارد ألماني
وماهمني لوخذيت الدين
وأجيب لكزس صنع ياباني
وأن كان ماحصلت لك شارين
بعتك حديد فوق ميزاني
يندك راسك مع الرجلين
وتصير تلفة وخرباني
أول مكانك بوسط العين
واليوم يكفي نك ماجاني

وسلامتكم

[أبو ناصر الفيصل]

قصيدة جميلة وأتوقع موترة هاليكس دردعة أو جيب باثفندر موديله من 90 إلى 95
أكيد مافيها كلام

[سفير آل عبهول]

فكرت أبيعك ولو بلفين
وأجيب لي موتر ثاني


بعه من هالحين ، الدرادع مغير تخسر شاريها


مشكور على القصيدة وصح لسان قايله وناقلها

[عبيد الشيخ]

أول مكانك بوسط العين
واليوم يكفي نك ماجاني

للاسف هالسيارات ماتحسب للعشرة القديمة أي حساب

[العبهول التميمي]

صح لسان ابن حركان .. وصح لسان الناقل .

[محـ الديار ـب]

شكله ددسن 92 والا صالون 80 ابو قراطيس على الكبوت
وشكرا على المشاركة

[قايد تميم]

شـكــ وبارك الله فيك ـــرا لك ... لك مني أجمل تحية .
والله شكله يا محب الديار على قولك صالون1980 كله استكرات