الصمان هالسنة - تقرير مصور -

[فارس المفرج]

السلام عليكم ورحمة الله وبركاته

يالله حي عيال العم ذكورا واناثا ويا مرحبا بكم بهالتقرير المتواضع لبعض فياض الصمان..

بسم الله الرحمن الرحيم.....

انطلقنا ليلة الخميس 28 صفر من طريق الطوقي على دوار التنهات وبتنا هاك الليلة في عرق الخفيسات ..

وبعد الفجر تقهوينا ثم افطرنا وانطلقنا متجين لوسط الصمان من غرب الرفيعة ..

وانحن في الطريق الا هاك الحصيني اللي في وجهي انا ما صدقت خبر يمكن هذاي عاشر مرة اطرد ثعل ولا زد مسكته لكن قلت هالمرة مهيب معدية وفي نهار - ابشروا به -

وبسم الله طرد وطريد .. من حزم لضلع ومن جرف لدحديرة ونكسات يمين ويسار وخلها على الله قرابة الثلث الى نصف ساعة خلص البنزين ما جبناه..

بس انه الحين هلكان الى اخر حد قلت الحين فرجت كلها خمس دقائق وطايح من التعب .. ما دريت الا ابومحمد السنايدي يظهر البندق وفي راسه

وبالتحديد في عينه انا تفاجات الا الحصني ناطل في وجهي وطايح ميت -اخو العيال- ليه ما ليه . أثر أبومحمد قفلت أخلاقه ولا رده الا الخرازة ..

وهذا صورته مع ابومحمد والاصابة فالعين..

]http://www.up.00op.com/data/visitors/2008/03/09/storm_1866705967_568892642.jpg (http://www.00op.com/up)

]http://www.up.00op.com/data/visitors/2008/03/09/storm_1404242257_1017740188.jpg (http://www.00op.com/up)

وهذا الذيل حطيناه علاقه للموتر..

]http://www.up.00op.com/data/visitors/2008/03/09/storm_732880202_1259563698.jpg (http://www.00op.com/up)

وهذا ضب صغنون لقيناه داز يمشي الف ولوه واقف ما درينا عنه ..

]http://www.up.00op.com/data/visitors/2008/03/09/storm_1546414014_945762907.jpg (http://www.00op.com/up)

وهذا الصور لفيضة رديفة الحاج وهي أفضل الفياض اللي مريناها وبعدها تأتي دغيم ثم بريك الحاج

]http://www.up.00op.com/data/visitors/2008/03/09/storm_183574406_165560429.jpg (http://www.00op.com/up)

]http://www.up.00op.com/data/visitors/2008/03/09/storm_472201767_1024999151.jpg (http://www.00op.com/up)

]http://www.up.00op.com/data/visitors/2008/03/09/storm_523291600_1665526487.jpg (http://www.00op.com/up)

وهذاي ضبين صداهم وانحن نتمشى بين الفياض ..

]http://www.up.00op.com/data/visitors/2008/03/09/storm_603304262_454973946.jpg (http://www.00op.com/up)

وهذاي دغيم لابأس ..

]http://www.up.00op.com/data/visitors/2008/03/09/storm_898020213_848522297.jpg (http://www.00op.com/up)

]http://www.up.00op.com/data/visitors/2008/03/09/storm_2037735251_183145465.jpg (http://www.00op.com/up)
] (http://www.00op.com/up)
وهذا ابوخالد دعس له ضبين بالهدد وحطيت واحد منهن لكم ..

]http://www.up.00op.com/data/visitors/2008/03/09/storm_760091269_1578638117.jpg (http://www.00op.com/up)

]http://www.up.00op.com/data/visitors/2008/03/09/storm_1190846093_1059976022.jpg (http://www.00op.com/up)

وعند نهاية المطاف لعصر الجمعة 29 صورت الغشاء بالفلفل الحار ومعه ست دجاجات مشوية على الفحم -على كيفك -

]http://www.up.00op.com/data/visitors/2008/03/09/storm_2094303629_450676536.jpg (http://www.00op.com/up)

]http://www.up.00op.com/data/visitors/2008/03/09/storm_938020882_726235410.jpg (http://www.00op.com/up)

وفي الختام اشكركم كل من سهام في نجاح هالتقرير....

الله الله بالردود...

وتحيات ولد العم فـــــــــــــ المفرج ـــــــــــــــارس

[سراييفو]

ماشاء الله ماشاء الله

اثاريكم مجرمين
برايفت لابو محمد
( جعلي مانيب حصني) ههههههههه
بعدين هالضب اللي وطيتوه تركتوه عبره للضبان خخخخخخ
شرط ماعاد يطلع ضب في المكان اللي جيتوه

لاتحرمنا من جديدك يالبناخي

[NO.2200]

تحية طيبة لك
متعك الله بالصحة والعافية وادام عليكم نعمه

لدي ملاحظة على قتلكم للثعلب
هل اعتدى عليكم او تعرض لكم بشئ
ام مجرد لهو وسعة صدر
يا اخي لا تجعل هوايتك على حساب مخلوقات الله فانها تحاجك يوم القيامة ربي سله لم قتلني
بعدين قتل الثعلب ليس بمفخرة حتى تعجبك نفسك بقتله دون وجه حق

تحية من ابن عم لك و تقبل عتابي بصدر رحب

[سفير آل عبهول]

كلش ولا الحيوانات يا ابن لعم

طالعين تمشون وإلا تجرمون ؟ الله يهاديكم

عموماً رحلة موفقة وتقبل نصائحنا بصدر رحب

وتمنيت إني شايفك وانتم توطون الضب وتذبحون الحصني كان راميكم بالنبيطة الي معي هههههههههه


مشكووووووووووووووور وما قصرت يالغالي

[عبيد الشيخ]

رحله شيقة يابن العم وتصوير رائع لكن
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
:a (34)::a (34):والف لا لك يابن العم
لاتقتل اي شي تشوفه الا العقرب فقط
لانها من اهم مراحل دوره الحياه قل لماذا ؟

نحن عندما نريد مكان نمرح فيه قلنا هذا فيه كذا وهذا فيه غيران جراذي ...الخ
من ياكل الجراذي انا وانت من ياكلها هو ماصرعتوه فوق ايها المجرمون ...لاتخربوا بيئتنا بهذه التصرفات المشينه فشوفه الحصني في الحزم تغني عن الف نظرة للاسد في سجنه ..

ارجو الايمنعك راينا فيك يابن العم في ان تزعل علينا ولكن يجب ان ننبهك فقط .

[فارس المفرج]

اهلا وسهلا بالشباب ..

اولا انتم الحقيقة عجلين وتحكمون على الواحد قبل ما تدرون وش النية ..

ثانيا أنا أول المعارضين لقتل الحيوان الغير مؤذي أو ما لا يراد أكله

وأنا سبق وقلت أني طردته أبي أمسكه بس أبومحمد:a (65):الله يصحله ويهديه ويقلع بليسه:a (23): استعجل وثور عليه حتى اننا نزلنا عليه :a (54):وهاوشناه

ولا الحقيقة النية اني امسكه وأتفكر في مخلوقات الله واخليه معنا ولاجاء الليل خلينا سبيله ..

وأشكركم على حسن النية.. (ولا عاد أحد ينصح جزاه الله خير) <<<زبد لكم

[ابو عدي]

رحله حلوه ليتكم معلميني كان مخاويكم

[فارس المفرج]

ولا أزودكم من الشعر بيت ..

ترى محصول الحيونات المقتولة فالطلعة ذيهي

حبة حصني ، و6حبات ضبان: اثنين وطيت(بالغلط يا محسني النية)

واثنين ذيك الصغار يوم جاء باتسر ولاها ميته والخامس ضب عند جحره ثورنا فيه وقلب في محله ودخل جحره..

واللي في راسه حرش ما عني مشكلة<<<<<<< تراي امزح عاد

بس ترى كلها غير مقصودة وســـلام..

مشكور أبو جوري على الرد وابشر يا ولد العم بالجاي..

[محـ الديار ـب]

رحلة شيقه وتقرير ممتاز
والله يعينكم يوم القيامه( واحد كلامه يخوف)
وياليتكم معطيني خبر

[العبهول التميمي]

ما شاء الله رحلة موفقة بإذن الله .


وواضح انكم شقردييية

[العباهلة]

الله يهاديك ويصلحك أذيتا الحيوانات أنت مجرم ويبي من يقوم عليك ويطاك بالكفر مثل ماوطيتا الضب
المسكين طيب أنت ترضى أحد من علانك ((في المستقبل )) ينوطيون بالكفر

حكمة المحكمة قانونين بالمتهم فارس المفرج وسيتم وطية بالكفر ورفيقة سنقوم بفقع عينة بالخرازه
أولاً : لأن المتهم فارس قام بدهس ضبين والثالث برمية
ُثانياً : مسك السلاح الغير قانوني وطلق العيار الناري على الثعلب ((الحصني ))
ثالثاً : رحلة موفقة

:a (18):علية ياشباب:a (132):

[فارس المفرج]

الله يهاديك ويصلحك
آمين وآياك ..

ثانيا : مهوب انا اللي داعس الضبان والله مهوب انا ياناس .. تكفون ليه كذا .. حرام تظلموني .. هذا راعي الهدد

حتى اللي مصوب الضب مهوب انا ..

ثالثا : مشكور على الرد يا بناخي ..


تحياتي فارس المفرج

[العباهلة]

العذ العذر ماتوقت أنة مهوب أنت

لكن أنا أعرفك زين محترم وعارف الأنظمة والقوانين

أجدها

[الوافي]

لا اوصيكم خذو راحتكم 0لاحقو الحصاني وصيدو الضبان با الطردي موفق بإذن الله ... لك مني أجمل تحية .

[الخيال]

مشكور يالفارس على هالتقرير الرائع

[أبو تميم الفيصل]

تسلم على التقرير

[همس الشفايف]

ياخساره كان ودي اشوف رحلتكم بس ماطلعت عندي الصوررررررررررر ومشكوووووووووور