المنتدى يشكي حاله في قصيده

[عبدالملك]

http://www.bebsi.com/vb/images/medals/rosette1.gif


سلام الله على ربعي ومن جاني من الزوار
تحيتنا نكررها اخير الهرج واحسن قول

وانا بكتب قصيده واتشره والسبب محتار
ولكني عزمت اكتب قصيده يابني عبهول

انا مستنكرن بعض الربع كتاب مع شعار
ول ادري وش سبب صد الربع عننا ياحول

يجيك الشخص متحمس وعقله ممتلي افكار
بعد فتره يغادرني عقب ماهو يصول يجول

عرفت اني جمعت الشمل كما العيله جمعها دار
وانا كبري تواجدكم وصغري ترككم وازول

عيال العم وشفيكم يأثر فيكم الاشرار
عصابه من خساستها تمنى المنتدى مشيول

صدق راعي المثل لاقال انجس من طباع الفار
عساهم للفنا والي سلم منهم يجي مشلول

حشا لله مايدري تبناني قروم احرار
عيال العبهلي منهو حكم ربعه سديد القول

امير الحوطه منول مخمد فتنة الفجار
تميمي عنبري كنه كما سيف(ن) شهر مسلول

عياله من لفوا لتميرتعلوا عالي المقدار
امارتها تولوها صحيح ان العيال فحول

وانا باكتب واطالبكم تمشوا في وسط هالدار
وانا بيت(ن) لكم وانتم عيالي والقدر مجهول

ابيكم في مجالسنا كما البنزين فوق النار
تمشوا في زوايانا بغيتوا عرضها والطول

يأما ناصل العليا كما طير(ن)شهر ثم طار
اواني اشهر افلاسي او اني انتهي مقتول

[العبهول التميمي]

صح لسانك يا شاعرنا

[محـ الديار ـب]

اشكرك اخي عبدالملك على هذه القصيدة المحمسة
والدافعة للنفس للمشاركة في المنتدى
وياليتني شاعر كان نسوي مراد في هذا المجلس
ولك مني اجمل تحيه

[سفير آل عبهول]

يجيك الشخص متحمس وعقله ممتلي افكار
بعد فتره يغادرني عقب ماهو يصول يجول


وهذا للأسف لكن اتمنى ان يكون المانع خير وانا اعرف بعض الشباب غادرنا لمغادرة عمله إلى مكان آخر ، والبعض اصبح عمله ميداني وانشغل ، لكن ادعوا الجميع إلى العودة والتفاعل من جديد فالمنتدى ماشي إلى القمة بإذن الله .


عيال العم وشفيكم يأثر فيكم الاشرار
عصابه من خساستها تمنى المنتدى مشيول

صح لسانك على هالبيت ، وبإذن الله سفينتنا ماشية في طريقها الصحيح رغم انوف الحاقدين .


صح لسانك يا أبو إبراهيم على هالأبيات الرائعة ، صح لسانك وعلا شانك

وكثر الله من أمثااااااااااالك

[الكاسر]

قصيده اجمل من رائعه يا ابو ابراهيم صح لسانك ونبي اكثر واكثر .... والله العظيم ان قصيدتك هذي عبرت عما نحس به من تقصير من بعض الاعضاء تجاه المنتديات "منتديات العبهول طبعا"

[عبيد الفيصل]

ألا يا منتدى عبهول لاتتعب من المشوار
ترى طول النفس مطلوب حذرا لاتصر مملول


عيالك دايم عندك بغيت الليل والا نهار
كما اللي ساهرو المقروص دايم بالوفاء مشمول


يحبونك يعزونك على اثرة جدهم تذكار
جمع شمل الأحبة جمعة صارت على المأمول


وترى المشغول معذور وعلينا نقبل الاعذار
ولكن مانبي غيبة عيال العم عنك تطول

[أمير الحوطة]

يأما ناصل العليا كما طير(ن)شهر ثم طار
اواني اشهر افلاسي او اني انتهي مقتول

لن تفلس إن شاء الله والتمسوا لاخوانكم الاعذار

[ابو عدي]

صدق راعي المثل لاقال انجس من طباع الفار
عساهم للفنا والي سلم منهم يجي مشلول
امين امين امين امين امين امين امين امين امين امين
صح لسانك ياولد العم

[عبدالملك]

مشكورين على الردود كما اني اشكرك يابو فيصل خاصه على الرد شعريا

[عبدالعزيز الفيصل]

صح لسانك يا ولد العم

وتقبل مروري

شـكــ وبارك الله فيك ـــرا لك ... لك مني أجمل تحية .

[الكاسر]

اذا كنت اخي عبدالملك تريد الرد شعرا فلك مني هذه الابيات المتواضعه :


هلا باللي جمـــع شمل العباهل شيبهم واصغار --- دعاهم للتعارف والتواصل بالفعـــل والقول

ارحب به واهلي به من اعماق الصدر واجهار--- الا يامرحبا وارحب بموقع جـــدنا عبهـــول

تعلمنا تدربنــا عــــــرفنا به كثيــــر اســــــرار --- كشفنا الحق والباطل كشفنا العالـم المجهول

تواصلنا مع اعضــــائه تناقلنا القصص واخبار--- تناقشنــــا تفـــاهمنا وصلنـــا للهـدف وحلول

صحيح اني معك مهمــــل ولكن عارفك صبار --- صبرت وتصبر وتصبر ولابد الجفا مملــــول

أرجو ان تنال اعجابك والاعضاء

[العباهلة]

مشكور يا عبدالملك والله يكثر من أمثالك وحنى دايم أن شاءالله خادمي المنتداى

[ابو عدي]

عبد الملك ......... ابو فيصل ............ الكاسر ............ لاعدمناكم ولا تبطون علينا بالقصايد

[عبدالملك]

مشكورين على المرور وما قصرت يأخي الكاسر على الرد الرائع

[عبيد الشيخ]

عافكم الله جميع .............مبطي ماتحرك مجلس الشعر .......وان شاء الله باشراف عبدالملك بيكون من افضل مجالس ال عبهول .............

[قايد تميم]

شـكــ وبارك الله فيكم ـــرا لكم ... لكم مني أجمل تحية
ياشعارنا&& عبد الملك ****ابو فيصل*****الكاسر&&
وانشاءالله مانخلي منتدنا

[ملكة العبهول]

يسلم صاحب الابيات صح لسانك

[خوالي آل عبهول]

يعطيك العافية يا ابو براهيم على هالقصيدة الجزلة

وبيض الله وجهك وصح لسانك يالذيب

[×البرنس×]

صح لساااااااااااااااانك

[OMوقت اللزووومZO]

صح لسانك يابو براهيم وابو فيصل
عز الله انكم ابداع

[عبدالملك]

شكورين جميعا على الردود

[القديم]

صح لسانك ياولد العم وهذة قصيدة جزلة من رجال جزل والى الأمام الى لامام
(وفالك المليون )

[اعصار نجد]

ابيكم في مجالسنا كما البنزين فوق النار
تمشوا في زوايانا بغيتوا عرضها والطول

يأما ناصل العليا كما طير(ن)شهر ثم طار
اواني اشهر افلاسي او اني انتهي مقتول

حيا الله ذا الراس قصيدة طيبه من وجه اطيب

[مـجـنـنـهـم]

بسم الله الرحمن الرحيم

صح لســـــــــــــــــــــــــــــــاااااك ياعبدالملك

شـكــ وبارك الله فيك ـــرا لك ... لك مني أجمل تحية .