جديد أبو مشهور

[فارس المفرج]

السلام عليكم ورحمة الله وبركاته
هذاي قصيدة للشاعر فهد المفرج بعنوان / زمن

حبيت اوريكم اياها بعد أذن أبو مشهور ..

1
إيه الله اكبر يا زمان تغيـرت وش غيرك في ذمتك يـا زمنـا


2يعني علينا في ليالـي تجبـرت والا انت ناوي يازمـن تمتحنـا




3والله فلا ادري لكن اني تكاثرت جورك على حال الضعيف المعنا




4في دبرة الله لو علينـا تدبـرت وحنا على رب العبـاد استعنـا




5نبكي من اسبابك ليا من تنكرت ونضحك وحنا في رحاك انطحنا




6كم ليلة ٍ ضقت وبكيت وتكدرت هم ٍ يجـر القلـب منـا ومنـا




7قالوا تكبر بس انا مـا تكبـرت يبقى التواضع قطعة ٍ من بدنـا




8اخفي ولا ابين وانا ما تحسرت الا على ضحكة سنين ٍ مضنـا




9يا كثر مابالعين شفت وتصبرت واقول يمكن يبعـد الهـم عنـا




10لكن على الله يا زمان ٍ تغيـرت نشكي على الله قسوتك يا زمنـا

[أبو تميم المفرج]

صح لسانك يابو مشهور

واشكرك يافارس على كتابة هذا الموضوع والقصيدة الرائعة

[أمير الحوطة]

قصيدة جميلة
وصح لسان ابو مشهور
تحتاج تنسيق حيث ان فيه حروف متشابكة بين صدر البيت وعجزه

[ابو عدي]

يعطيك العافيه وصح لسان ابو مشهور

[عبيد الشيخ]

جزاك الله الف خير زمان ماشفنا ابومشهور

[سفير آل عبهول]

مشكور على القصيدة

وصح لسانك ولسان ابو مشهور

[تركي الفيصل]

والله فلا أدري لاكن إني تكاثرت ::: جورك على حال الضعيف المعنا
في دبـرة الله لـو عليـنا تـدبـرت ::: وحـنا على رب الـعبـاد إسـتعـنـا
تسلم يمينك يابو مشهور وتسلم يافارس على ماسويت

[عبدالملك]

مشكور على نقل القصيده والله يعطي ابو مشهور العافيه

[قايد تميم]

القصيده اجمل من رائعه صح لسان قايلها وصح يد ناقلها

[((عريبة الجد))]

هنا يكون للشعر مساحات جميله

سلمت على النقل المميز

[العبهول التميمي]

صح لسان شاعرنا وسميي في نفس الوقت .

[محـ الديار ـب]

ماقصرت اخوي الفارس على المتابعة لشاعرنا ابو مشهور ونقل جديده
وسلمت يدااااك

[فارس المفرج]

مشكورين على المرور والردود يا عيال العم ..

[فهد المفرج]

فارس المفرج

يعجبني اهتمامك ويشدني حرصك

شكراً لك من الأعماق

اخواني الأعضاء

شكراً لكم على مشاعركم الطيبة

تحياتي للجميع

[خيال طفلة]

صح لسانك مليون اخوي الشاعر فهد ولا يكفون,,,رسمت اجمل قوافي الشعر

تميز في الطرح وعذوبه في المعنى,, سجلني أحد المعجبين بما قلت
لافظ فوك,,, ولا عدمناك ,, واصل,, ولك مني اجمل التحايا