المساعد الشخصي الرقمي

مشاهدة النسخة كاملة : البارحة والعباد رقود،،،،بصوت الشاعر ناصر المفرج ،،

أبو تميم المفرج
22-Mar-2008, 01:36 AM
السلام عليكم ورحمة الله وبركاته

هذي قصيدة للشاعر مشعل بن شباب الصخيلي الشيباني

وكان يذكر السنين الماضية والارض اللي كان يعيش فيها وان اهلها تركوها ويذكر الابل

القصيدة محزنه جدا وخاصة بصوت شاعرنا / ناصر المفرج (أبو باسل )




البارحة والعباد رقود
العين هلت محاجرها

ذكرت وقتاً مضى يا سعود
وأزريت لكتم عبايرها

فارق سماها وحن رعود
واسقا ضما الخلق ماطرها

لا قلت تهدا تقوم تزود
ودقت بقلبي خناجرها ‏

أذكر هل الطيب واهل الجود
لا جيت لديار خابرها

منزال ربعاً تفك القود
ما فكرت في مخاطرها

كم داج فيها وعاش اجدود
يا ما مشوا في معابرها

واليوم تذري عليها النود
تبكيك لا جيت زايرها

ما كن دوج عليها الرود
تفداك شوفة مناظرها

موت شجرها ويبس العود
ولا عاد ينشاف باذرها

اللي سكنها رهين الدود
من عقب ما كان عامرها

ناساً قضت وقتها المحدود
يا عين شوفي مقابرها

ماتوا وحطوا بوسط ألحود
تحت الثرى في محافرها

صارت خرى عقب شوف الذود
يرتاع ويرعى محاجرها ‏

طرشاً يصدر وطرش ورود
يا زين حنت عشايرها

تارد ليا جا مطر وعدود
ثم صدر الطاف خاطرها

شعل ومغاتير شقح وسود
ودك بعينك تناظرها

دنيا العنا ما وراها فود
في الماضي والكل خابرها

ما دامت لسيد ومسيود
والغدر طبعاً معاشرها

يغتر في حسنها المقرود
اللي يسره مناكرها

ما يدري أن العمر محدود
دنياه لازم يغادرها

شباب ولا لو انه عود
يرحل ويترك مظاهرها‏

يا الله يا الواحد المعبود
أغفر خطاياي واسترها

نزغات نفسي بدون حدود
يا رب طالبك تغفرها

صلوا عدد فوح ريح العود
على افضل الرسل وآخرها








للتحميل المقطع ((بصيغة الجوال)) حجمه286كيلوبايت (http://www.arbshare.com/853117)









تحياتي

أبوتميم
سفير آل عبهول
22-Mar-2008, 10:57 AM
قصيدة رائعة وساعدها صوت ابو باسل

وتصدق إن الشريط ما مشاه إلا هالقصيدة


شـكــ وبارك الله فيك ـــرا لك ... لك مني أجمل تحية .
أبو تميم المفرج
22-Mar-2008, 01:53 PM
سفيرآل عبهول


يشرفني مرورك الكريم
التميمي
22-Mar-2008, 03:02 PM
ليتك تجيب مركز عربي علشان أحمل
التميمي
22-Mar-2008, 03:03 PM
جااااري التحميل


شكراً
أبو تميم المفرج
22-Mar-2008, 05:37 PM
اجل عرفت وشلون

للي مايعرف

افتح الصفحة تلقى تحت رقم على يمينه مربع اكتب الرقم في المربع ثم اضغط على Download File Now

http://img139.imageshack.us/img139/7043/dddddfv2.jpg
العبهول التميمي
22-Mar-2008, 11:36 PM
ما شاء الله أداء رائع للأخ الشاعر ناصر .

بس واضح ان القلوب على بعض .. انا مسجلها ومزينها بس باقي التحويل والتحميل .. لكن سبقك بها عكاشة .
أبو تميم المفرج
23-Mar-2008, 01:57 PM
العبهول التميمي أشكرك على مرورك الكريم ومافيه مانع نزل موضوعك وابشر من يحذف موضوعي
العبهول التميمي
23-Mar-2008, 08:40 PM
لا وش دعوى .. من سبق لبق .
فارس نت
27-Mar-2008, 08:24 PM
يعطيك العافيه ...
أبو تميم المفرج
28-Mar-2008, 02:51 PM
أشكرك يا فارس نت على المرور
ملح حلو
28-Mar-2008, 04:11 PM
يعطيك العافيه ...
أبو تميم المفرج
28-Mar-2008, 11:26 PM
ملح حلو

مشكووور على المرور