معلقة بني تميم (حسب رأيي)

[الكاسر]

بمناسبة افتتاح منتديات العبهول وانضمامي اليها غهدي الجميع قصيدة الشعر الكبير عبدالله بن صقيه (التميمية):

أمس الضحى عديـت راس متعلـي
رجمٍ بنـي فـي عاليـات العناقيـر
قـورٍ وعـورٍ نايفـاتٍ زمـن لـي
تلقى بها نـدر الصقـور الصقاقيـر
ماغيـر اوسـع خاطـري بالتسلـي
أرقى طلوع الشمس وأرقى به عصير
حافي قدم شوفي مـن المشـي كلـي
تشريفـي المرقـاب تفـرج لاغيـر
اجـاذب الونـات فـي عبـرةٍ لـي
القلب مما فيـه يكفـخ كمـا الطيـر
يتـوق كنـه بالعسـايـر يمـلـي
والا يدقونـه بصلـب المسامـيـر
جيش المنايا يبركـن ويحبـن لـي
محنونـيـاتٍ كنـهـن البواكـيـر
حاير فكر باهل الزمن مافطـن لـي
يا اهل الوفا شوفوا لقبـري حفافيـر
الموت هو ويا الحيـاة استـون لـي
لى شفت لي ناسٍ تنصـب معاثيـر
ولـي حيـاةٍ ذلـت الحـر ولــي
غدا بها الثعلب مثـل سالـم الزيـر
مانيب يم البيض لو عارضـن لـي
شفي بعيـدٍ حـال دونـه مناعيـر
نـاسٍ لهـم بالعلـم ربـطٍ وحــل
من لابةٍ يثنـون خلـف المظاهيـر
اللي نريده بالشرف ماحصـل لـي
دونه سيوفٍ مرهفـات وحجاجيـر
يامعذبني يـاى اللـي لقلبـي تتـل
تل الدلـو لحيـام سـود ومغاتيـر
صورت لي بالطيـف يالايـقٍ لـي
ما ادري مع العجمان ولا مع امطير
والا مـع اللـي بالمخـاوف تحـل
صيارم منهـا الحبـارى مخاميـر
جبـلان أهـل خيـلٍ جيـاد وبـل
تمايمه من قوم فدغـم سواعيـر(1)
ماطالني من كـل نـذلٍ جـزاً لـي
لارحم ابو من يرتجي هكري شعيـر
عيبي هـل النخـوة تـدور محلـي
نـاسٍ أصادفهـم ونـاسٍ مساييـر
الا ومــع ذا مجلـسـي مايـمـل
مانيب دعبـول هروجـه خماكيـر
إلى هرج بي مغرضٍ مبغـض لـي
مدنوس عرضٍ من همج مابهم خيـر
ضاريـن بالهـسـات دقٍ وجــل
سقطٍ كِرم من سمع ماكـر معابيـر
للمشتبـه جنـح الديـاحـي تــدل
اهـل وجيـهٍ كالحـاتٍ تقـل قيـر
أرذالٍ بالـنـذال نــاسٍ تهـلـي
خمـة قـرود والفتهـا خنـازيـر
تجمعـت مجـمـع حـقـارة وذل
اهل الخنا واهل العيـون المصاويـر
اضبط صلاتك زين يا اللي تصلـي
لاتحسب الطاعه ترهبـن وتزويـر
حنـا نعرفـك مـن قديـمٍ مـغـل
يالسدرة ام الشوك يـا ام العصافيـر
قد قلت يا ام ظلوف بالـروض فلـي
لاترفعي راسك ترى لـك مداويـر
تريحـي فـي مرتعـك واستظلـي
عن ضاري يرقيك روس الشناظيـر
ان انتحيتـي عـن محـل المحلـي
فرسك اخو سحمـه لعـوج الناقيـر
راعي البكار الوضح عنـك متخلـي
ومسرحـك عيـا يطيـع المشاويـر
ذبحك خلفـك يـا ام ديـس امتدلـي
الى نشف ضرعك كلوك الخطاطيـر
خلفـه همـل مـن حلبهـا مايمـل
تهبل بدون حوار وبـدون تضييـر
عليكـم العمـانـي انـهـل هــل
يامطوية فـوق الهوامـي كواويـر
افطـن لرجلـك بالجبـا لاتــزل
ياجـذبٍ للدلـو مـن جمـة البيـر
ماهمني هرج تهرجـه عـدى لـي
ناسٍ علـى الفتنـه تـدق المزاميـر
رجالـهـم بالمتـرفـات متحـلـي
يخسون مافيهـم رجـالٍ مساطيـر
ابـا حقـب قـام الجناحـه يـفـل
يامدمي المخـلاب ماتقطـع السيـر
كثر الهمـج بالحيـل بيـح خفالـي
طـرق المعالـي عاليـات معاسيـر
المرجلـه للـي بضيـفـه يهـلـي
ماهـي لكـم يامطوليـن الأظافيـر
يا اللي تقول أقول لـك لاتقـل لـي
اشـف الجمـال معلقـة بالشناكيـر
مـن عقـب ماهـي للثقايـل تشـل
ضالو عليها بالخـوص والسواطيـر
عسى الحيا للـي رعـت بـه يعـل
يسقيـه مـن نـو الثـرا شخاتيـر
وان كان دمعك فـوق خـدك يهـل
فانا علـى دمعـي يمـدد مواصيـر
وان كان توك فـي جبالهـا مدلـي
فانا حيامي مـن جبالهـا مصاديـر
وان كان تذكر خاطرك ما اسفهلـي
فانـا مقيـمٍ بيـن نـاسٍ مجاديـر
وان كان دهرك في حياتـك مخلـي
فانـا مذوقنـي عـذاب ومعازيـر
مازلت وجعـانٍ علـى شايـبٍ لـي
الخلـق تفنـى والمقاديـر اباكـيـر
اليوم انا ويـاك بالوصـف كاللـي
يشم دهـن العـود بيـن العطاطيـر
ياكثـر نـاسٍ للفـرص تستـغـل
تلبس ثياب الزيف من دون أزاريـر
اكره الى مـن الليالـي صفـن لـي
وافرح الى من جـا بماهـا بغاثيـر
عين اروي المـي لاينضحـن لـي
وانا بقيظٍ يصهـر الكبـد تصهيـر
ياجسـم ياللـي سلـه الهـم ســل
في سودها والبيض امان ومخاطيـر
راحت حياتي كلهـا ماصفـن لـي
خيلٍ معاطي بـس حصـن مناكيـر
وقت ايشيـب للاسـف كامـيٍ لـي
مراكبـه فيهـا لحربـي منـاويـر
جو الوفي عنـه السحـاب متجلـي
يا دايـر الافـلاك لافلاكهـا ديـر
دنيـا بلاهـا للعـريـب متبـلـي
يمسي على خيرٍ ويصبح على غيـر
لابـد ماتطويـك طــي السـجـل
ياشـاويٍ قلـب النعامـة بقصديـر
جمر الغضـا كـل عليـه متصلـي
اصبر على ماجـاك يانافـخ الكيـر
راعي التنصيب لو تبي منـه ملـي
اصله بخيـل ماضـرى للمخاسيـر
ياسيف ياللـي فـي جفيـرك محـل
تشره عليـك منطـلات المصافيـر
سبحـان مـن غيـر بخلقـه وجـل
اهل جياد الخيـل صـاروا بقاقيـر
حتـى الثعالـب منهـن النمـر ذل
دايم شبـاعٍ والضـواري مضاميـر
نبح الكلاب السايعـة ماشحـن لـي
الذيـب ماعنـده بنبـح المجاعيـر
عويت لسباع الـزراج وعـون لـي
ليـنٍ هـل التزويـر ولـو مدابيـر
اموسعٍ صدري فخـر دوحـةٍ لـي
بنـي تميـم مهدميـن الطوابـيـر
من لا اعترف بافعال ربعـي يولـي
ويضرب براسه روس ابانات والنير
اقصى بني عمي بكـل الـدول لـي
وادنى بني عمي هل الوشم وسديـر
واهل القصيم اللي وفاهـم وفـاً لـي
دايـم لطانـة الحرايـب محاضيـر
وباجا وسلمى واهل الحوطـه اللـي
ندر حـرارٍ مـن رفـاع الموكيـر
وربعي هـل الحلـوة بهـم يستـدل
واهل القويع الكل منهم مغاويـر (2)
واولاد عبـدل كاسبـيـن التعـلـي
حناظلة وافين من قـوم جريـر(3)
فخري باهل حوطة تميمٍ هـوىً لـي
درع المضايق يوم تبلـي الحناجيـر
ذباحـة الدولـة وبـال المـضـل
ولـو مدافعهـم بـحـدب بواتـيـر
واهل البطين ركـون طـودٍ مطـل
وترثة محمد شيخ كل الجماهيـر(4)
واهل الحسا ريف الدريـك المولـي
بني مبارك مكرميـن الزواويـر(5)
والثانـي اللـي جارهـم مـايـذل
دوارم تابي عن الجـور وتجيـر(6)
فـي ساعـة فيهـا البيـارق تفـل
وبالجو من صم الحوافـر معاصيـر
وقابوس درع عمان مقعد صغا اللـي
يزوم نفسه يوم ذبـح المشاهيـر(7)
اجلد تقول اسد مـن الصبـر ملـي
الى زار يستبشـر الذيـب والطيـر
واهل الوفا الجبلان فـي كـل حـل
وحشٍ حماهم فـي نواحيـه ماديـر
كـم فروقـوا مابيـن خـلٍ وخـل
كسيرهـم تحتـار فيـه الجبابـيـر
جهرا الكويت بها السعيد اعضداً لـي
مشارفـه بافعالهـم كمـي ومغيـر
وسربة بني ثور هل النخـوه اللـي
رجالهم تلقاه لـي ثـور ذخيـر(8)
وعرنه تميـمٍ فـي سبيـع المهلـي
ذباحة المـردم ليـال المعاسيـر(9)
وغوش الاضبه لابتـي مسنـدٍ لـي
غش الخصيم مبيدة ضمر العير(10)
ثلاثة اربـاع العـرب محـزم لـي
مابيـن حكـامٍ ومشهـور وامـيـر
وباقـي القبايـل باللقـا مـا تـذل
ندخل على الله ما بالجـواد تقصيـر
على رصـاص فيـك يامجنـد لـي
احن وارزم مثل خلجٍ علـى ضيـر
المشتبـه مانيـب اعـده ذرىً لـي
ذراي بعـد الله لـيـوث هزابـيـر
مـن لامنـى علـه ضريـرٍ يـدل
اعـداه تهـدم حلتـه بـام جنزيـر
لو ان رهايـه الوطـا ينطـون لـي
نخيت رهط صير الضـد تصييـر
ان كان راعي السيف للسيـف سـل
ياويلـكـم يامفلقـيـن المحاجـيـر
اكبـر حـرام بالحـيـل يستـحـل
لله فـي خلقـه شـؤون وتدابـيـر
ياطيف يا اللي بالدجى موقـظٍ لـي
لابدنـا متواجهيـنٍ علـى خـيـر
على النبـي سيـد البرايـا نصلـي
الهاشمـي عـد النجـوم الزواهيـر

الكاسر / العنبري التميمي

[قايد تميم]

أمس الضحى عديـت راس متعلـي
رجمٍ بنـي فـي عاليـات العناقيـر
قـورٍ وعـورٍ نايفـاتٍ زمـن لـي
تلقى بها نـدر الصقـور الصقاقيـر


الله الله
صح لسان قايلها
ومشكووووووووووور اخوي الكاسر على هذا الموضوع

[هادي]

صح لسان الشاعر

قصيدة جزله وجميلة

مشكووووووووور



سلام

[الكاسر]

الشكر موصول للجميع ووالله يا أبناء العمومة أن هذه القصيدة لا تقدر بثمن فالمتمعن فيها سيجد الكثير الكثير من المعلومات والحكم والفوائد

وفق الله الجميع لكل خير ولما فيه صالح العائله

[hamad15]

الله يمتع قايلها وناقلها بالصحة والعافية
مشكووووووووووووور يالكاسر قصيدة أكثر من رائعة ,,,,,,

[فهد المفرج]

الذيـب ماعنـده بنبـح المجاعيـر
عويت لسباع الـزراج وعـون لـي
ليـنٍ هـل التزويـر ولـو مدابيـر
اموسعٍ صدري فخـر دوحـةٍ لـي
بنـي تميـم مهدميـن الطوابـيـر
من لا اعترف بافعال ربعـي يولـي
ويضرب براسه روس ابانات والنير
اقصى بني عمي بكـل الـدول لـي
وادنى بني عمي هل الوشم وسديـر

قصيدة قمة الروعة والجمال والقوة في كلماتها وابياتها
حفظ الله الشاعر العملاق عبدالله بن صقيه
وابوعلي فخر لكل تميمي يجري في عروقه دم العروبة والحمية

[عبدالعزيز الفيصل]

صــح لسان قايلها وصح لسان ناقلها

قصيدة قمة في الروعة ..

مشكور أخوي الكاسر.

[سمو الملكي]

صح لسانك وفالك طيب ياالكاسر ويعطيك العافيه

[فهد الفيصل]

جزيت كل خير
وربي يسلمك على هذي القصيدة

صح لساااااانك
تقبل تواجدي

[أمير الحوطة]

صح لسانك واقرأ هذا البيت
بنـي تميـم مهدميـن الطوابـيـر
من لا اعترف بافعال ربعـي يولـي

قال رسول الله صلى الله عليه وسلم عنهم ( اشد الناس عداوة على الدجال )والدجال معه طوابير من اليهود وستكسر شوكتم ان شاء الله

[الكاسر]

الشكر للجميع على التواصل والتفاعل والله يحفظ الشاعر ويعطيه طول العمر ويمتعه بالصحة والعافية

[الكاسر]

شكرا للجميع على التواصل وارجو من لاخوان المتمكنين من تنسيق مثل هذه القصيدة تنسيقها بالشكل الذي يتلائم وقيمتها .

تحياتي

[تركي ابو متعب]

بيض الله وجهك وصح لسان شاعرها وبيض الله وجهه
قصيدة جزلة في قوم كريمين

[الكاسر]

شكرا للجميع على المرور
ولوانها جت متأخره