التميمي
01-Oct-2007, 03:02 PM
تمير في شعر الشعراء
ورد ذكر تمير في عدد من الأشعار على ألسنة بعض الشعراء سواء من داخل تمير أو من خارجها وغالب هذه الأشعار تثني على كرم أهل تمير أو على جمال الطبيعة فيها وسوف نتطرق لذكر تمير على السنة الشعراء من غير أهلها ومن ذلك :
1 – الشاعر إبراهيم بن عبد الله بن جعيثن توفي عام 1362 هـ
قال :
يالله بنو للرعد به زلازيل ينشي من القبلة صدوق خياله
الى أن قال :
والى انحدر يضفي على العودة السيل و تمير ومجزل تملا هجاله" "
2 – الشاعر عبد الله بن صقيه التميمي
قال :
لي لابة لاهل العقول اهبال بحـر غزير داخـله يهتال
الى أن قال :
واهل تمير لامن السنين اشلهبت للضيف واللاجي سحاب هال " "
3 – الشاعر علي بن جودة السهلي من أهل الشعب
قال :
والله لو اني للتمارى عزوبي إن كان ما اقعد ليلة ماتعشيت
متكانف تمير ستة دروبي وما منهم اللي قال للضيف مليت " "
4 – الشاعر عبد العزيز بن عبد الله المعنى
قال:
ما حلا المكشات في جـو ربيع مع شباب كلهم نعم الشباب
يوم اشوف الناس بالخط السريع رايحـين كلهـم يم الهضاب
الى أن قال :
في ديار تمير والبر الوسيع روضة بالخشم عانقها السحاب
5 – الشاعر نافع الحربي
قال :
عسى وبل السحاب اللي بروقه كنها النيره
يضـف تمير وأم رجوم والصمان والجالي
تحــدر وانحـدر والـبرق ينبي عن تقـاريره
تـهشم فوق حلوات النبات فياض وجبالي
6 – الشاعر عبد الله بن مقبل المطيري
قال :
والنعم بأهل تمير ذربين الإيمـان بالدين والدنيا رقو كل عالي
كل شكرهم بالمروءة والاحسان نطاحة الماجوب في كل حالي
لعل تسقي دارهم غر الأمـزان نو من المنشا صدوق الخيالي
أهل تمير مع القبايل لهم شـان أهل الكرم والجود بأول وتالي
7 – الشاعر سليمان الهويدي
قال :
الراية البيضاء لكم ياهل تمير والطيب والنوماس تستاهلونه
تستاهلون المدح في كل تعبير ونشيد بالطيب الذي تفعلونه
صفوة رجال من رجال مناعير اختارو منـزال العلا يسكنونه
عسى مراويح السحاب المباكير لاصار فوق تمير تمطر مزونه
8 – الشاعر أحمد بن زيد القريان
قال :
حي ناس مابـهم نفس بليدة خيرهم سباق صاع فوق صاعي
أتمنى عيدكم ربي يعيـده في تمـير بلا توقف وانقطاعي
وبعد هذا بعض ماذكره بعض الشعراء عن تمير من غير أهلها مختصرا ولولا الإطالة لذكرنا شعر جميع من تطرق الى تمير وذكرها في شعره .
مع تحيات: التميمي
ورد ذكر تمير في عدد من الأشعار على ألسنة بعض الشعراء سواء من داخل تمير أو من خارجها وغالب هذه الأشعار تثني على كرم أهل تمير أو على جمال الطبيعة فيها وسوف نتطرق لذكر تمير على السنة الشعراء من غير أهلها ومن ذلك :
1 – الشاعر إبراهيم بن عبد الله بن جعيثن توفي عام 1362 هـ
قال :
يالله بنو للرعد به زلازيل ينشي من القبلة صدوق خياله
الى أن قال :
والى انحدر يضفي على العودة السيل و تمير ومجزل تملا هجاله" "
2 – الشاعر عبد الله بن صقيه التميمي
قال :
لي لابة لاهل العقول اهبال بحـر غزير داخـله يهتال
الى أن قال :
واهل تمير لامن السنين اشلهبت للضيف واللاجي سحاب هال " "
3 – الشاعر علي بن جودة السهلي من أهل الشعب
قال :
والله لو اني للتمارى عزوبي إن كان ما اقعد ليلة ماتعشيت
متكانف تمير ستة دروبي وما منهم اللي قال للضيف مليت " "
4 – الشاعر عبد العزيز بن عبد الله المعنى
قال:
ما حلا المكشات في جـو ربيع مع شباب كلهم نعم الشباب
يوم اشوف الناس بالخط السريع رايحـين كلهـم يم الهضاب
الى أن قال :
في ديار تمير والبر الوسيع روضة بالخشم عانقها السحاب
5 – الشاعر نافع الحربي
قال :
عسى وبل السحاب اللي بروقه كنها النيره
يضـف تمير وأم رجوم والصمان والجالي
تحــدر وانحـدر والـبرق ينبي عن تقـاريره
تـهشم فوق حلوات النبات فياض وجبالي
6 – الشاعر عبد الله بن مقبل المطيري
قال :
والنعم بأهل تمير ذربين الإيمـان بالدين والدنيا رقو كل عالي
كل شكرهم بالمروءة والاحسان نطاحة الماجوب في كل حالي
لعل تسقي دارهم غر الأمـزان نو من المنشا صدوق الخيالي
أهل تمير مع القبايل لهم شـان أهل الكرم والجود بأول وتالي
7 – الشاعر سليمان الهويدي
قال :
الراية البيضاء لكم ياهل تمير والطيب والنوماس تستاهلونه
تستاهلون المدح في كل تعبير ونشيد بالطيب الذي تفعلونه
صفوة رجال من رجال مناعير اختارو منـزال العلا يسكنونه
عسى مراويح السحاب المباكير لاصار فوق تمير تمطر مزونه
8 – الشاعر أحمد بن زيد القريان
قال :
حي ناس مابـهم نفس بليدة خيرهم سباق صاع فوق صاعي
أتمنى عيدكم ربي يعيـده في تمـير بلا توقف وانقطاعي
وبعد هذا بعض ماذكره بعض الشعراء عن تمير من غير أهلها مختصرا ولولا الإطالة لذكرنا شعر جميع من تطرق الى تمير وذكرها في شعره .
مع تحيات: التميمي