عزيزة نفس والعزه عن أمثالك تعزيني

[قطر الندى]

تركد لاتعشم نفسك اني بالغرام اهواك
ترى منته بربٍ لي تموتني وتحييني
انا ماقلت لك اني هويتك تابعه لرضاك
ولافكرت فدروب الهوى لو كنت تغليني
انا بنتٍ شريفه واطيه قلبي قبل لاآطاك
وطيته قبل فدروب المشاكل لايوطيني
اذا هذي طبوعك دايمٍ تمشي على عمياك
اببعد عنك قبل انك تبلاني وتعميني
بنات اهل الشرف والعز ماهي ملك في يمناك
وانا لامن بغيتك املكك في راحة يميني
تخربط بالكلام وشوف هرجك وين هو وداك
وانا هرجي على دروب الشرف دايم يوديني
كساك الحلم من راسك لتفكيرك ليا ماطاك
تحسبني احبك واعشقك وانت اجمل سنيني ؟؟
ترى والله مااااتسوى ولاذرة رمل ياذاك
ولاتسوى بعد دمع الفرح والحزن في عيني
تبلاني بحبٍ ماعرفته ربنا يبلاك
وانا بنت ولاامشي في دروب العيب والشيني
انا بنتٍ ربت في بيت عز وسيرته تسواك
على دين وسلوم وعز وعهود وبراهيني
مانيب من عاااالم الموضه وغصن البان هو والراك
عزيزة نفس والعزة عن امثاالك تعزيني
وتركد لاتعشم نفسك اني بالغرام اهواك
ترى منته بربٍ لي تموتني وتحييني

[عبيد الشيخ]

تبلاني بحبٍ ماعرفته ربنا يبلاك

هذا حال الدنيا....
شكرا لك يا قطرالندى...........

[القديم]

بنات اهل الشرف والعز ماهي ملك في يمناك

صح السانك ياقطر الندى عاى هالأبيات والله يجزاك الف خير

[أمير الحوطة]

والله عندنا شعراء
بس ما نعرف اساميهم !!!

[((عريبة الجد))]

قطر الندى

سلمتي ولاهنتي

إنتقاء عانق السحاب

ذووق راقي

أستمتعت بما قرأت

صح لسان الشاعر

ولكِ تحياتي

[لا بعد ماشفت كيدي]

قطر الندى
لا شيء جديد غير الإبداع

انا بنتٍ شريفه واطيه قلبي قبل لاآطاك
وطيته قبل فدروب المشاكل لايوطيني

حروف يتوجها الجمال

ومشاعر تمطر تميزاً ونقاء

لتلاقي لها مكاناً في قلوبنا

تقبلي تحيتي
لا بعد ماشفت كيدي

[قطر الندى]

مشكورين جميعاً على المرور والاطراء بارك الله فيكم

[OMوقت اللزووومZO]

شكرا قطر الندى وننتظر ابداعاتك

[قطر الندى]

مشكور اخوي زووم على المرور
وللأمانه الابيات منقوله نسينا نسجل هذه الملاحظه من البدايه