ياركب اللي ساع دقوا سوشتة

[OMوقت اللزووومZO]

يا راكب اللي سـاع دقّـوا سوشتـه
مشري من المعرض و طبلونه أصفار
يفـزّ لامنّـك علـى طـول نشتـه
يبعدك عن دار و يقرّبـك مـن دار
إليـا شريتـه بالثمـن مـا كرشتـه
فكسار لا قالوا لـك النـاس فكسـار
يا سايقه ما هـي سياحـه و كشتـه
قافيك مشوارٍ ما هـوب أيّ مشـوار
يا زين مغباشك إليـا مـن غبشتـه
قبل صلاة الصبح و الطير مـا طـار
و منصاك في مطراشك اللي طرشتـه
مزيد عدال مكرّم الضيـف والجـار
ماريّتـه تلقـاه واقــف إبّشـتـه
في بيته يرحـب ليـا جـوه خطّـار
ياما بـدمّ الحيـل خضّـب إنمشتـه
ذبّـاح حيـلٍ فالهـا بـنّ و بهـار
قلّه علـي سـود الليالـي إدهشتـه
فوقه همومه كبر سلمـى و سنجـار
بانيابهـا سـود الليالـي إنهشـتـه
و دقّت على كبـده ثلاثيـن مسمـار
تدري وش أقشر يوم فالعمر عشته ؟
فرقـا وليـفٍ لـه معـزّه و مقـدار
غـروٍ بلشنـي بالهـوى وابتلشتـه
ركى على قلبي مثـل واهـج النـار
رمشه إليا منّ النواعـس إرمشتـه
يطرق يالله العجـب فـوق الاحجـار
والكفّ مـن حنّـا يديهـا إنقشتـه
و الوجه نوره فايـقٍ كـل الانـوار
جرحي إليـا منّـه تعافـى إنبشتـه
لا يمكن انساها و لو صار ما صـار
اللـي وحشنـي بالفـراق اوّحشتـه
منه و عنه ما جاني علوم و أخبـار
نـذرٍ ليـا جانـي طريقـه فرشتـه
لعيونه أفرش سكّتـه ورد و ازهـار


مع تحيات
زوووووووووووووم

[القديم]

إليـا شريتـه بالثمـن مـا كرشتـه
فكسار لا قالوا لـك النـاس فكسـار

صح السانك على هذة القصيدة وبيض الله وجهك

[((عريبة الجد))]

صح لسانك وعلا شانك على هذه الرائعه ..

لاهنت ..

[OMوقت اللزووومZO]

مشكورين على المرور

[العبهول التميمي]

صح لسانك على ذا القصيدة ،،

واحفظها عشان لاطلعنا إلانا نشيلها .

[OMوقت اللزووومZO]

حياكم الله على المرور الهادف
وابشر ياخوي العبهوول بالشيلات الطيبة

[عبيد الشيخ]

غالي $$$$$$$$$$$$$$$$$ يابن العم

[الخيال]

تسلم يالزززووومم عالى هالبويتات الزينه وشكراًً

[محـ الديار ـب]

مشكور ياولد العم

ونبيك تشيلها لنا بصوتك الشجن ((لاتصدق وتغثنا))